Skip to main content
114

Dette jobopslag er udløbet

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suliniutinut, paasissutissanut misissueqqissaartarnernullu suleqatigiiffiusunut suleqatigiinni atorfinnut marlunnut unammilligassalinnut Immikkut ittumik siunners

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suliniutinut, paasissutissanut misissueqqissaartarnernullu suleqatigiiffiusunut suleqatigiinni marlunnik suleqatissarsiorpoq – Suleqatikkuminartunik, inussiarnertunik suliffeqarfimmilu naalakkersuinikkut aqunneqartumi sulisinnaalluartumik pisariaqartitsivugut. Suleqatigiinni sulisut tamarmik imminnut paarlassinnaasariaqaraluartut assigiinngitsunik marlunnik sulisussarsiortoqarpoq, tulliuttuniittut takukkit.

Atorfinnut taakkununnga marlunnut atuupput:
Suleqatigiit Ilinniartitaanermut immikkoortortaqarfimmut 14-inik sulisulimmut ilaapput maannakkullu suleqatigiinni marluullutik.   Ilinniartitaaneq suliassaqarfiuvoq naalakkersuinikkut pingaartinneqartoq ukiunilu arlalinni taamaassimalluni, suliffiullu tamakkiisumik ineriartortitassanik suliaqartarnini aammalu soqutigisaqaqatigiinnit assiginngitsunit malinnaaffigineqaqqissaartarnini ilisarnaatigaa. Suleqatigiit suliassaat assigiinngitsorpassuupput suleqatigiillu akornanni sulisut aaqqissugaaneri aallaavigalugit agguataarneqartarlutik. Pitsaassuseq suliallu ataqatigiittuarnissaa eqqarsaatigalugit immikkoortumi sulisut siunersiorneqartarnissaat suliassallu suleqatigiissutigineqartarnissaat pingaartinneqarpoq - taamaattumik suleqatissanik piginnaasaminnik annertunerulersitserusuttunik ujartuivugut.
Susassaqarfiit akimorlugit suliniutinut, paasissutissanut misissueqqissaarnernullu suleqatigiit siunissaq eqqarsaatigalugu iliuusissat aammalu ilinniartitaanermut tunngasut ineriartortinnerani qitiulluinnartumik inissisimapput. Iliuusissanut tunngatillugu suleqatigiit suliassaasa ilaattut politikikkut pingaarnertut anguniakkat pitsaasumik tunngavissinneqarlutik suliarineqartarnissaat tamakkiisumik suleqataaffigissavat. Tamanna ilaatigut Ilinniartitaanermut pilersaarut ukiumoortup suliarineratigut, suleqatigiinnissamut isumaqatigiissut naapertorlugu ingerlaavartumik nalunaaruteqartarnikkut, misissueqqissaarnermik suliniutitigut assigiinngitsutigut kiisalu ineriartortitsinermik ataqatigiissaarinermillu suliniutitigut allatigut pisarpoq. Suleqatigiit ingerlatsinermut suliassat killillit isumagisarpaat, soorlu Ilinniartitaanermut kisitsisitigut paasissutissanut tunngasut.
Suliassap naammassinissaanut atatillugu Kalaallit Nunaanni nunattalu avataani angalasoqarsinnaasassaaq.

Immikkoortortamut pisortap ataaniissaasi ulluinnarnili suliassat suliassallu malitseqartinneqartarneri suleqatigiit aqutsisuannit ataqatigiissarneqartassapput.

Atorfinnut marlunnut taakkununnga uku tunngavigineqassapput

  • suliffimmut tulluartumik kandidatitut ilinniagaqarsimanissat
  • politikikkut aqutaalluni aaqqissugaasumi suliaqarnissamik ilisimasaqarluarnissat
  • piffissaq annikitsoq atorlugu paasissutissanik annertoorujussuarnik paasinnissinnaassuseqarnissat aammalu tigusisussanut siammasissumik ingerlatittassallugu.
  • ilinniartitaanermut suliassaqarfimmut tunngasunik ilisimasaqarnissat soqutigisaqarnissalluunniit
  • naalakkersuisoqarfiup aqutsisuinut, Naalakkersuisumut, Inatsisartunut aamma EU-kommissionimut nalunaaruteqarnissamik suliaqarsinnaanissat
  • suliassarpassuaqaraangat aammalu paasissutissat pineqartillugit tamakkiisumik isiginnissinnaanissat, aammalu paasissutissarpassuit paasinartunngorlugit aalajangiinissamullu isummerfigisassat eqqortunngorlugit suliarisinnaanissaat
  • Suleqatigiissitani sullarissuunissat, suleqatigiissitat ilaatigut tassaasinnaapput naalakkersuisoqarfimminngaanneersut aamma naalakkersuisoqarfinni/oqartussani allani suleqatigiissitat.
  • suliassanut piffissaliussaat eqqorlugit tunniussisinnaanissat
  • suleriaatsinik aaqqissuussisinnaassuseqarnissat
  • suleqatigiinnernik oqaloqatigiinnernillu pingaartitsisoq
  • suliassat ad hoc-it, ilaanneeriarlutik sivikitsuaqqamik piffissalerneqartartut ammaffigaatit
  • tuluttoorsinnaasutit
  • ajornanngippat kalaallisut/danskisut oqalussinnaavutit


Pingaarnertut atorfimmi paasissutissanik misissueqqissaartarnermillu sulianut atatillugu

Suliassatit pingaarnerit ilaatigut makkuussapput:

  • paasissutissanik suliassaqarfimmik ingerlatsineq ineriartortitsinerlu
  • ilinniartitaanermut tunngatillugu paasissutissanut tunngasunik assigiinngitsunik suliaqartarneq
  • Ilinniartitaanermut tunngatillugu EU-mik suleqatigiinnissamik isumaqatigiissummut atatillugu ingerlatanullu allanut tunngatillugu atuutilersitsiniarnermik suliamut misissueqqissaarnernik ikorfartuineq
  • paasissutissanut suliassaqarfimmi, kiisalu periarfissaqarpat suliassaqarfinni allani ineriartortitsinermik suliniutinut aqutsisuuneq/ikorfartuisuuneq


Taamaattumik ilinnit naatsorsuutigaarput:

  • amerlassutsimut, soorlu kisitsisitigut paasissutissanut tunngasunik suliaqarnermik misilittagaqartutit
  • misissueqqissaarnermik misilittagaqartutit
  • aningaasaqarnikkut misilittagaqartutit/ilisimaarilluartutit
  • IT-mik atuisinnaalluartutit


Pingaarnertut atorfimmi nunani tamalaani suleqatigiinnermut sulianut atatillugu

Suliassatit pingaarnerit ilaatigut makkuussapput:

  • Nunani tamalaani suleqatigiinnermut atatillugu ataqatigiissaarinermik suliassat assigiinngitsut
  • Ilinniartitaanermut tunngatillugu nunani tamalaani allani suliniutini peqataaneq
  • Ilinniartitaanermut tunngatillugu saaffiginnissutinik naalakkersuisoqarfinnut allanut susassaqartunullu avataaneersunut akissuteqartarneq
  • Misissueqqissaarinernik annertunerusunik annikinnerusunillu peqataasarneq
  • Ilinniartitaanermut suliassaqarfimmi, suliniutini nunanut tamalaanut sammiveqanngitsuni ineriartortitsinermik suliniutinut aqutsisuuneq/ikorfartuisuuneq
  • Ilinniartitaanermut tunngatillugu EU-mik suleqatigiinnissamik isumaqatigiissummut atatillugu atuutilersitsiniarnermik suliamut misissueqqissaarnermik ikorfartuineq


Taamaattumik ilinnit naatsorsuutigaarput:

  • Nunat tamalaat suleqatigiinnerannik misilittagaqarneq
  • Suliniutinut aqutsisutut misilittagaqarneq
  • Kalaallit Nunaanni inuussutissarsiornermik imaluunniit kalaallit ilinniartitaanermut immikkoortuanut amerlasuutigut sanillersuunneqarsinnaasunik misilittagaqarneq


Suliffeqarfik pillugu:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suliffeqarfiuvoq assigiinngitsunik suliaqarfiusoq sulinermilu avatangiisit persuarsiorfiunatillu ammasut, suleqatillu pimoorussillutillu isumaginnillutik sulisut. Sulisut 50-it missaaniippugut suliatigut qaffasissumik pitsaassusilinnik suliaqarusuttut inooqatigiinnikkullu pitsaasumik avatangiiseqarnissamik pilersitserusuttut.

Aningaasatigut atorfinitsitsinissamilu atungassarititat:
Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
Atorfik immikkut ittumik siunnersortitut inissiffissamik periarfissalerlugu inissiffissalerlugu inuttassarsiorneqarpoq. Immikkut ittumik siunnersortitut inissiffissalerlugu neqeroorutigineqarsinnaavoq, qinnuteqartoq eqqortunik uppernarsarneqarsinnaasunik piginnaasaqarpat. Atorfik Nuummiippoq.
Atorfik inuttassarsiuunneqarpoq periarfissaqartitsiviusumik specialkonsulentitut atorfimmi inissinneqarsinnaanermik. Specialkonsulentitut inissinneqarsinnaaneq neqeroorutigineqarsinnaavoq qinnuteqartoq uppernarsaatitaqartunik piginnaaneqarpat.  

Inissiaq:
Atorfimmut atatillugu inissaqartitsisoqarsinnaanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

Qinnuteqarnissamut killissarititaq:
Siuliani allassimasuni imminut takusinnaaguit qinnuteqaatit CV-mik ilanngussassanillu pisariaqartinneqartunik ilalik link ataaniittoq aqqutigalugu kingusinnerpaamik d. 22/8 2021-mi nassiutikkit, tassanilu atorfinni taakkunani marlunni sorleq qinnuteqarfiginerlugu erseqqissaaqquneqarputit. E-mailikkut qinnuteqaatit tiguneq ajorpavut

Paasissutissat sukumiinerusut:
Atorfik pillugu paasisaqarnerorusukkuit, Immikkoortortaqarfimmi pisortaq Dorthe Bidstrup +299 345723 attavigiuk imaluunniit uunga mailimik allagit dbip@nanoq.gl. Namminersorlutik Oqartussat pillugit annertunerusumik paasissutissat, www.naalakkersuisut.gl aqqutigalugu takukkit

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk