Ulloq atorfiniffissaq tassaavoq 1. maj 2023 isumaqatigiissuteqarnikkulluunniit inissinneqarsinnaalluni.

Ilinniarfinnik pitsaanerusunik pilersitseqataarusuppit?
Ilinniartitaanermut suliassaqarfiup ineriartornera annertuumik salliutinneqarpoq, taamaalillunilu tamanut ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik. Taamaammat Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfik meeqqanut atuarfinnut ilinniarnertuunngorniarfinnullu suliaqarnermut, tamakkununngalu ineriartortitsinermi angusarineqartartunik nukittorsaaqataanermi peqataasussamik suleqatissamik nutaamik pissarsiorpoq.

Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussuisinnaatillugit. Ammasuuguit, suleqatiginnikkuminarlutit meeqqat atuarfianni ilinniarnertuunngorniarnermullu ilinniartitaanermut tunngasunik soqutigisaqarluarlutit, taava illiusinnaavoq suleqatissarput nutaaq. Atorfimmi suliassat assigiinngitsorpassuit, politikkikkut sulianik sullissaqarnermit, ilinniarnertuunngorniarnermi ilinniakkatigut allaffissornermut suliassat suliarisarumaarpatit.


Illit inuttut piginnaasatit
AC-fuldmægtigimik pissarsiorpugut, suliamut tunngatillugu soqutiginnittumik suleqatigiinnut suleqatigiilluinnartunut ilanngunnissamut piumassuseqarlutillu piginnaaneqarluartumik, ineriartortitsinernik qaffasissunik pingaartitsisoq. Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Suliassat siammasipput allaffissornermiit ingerlatsinermut naalakkersuinikkullu kiffartuussisarnernik ineriartortitsisuullutik.

Kissaatigaarput, illit:

• Kandidatitut qaffasissusilimmik attuumassutilimmik ilinniagaqartutit.
• Meeqqanut atuarfeqarnermut ilinniarnertuunngorniarnermullu tunngasunik ilisimasaqartutit
• Kalaallit nunaanni inuiaqatigiinneq pillugu sukumiisumik ilisimasaqassasutit
• Namminersorlutit sulisinnaassasutit aaqqissorluakkamillu suleriaaseqassasutit
• Sulianik ilungersunartunik ataqatigiissitsisinnaasutit
• Kalaallisut qallunaasullu oqaluttariarsornikkut allattariarsornikkullu oqaaseqatigiiliorluarsinnaassasutit
• Suliassanut piffissaliussaat eqqorlugit tunniussisinnaasutit
• Suleqatigiinnernik oqaloqatigiinnernillu pingaartitsisuusutit
• Ataatsimut isiginnittariaatsimik pitsaasumik piginnaaseqartutit ulapaarfimmilu sulisinnaalluartutit
• Inuiaqatigiinnut tunngasunik ilisimasaqarluartutit

Atorfik pillugu:
Meeqqanut atuarfeqarnermut ilinniarnertuunngorniarnermullu tunngasunik suliaqarnermut suleqatigiinni ilaalissaatit. Suleqatigiit pingasunik sulisoqassaaq, tassanilu illit ilaavutit.


Suleqatigiinnut qitiusumik suliassat naammassineqartussat:

• Ilinniarnertuunngorniarfinnut tunngasut suliarineri, matumanilu:
  • Suliniutinik ineriartortitsineq aallartitsinerlu, suliniutinik nalilersuineq atuutsitsilernerlu, siunnersuineq, aningaasanut inatsimmik suliaqarneq, aningaasaqarnermut tunngasunik paasissutissanik pissarsiniarneq suliaqarnerlu
• Meeqqat atuarfiannut tunngasunik suliassanik suliaqarneq
  • Efterskole-it højskolenullu tunngasunit aammalu Ado Lynge atuarfianut tunngasunik politikkikkut sulianik sullissineq.
  • Suliaqarfinnut tunngatillugu suliassat ataqatigiissaartarnissaat
  • Suliaqarfimmut tunngasumik periusissiorneq aamma iliuusissatut pilersaarusiorneq qularnaarneqarnerannut ilaaneq
  • Suliaqarfinnut ineriartortitsinissamut suliassanik attuumassutilinnik aqutsisoqarluarnissaanik qularnaarineq
• Inuusuttunut ilinniarfinnut ataatsimut suliassanik suliarinninneq, soorlu: Ilinniartitsinernut tunngasut, uniinnartartunut tunngasut, aqqutissiuussinernut tunngasut il.il.
• Politikkikkut sulialinnik sullissineq, soorlu allakkialiorneq, nassuiaasiorneq, nalunaarusiorneq, oqalugiaatissiorneq, suliakkiisusiorneq, tusagassiorfinnullu nalunaarutissanik suliaqartarneq
• Sulisitsisuni, ataatsimiititaliani, suleqatigiinni siunnersuisooqatigiinnilu ataatsimiinnerni peqataanerit
• Suliassaqarfiit akimorlugit ineriartortitsinermi suliniutinik peqataaneq
• Naalakkersuisut Inatsisartullu suliassaanik qulakkeerineq
• Ilinniarnertuunngorniarfinnut qitiusumik ilinniartitseqqittarnernut suliniutinik ataqatigiissaarisarnerit piareersaasarnerillu
• Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut peqataaneq
• Ilinniarfiit pillugit avammut paasissutissaliornissaq, ilitsersuusiornissaq periusissiornissarlu
• Meeqqat atuarfeqarnermut ilinniarnertuunngorniarfinnut tunngasuni ad hoc-imi suliassat

Meeqqat atuarfiannut ilinniarnertuunngorniarfinnullu suleqatigiit Naalakkersuisoqarfimmi inuiaqatigiinnullu ataatsimut isigalugit suliassat pingaarutillit suliarisarpaat tapersersugarisarlugillu. Atorfimmut sunniuteqaqataasinnaaneq, akisussaaqataaneq suliassallu tamatigoortut taamatullu suleqatigiilluarneq isummersoqatigiissinnaanerlu neqeroorutaapput.

Atorfimmi sulineq Ilinniartitaanermut Aqutsisoqarfik, kommunit ilinniarnertuunngorniarfiillu qanimut suleqatiginerisigut ingerlanneqarpoq.

 
Akissarsiat atorfininnermilu atugassarititaasut
Atorfik AC-Fuldmægtigtut inissisimavoq. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit.

Atorfimmut atatillugu sulisunut inissiamik innersuussisoqarsinnaanngilaq.

Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussivigineqarnissamut suli periarfissaqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Qinnuteqaatit, CV, ilinniarsimanermut pikkorissarsimanermullu uppernarsaatit kiisalu paasissutissat attuumassutillit allat "qinnuteqaat nassiuguk" toorlugu nassiutikkit.
Mailit aqqutigalugit qinnuteqaatinik tigusineq ajorpugut.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk