Skip to main content
130

Dette jobopslag er udløbet

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Ilinniagaqarnersiuteqartitsivimmi A/C fuldmægtigissarsiorpoq

Ilinniartitaanermut tunngasunik aallutaqarusuppit? Nunatsinni inuusuttunut ilinniarnertuunngorniarfinnik pitsaanerusunik pilersitseqataarusuppit? Ilinniarnertuunngorniarfimmi suleqatigiinni ilanngunnissat taava piukkunnavissaaq.
Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfimmi ilinniarnertuunngorniarnermut tunngasunik suliaqarnerusussamik suleqatissarsiorpugut.

Suleqateqallaqqissuusaatit akuersaartuullutit suliffeqarfimmilu aaqqissuussaaneq eqqarsaatigalugu naalakkersuinikkut aqunneqartumi sulinermik piginnaasaqassaatit ilinniarnertuunngorniarfimmi imaluunniit ilinniarnermut tunngasunik suliassaqarfiup iluani piginnaasaqarluaruit iluaqutaassaaq.


Ulloq atorfiniffissaq tassaavoq 1. oktober isumaqatigiissuteqarnikkulluunniit.

Atorfik pillugu
Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfimmi ilinniarnertuunngorniarnermut suliaqartunut ilanngussaatit, suleqatigiit maanna marluk tassani sulisarput. Ilinniartitaanermut immikkoortortaqarfimmi immikkoortortaqarfimmut pisortaq nalunaarfigisassavat, ulluinnarnili suliassat aaqqissortassavatit suliassallu malitseqartitassat suleqatigiinnut aqutsisumit ataqatigiissaarneqartassallutik. 

Ilinniarnertuunngorniarneq (GUX) allanngoriartuinnaavippoq. Ineriartornerlu taanna ilinniarnertuunngorniarfiit sisamaasut susassaqartullu allat qanimut suleqatigalugit pivoq.

Suleqatigiinni suliat suliarineqartartut nikerartarput, tassaasinnaallutillu ingerlatsinermi suliassat, ineriartortitsineq, sullissineq aammalu inatsisinik atulersitsineq.

Makkununnga AC-fuldmægtigissarsiorpugut:

  • Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut qulakkeerinninneq
  • Ilinniarnertuunngorniarnermi ilinniartitaanerup ulluinnarni allaffissornikkut aqunneqarnerannik ingerlanneqarnerannillu sulineq
  • Ilinniarnertuunngorniarfinnut qitiusumik suliniutinik ataqatigiissaarisarnerit piareersaasarnerillu
  • Ilinniarfiit pillugit avammut paasissutissaliornissaq, ilitsersuusiornissaq periusissiornissarlu qulakkeerinninneq
  • Politikkinut sulialinnik sullissineq, soorlu allakkialiorneq, nassuiaasiorneq, oqalugiaatissiorneq, nalunaarusiorneq, suliakkiisusiorneq, tusagassiorfinnullu nalunaarutissanik suliaqartarneq.
  • Sulisitsisuni, ataatsimiititaliani, suleqatigiikkaanni siunnersuisooqatigiinnilu ataatsimiinnerni peqataanerit.
  • Naalakkersuisut Inatsisartullu suliassaanik qulakkiineq.
  • Suliassaqarfiit akimorlugit ineriartortitsinermi suliniutinik peqataaneq.
  • Ilinniartitaanermut tunngassuteqartunut atatillugu suliassat nukinginnartut


Kissaatigaarput, illit:

  • Naleqquttumik suliamut tunngatillugu kandidat-itut qaffasissusilimmik ilinniagaqarsimanissat.
  • Politikkimut tunngasuni aaqqissugaasumi suliaqarnermik misilittagaqarneq
  • ilinniarnertuunngorniarfinnik ilinniartitaanermullu tunngasut tamaasa ataatsimut isigalugit ilisimasaqassasutit
  • inuiaqatigiit kalaallit pillugit sukumiisumik ilisimasaqassasutit
  • aningaasaqarnermik naatsorsueqqissaarnermilu suliaqartarnermik ilisimasaqarluartutit
  • nammineq sulisinnaassasutit aaqqissorluakkamillu suleriaaseqassasutit
  • sulianik ilungersunartunik ataqatigiissitsisinnaasutit
  • kalaallisut danskisullu oqaluttariarsornikkut allattariarsornikkullu oqaaseqatigiiliorluarsinnaassasutit
  • Suliassanik piffissaliussat eqqorlugit tunniussisartuussasutit
  • Suleqatigiinnernik oqaloqatigiinnernillu pingaartitsisuussasutit


Aningaasarsiaqartitaanermi atorfeqartitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sap.  akunneranut 40 tiimit suliffiusassapput


Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat sukumiinerusut
Atorfik pillugu annertunerusumik paasisaqarusukkuit tikilluaqquneqarputit attavigissallugu
Dorthe Bidstrup, oqa. +299 345723, e-mail dbip@nanoq.gl
Helena Lynge Møller, oqa. +299 345623, e-mail hlmo@nanoq.gl.

Kalaallit Nunaat aamma Namminersorlutik Oqartussat pillugit annertunerusumik paasisaqarusullutit kissaatigigukku, www.nanoq.gl aqqutigalugu Atorfiit ataanni paasisaqarnerusinnaavutit.

Qinnuteqarneq
Qinnuteqarnissamut killissaritinneqarpoq ulloq 1/8 - 2022

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk