Skip to main content
114

Dette jobopslag er udløbet

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Nuummi Eqqumiitsuliornermik ilinniarfimmi aqutsisussarsiorpoq

Eqqumiitsuliornermik ilinniarfiup siunertaraa eqqumiitsuliortarnerup ineriartortinneqarnera siuarsassallugu. 

Nuummi eqqumiitsuliornermik ilinniarfimmi aqutsisutut, eqqumiitsuliornermik ilinniarfimmik ingerlalluartumik siuttuussaatit, ukiumoortumillu ilinniartunik tallimanik, ilinniarnertik naammassigunikku sumiiffimmi eqqumiitsuliortutut imaluunniit Danmarkimi nunaniluunniit allani eqqumiittuliornermik pilersitsinermillu tunngavilinnik ilinniariaqqissinnaasunik ilinniartuuteqartarlutit.

Eqqumiitsuliornermik ilinniarfimmi aqutsisutut eqqumiitsuliornermi, perorsaariaatsimi allaffissornermilu, aningaasaqarnikkut sulisoqarnikkullu akisussaaffeqassaatit.   
Eqqumiitsuliornermik ilinniarfimmi aqutsisutut, ilinniarfimmi piffiusumi ilinniarfiup iluani siuarsaanissaq siuttuuffigissavat.

Eqqumiitsuliornermik ilinniarfimmi aqutsisutut, eqqumiitsuliornermut atatillugu Naalakkersuisunut siunnersortaassaatit. 
 
Illit

  • Attuumassuteqartumik ilinniagaqarsimasuussaatit, eqqumiitsuliornermut peroriartortitsinermut atatillugu ingerlaqqiffiusumik ilinniagaqarsimassaatit assersuutigalugu Kunstakademiet Københavnimi assilialiornermik ilinniarsimasuuneq - ukiuni pingasuni Bachelor of Fine Arts (BFA)-mi imaluunniit ukiuni pingasuni Master of Fine Arts (MFA)-mik imaluunniit assigisaanik 
  • Perorsaanissamut ilinniaqqissimaneq imaluunniit atuarfinni ilinniartitsissutaasinnaasunik  ilinniarsimasuussaatit
  • Aqutsinermut misilittagaqarsimaneq aammalu allaffissornikkut, aningaasaqarniarnikkut aammalu aqutsisutut piginnaasaqarfigissallugit.
  • Ineriartortitsinermut eqqummaarittoq
  • Inuiaqatigiit kalaallit pillugit sukumiisumik ilisimasaqartoq
  • Nunatsinni eqqumiittuliornerup silarsuaanni paasisimasaqartoq
  • Nammineq sulisinnaassasutit aaqqissorluakkamillu suleriaaseqassasutit
  • Pitsaasumik attaveqatigiittarnikkut piginnaasaqartoq
  • Suliassanut piffissarititaasut eqqorlugit tunniussisartoq
  • Suleqatigiinnernik oqaloqatigiinnernillu pingaartitsisoq

Ilinniartitsisuugallartut ilagalugit ilinniartitsineq ingerlatissavat  Aqutsisumut ilinniartitsisussaatitaaneq ukiumut akunnerit 830-upput

Tamatuma iluani uku suliarisassavatit:

  • Ukioq ilinniartitsivissaq pilersaarusiornissaa
  • Ilinniartussanik tigusisarneq
  • Ilinniartitsisuugallartussanik atorfinitsitsisarneq
  • Suliffimmi ikiortissanik atorfinitsitsisarneq
  • Ilinniartut saqqummersitsinerannut aaqqissuisarneq
  • Ilinniartut paasisassarsiorlutik angalanissaanut pilersaarusiuisarneq
  • Ulluinnarni allaffissorneq paasisimanissaa
  • Illut nakkutiginissaat
  • Ilinniarnerup pikkorissarnerullu iluani paasisassat siuarsarnissaat

 
Qulaatungaani piumasaqaataasut naammassisimagukkit pilerigalugillu taava tassa illiuvutit Eqqumiitsuliornermik Ilinniarfimmi aqutsisussarput.  
 
Qinnuteqarnissamut killissarititaq:
Qinnuteqarfissap killerititaa tassaavoq 11. august 2021.
 
Atorfininneq:
Atorfinitsitaanissaq isumaqatigiissuteqarnikkut pissaaq.
 
Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit.ingerlanneqassapput.
 
Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.

Atorfimmut apeqqutissaqaruit
Immikkoortortaqarfimmi pisortaq Dorthe Bistrup attavigiuk, oqarasuaat (+299) 34 57 23 – imaluunniit Janus Chemnitz Kleist, oqarasuaat (+299) 34 5407

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk