Find job
Dette jobopslag er udløbet
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi ilinniartitaanermut susassaqarfik AC-fuldmægtigimik pissarsiorpoq
Ulloq atorfiniffissaq tassaavoq 1. april 2023 isumaqatigiissuteqarnikkulluunniit.
Ilinniarfinnik pitsaanerusunik pilersitseqataarusuppit?
Ilinniartitaanermut suliassaqarfiup ineriartornera annertuumik salliutinneqarpoq, taamaalillunilu ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik. Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfik ilinniarnertuunngorniarfinnut suleqatissamik nutaamik suleqatissarsiorpoq– tamakkununngalu tunngassuteqartuni ineriartortitsinermi angusarineqartartunik nukittorsaaqataanermi peqataasussamik.
Naalakkersuisoqarfimmi suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussuisinnaatillugit. Ammasuuguit, suleqatigiissinnaanermik ilisimasaqarluarlutit ilinniartitaanermullu tunngasunik soqutigisaqarluarlutit, taava illiusimassagunarpoq suleqatissarput nutaaq. Atorfimmi ineriartortitsinermik, nalilersuisarnermik ilinniarnertuunngorniarfinnilu sulianik suliarinnittarnermik suliaqassaatit.
Illit inuttut piginnaasatit
AC-fuldmægtigimik pissarsiorpugut, suliamut tunngatillugu pimoorussisumik suleqatigiinnut suleqatigiilluinnartunut ilanngunnissamut piumassuseqarlunilu piginnaaneqarluartumik, ineriartortitsinernik qaffasissunik pingaartitsisoq. Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Suliassat siammasipput allaffissornermiit ingerlatsinermut naalakkersuinikkullu kiffartuussisarnernik ineriartortitsisuullutik.
Kissaatigaarput, illit:
- Kandidatitut qaffasissusilimmik attuumassutilimmik ilinniagaqartutit.
- Atorfimmit tassunga assingusumit imaluunniit ilinniartitaanermut suliassaqarfimmi atorfimmit misilittagaqassasutit.
- Aningaasaqarnermik- naatsorsueqqissaarisarnermilu suliaqartarnermik ilisimasaqarluartutit
- paasisimasaqarluartuusutit ulapaarfimmilu sulisinnaassuseqartutit
- inuiaqatigiinnut tunngasunik ilisimasaqarluartutit
- ajornanngippat kalaallisut, nunani avannarlermiutit oqaasiinik tuluttullu oqaatsitigut pitsaasunik piginnaaneqartutit
- Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
Suliassat:
- Ilinniarnertuunngorniarfinnut tunngasut suliarineri, matumanilu:
- Suliniutinik ineriartortitsineq aallartitsinerlu, suliniutinik nalilersuineq atuutsitsilernerlu, siunnersuineq, aningaasanut inatsimmik suliaqarneq, aningaasaqarnermut tunngasunik paasissutissanik pissarsiniarneq suliaqarnerlu
- Inuusuttunut ilinniarfinnut ataatsimut suliassanik suliarinninneq, soorlu: Ilinniartitsinernut tunngasut, uniinnartartunut tunngasut, aqqutissiuussinernut tunngasut il.il.
- Politikkinut sulialinnik sullissineq, soorlu allakkialiorneq, nassuiaasiorneq, oqalugiaatissiorneq, nalunaarusiorneq, suliakkiisusiorneq, tusagassiorfinnullu nalunaarutissanik suliaqartarneq.
- Sulisitsisuni, ataatsimiititaliani, suleqatigiikkaani siunnersuisooqatigiinnilu ataatsimiinnerni peqataanerit.
- Suliassaqarfiit akimorlugit ineriartortitsinermi suliniutinik peqataaneq.
- Naalakkersuisut Inatsisartullu suliassaanik qulakkeerineq.
- Ilinniarnertuungorniarfinnut qitiusumik ilinniartitseqqitsisarnernut suliniutinik ataqatigiissaarisarnerit piareersaasarnerillu
- Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut peqataaneq
- Ilinniarfiit pillugit avammut paasissutissaliornissaq, ilitsersuusiornissaq periusissiornissarlu
- Ilinniarnertuunngorniarfinnut tunngasuni suliassat takkussuuttut
Atorfimmut sunniuteqaqataasinnaaneq, akisussaaqataaneq suliassallu tamatigoortut taamatullu suleqatigiilluarneq isummersoqatigiissinnaanerlu neqeroorutaapput.
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit.
Ineqarneq
Atorfimmut atatillugu sulisutut ineqarnissamut innersuussutitaqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussivigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Paasissutissat sukumiinerusut
Atorfik pillugu annertunerusumik paasisaqarusukkuit Dorthe Bidstrup attavigisinnaavat oqarasuaatikkut +299 34 57 23, imaluunniit mailikkut dbip@nanoq.gl-imut.
Kalaallit Nunaat aamma Namminersorlutik Oqartussat pillugit annertunerusumik paasisaqarusullutit kissaatigigukku, www.nanoq.gl aqqutigalugu Atorfiit ataanni paasisaqarnerusinnaavutit.
Qinnuteqarneq
Qinnuteqarfissaq kingulleq tassaavoq ulloq 27/3 - 2023
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job