Skip to main content
126

Ilinniartitsisoq

IMARSIORNERMIK ILINNIARFIK NAALAGANNOR-NIARNERMUT IMMIKKOORTORTAQARFIK UJAASIVOQ, UMIARSUUP NAALAGAANIK

Ilinniarfimmut ineriartorluartumut peqataarusuppit?

Imarsiornermik Ilinniarfik naalaganngorniarfiani ujaasivoq, umiarsuup naalagaanik tunniusimalluartumik akisussaaffeqarluartumillu atorfinitsinneqartussamik 1. august 2019 imaluunniit allamik isumaqatigiissuteqarnikkut.
Uukkataraarput sullissinerup qaffasissuunissaa, inoqatigiittut nukittuumik piginnaaneqalernissarput aammalu nunat tamat akornanni inuussutissarsiutikkut inuuneqarnermut piumasaqaataasut paasisimalluarnissaat. Ilanngulluguttaaq uukkatatsinnut ilaalluarput ileqqorissaarneq aammalu ilinniarfeqarfitsinni tamani attatsitsisinnaanerput, taamaattumillu imarsiornermik inuussutissarsiuteqartut soqutiginnittut tamaasa qanimut suleqatigilluarpagut

Ilinniarfiup siuttui sulisullu 2018 upernaakkut naappennerminni suliaqarput angunia-gassanik nutaanik aamma pingaartitanik nutaanik. Suliaqarnerup tunngaviliisuppaa siunertaaliilunilu ilinniarfiup ineriartoqinnissaanut. Uku qulequtaapput:  

  • Aalajaasuseq.
  • Toqqissisimaneq / Tatiginninneq.
  • Ataatsimoorluni anersaaqqanneq.
  • Ukiut suliffigisimasat.
  • Isumaqatigiinitarneq inissaqatinneqassasoq.
  • Torrersuuneq

Ilinniartitsisoq 
Uummaarissumi aamma kiffartuusilluartunilu suleqataarusulluarpit, taava ataaniittoq atuaruk: 

Kinaavit? 
Ulluinnarni unammilligassaasuni suliassanilu ammasuusaatit aammalu unammiligassat pitsaasumik tigusassavatit.
Nammineerlutit aalajangiisinnaasassaatit, aammalu naatsuutigaarput takutinneqassa-soq suleqaalluarsinnaasutit, atorfik akisussaaqataammat pitsaasumik ingerlasoqanis-saa.  

Akisussaasuseq

  • Qulakkiisallugit pitsaassutsimut periutsip uppernarsaanissamut piumasaqaatai aammalu periusai eqqortissallugit.
  • Ilinniarnernut aaqqissuussinerit aamma ilinniartitaanermut pilersaarummik  suliarissallugit, immikkoortumi ilinniartitaanermut pisortaq suleqatigalugu tassanilu qulakkiisallugu ilisimasat, pikkorissutsit aammalu piginnaasaqarnerit pillugit anguniakkat tamarmik qulakkeernissaat Søfartsstyrelsenip ilinniartitaanermut pilersaarutai naapertorlugit (Nalunaarutit Danmarkimi imarsiornermi ilinniartitaanerit) aamma immikkut ittut atuussinnaasut Kalaallit Nunaanni. 
  • Eqeersimaartumik peqataaffigissallugit ilinniartitaanerit iluarssaannissaat, tassunga ilanngullugit ilinniarnerit allanngortiterneqartut, Inissititserineq atortuilersuineq init ilinniarfiusuni imaluunniit innersuusunikkut ilinniarnermut atortunik pissarsinissaq, soorlu ukuusuni atuakkat, IT-programmit il.il
  • Ilinniartitaanerup nalingani suleqatigisat naleqquttut attaviginissaat qulakkiisallugit. Tassani pineqarsinnaapput ilinniarfeqarfiit allat, suliffeqarfiit assigisaallu.

Pingaarnertut suliassaaq: 

  • Pilersaarusiorneq, ilinniartitaaneq naamassinissaa aamma suliaqarnissaq ilinniartitaanermut atortussanik, ilinniagaqartumut/ ilinniagaqartuni najoqqutaralugu ilinniartiaanermut pilersaarut tassunga ilinniartitaanermut aaqqissuusaq.

Suliassiissutit pingaannginnerit:

  • Eqeersimaartumik suleqatit peqatigalugit aaqqiissutissanik imaluunniit paasinninnernik ikioqatigiinneq (supervision) aammalu ilisimasanik avitseqatigiinneq atuartitsinissap il.il. naammassineqarnissaat eqqarsaatigalugit.
  • Eqeersimaartumik immikkoortoqarfimmi aqutsisunik ataatsimeeqateqarnermik peqataasarnissaq, kiisalu ilinniarfiup sulisui allat ilinniarfiup ineriartortinneranut tunngatillugu, tassunga ilanngullugit ilinniarfimmi sulianut perorsaanermullu suliniutit ilinniartuni ilinniarnerit annertusarnissaat siuarsarniarlugu.
  • Piviusunngortissalugit takorluukkat imaluunniit takorluukkanut atuumassutillit suliassat innersuusineq pisimappat siuttuniit.

Ilinniaqqinnerit / Pikkorissarnerit:

  • Ilinniaqqinnissaq naammassissallugu, annerusumik ukkatissallugit sulinermut perorsaanikkullu ilisimasat nutaat, kiisalu ilinniartitsisup nutaamik teknologiimik ineriartornermi pisinnaasai imaluunniit allat allanngunnginnissa piginnaaneqar-figilissallugit.
  • Pisinnaasatit piorsarniarlugit, periarfissaqaluarpoq ilinniaqqissinnaanerneq aamma pikkorissarneq.
  • Ilinniaqqinnissanut pikkorissarnernullu kissaateqarnerit, ukiumoortumik MUS-oqaloqatigiinnerit ilagaat.
  • Ilinniaqqinnermi pineqarsinnaapput, killilerneqanngitsumik:
  • Angalaaqataaneq
  • Amutsivimmiinneq
  • IT-imut, Pædagogikimut, pitsaassutsip aqunneqaranut il.il. pikkorissarnerit.
    • Sammisamut ilinniarnissaq siunertaralugu ilinniartitsisinnaalernissaq sammisanut nutaannut.

Naatsorsuutigaarput, uku pigissagitit: 

  • Uppernarsarneqassinnaasumik angalasimaneq, aquttutut /naalakkatut.
  • Pisinnaasaqaneq ammasuunermik, inussianersuuneq piumassuseqaluarnerlu 
  • Kajuminneq piumaneelu suleqatigiinissamut, pingaartillugu akissussaafeqarneq aamma sapiineq. 
  • Pisinnaasaqarneq piumalersitsinikkut suliassanik ingerlatitseqqinneq, taamaalilluni suliaq inerneqaluni sammisami qaffasissumik, qulakkeerinninnerlu anguneqarluni.  
  • Pisinnaasaqarneq ulloq ulapaarfiugaluartoq, ajunngitsumik angusaqartarneq.
  • Inuusutissarsiutigalugu uppernarsaat angallammi ingerlassisinnaasutut (STCW II/2) 
  • Radiocertifikati GOC 

Paasissutissanik allat
Takusinnaaviuk ilinniartitsisuusinnaallutit maani, aamma atorfimmut tunngatillugu paasisaqarnererusuppit, uunga saafiginnissinnaavutit ilinniartitaanermut pisortamut Bent R. Olesen tlf. +299 34 87 87 / +299 56 27 30 mail bent@maritim.gl

Qinnuteqarfissaq kingulleq marlunngorneq ulloq 23. april 2019.  
 
Tusarfiginissannut qilanaalereerpunga.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk