Skip to main content
140

Dette jobopslag er udløbet

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik allaffimmi pisortassarsiorpoq

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik allaffimmi pisortassarsiorpoq.
Ilinniagaqarnersiuteqartitsiviup ineriartornerani siuttoorusuppit tapiisarnermullu naatsorsuutinik suliaqarnermi misilittagaqarpit? Taava immaqa allaffimmi pisortarilersinnaavatsigit!
Ilinniagaqarnersiuteqartitsiviup ilinniartut qinnuteqaataat ilinniarnermi tapiissutit, tapit taarsigassarsiallu 4.000 missingi akisussaaffigai. Ilinniagaqarnersiuteqartitsivik Kalaallit Nunaanni ilinniarfinnik assigiinngitsunik Danmarkimilu Kalaallit Illuanik qanimut suleqateqarpoq, taakku ilinniartut tapisiaqarnissaannik qulakkeerinneqataapput. Taamaammat Ilinniagaqarnersiuteqartitsivimmi allaffimmi pisortatut atorfik pissanganartuuvoq, nammineq suliffigisap allallu suliffiit qanoq ingerlanneqartarnerannut aamma tamanna qanoq ingerlaavartumik pitsanngorsarneqarsinnaaneranik tamakkiisumik isiginnissinnaassuseqartitsimmat.

Suliassatit makkuupput:

  • Sulisunik aqutsineq aamma Ilinniagaqarnersiuteqartitsiviup ulluinnarni ingerlanneqarneranut akisussaaneq
  • Suliffimmi namminermi suleriaatsinik ingerlatsinernillu ineriartortitsineq
  • Aqutsinermi ingerlariaatsip pitsaassusaata qulakkeernissaa
  • Immikkoortortaqarfimmut ukiumut missingersuutitigut sinaakkutitigut aningaasaqarnermik missingersuutinillu aqutsineq
  • Naatsorsuusiornermut ilitsersuusiorneq aamma pequtit allattorsimaffiinik suliaqarneq
  • Aningaasanut Inatsisissatut siunnersuummut suliaqaqataaneq
  • Suleqatit avataaneersut ilagalugit isumaqatigiissutit suliarineri
  • Ingerlatsinermut ineriartortitsinermullu periuusissiamik pilersaarummik suliaqarnermut suleqataaneq

Naatsorsuutigaarput tullinnguuttuni allassimasut amerlanersaat pikkoriffigalugillu piginnaasaqarfigissagitit:

Sulianut tunngasutigut piginnaasat

  • Allaffimmiutut attuumassutilimmik ilinniagaqarsimasutit
  • Aqutsinermut misilittagaqartutit (ass. suliamut attuumassutilimmik aqutsineq)
  • Sulisunik aqutsinerup iluani misilittagaqartutit
  • Pisortat ingerlatsiviini naatsorsuusiornermut malittarisassanik aammalu akissarsialerinermik ilisimasaqartutit
  • Ilinniagaqarnersiuteqartitsivimmi akissarsialerisarneranut ilisimasaqartutit

Inuttut piginnaasat:

  • Naammagittartuusutit aammalu suleqativit suliat tungaatigut angusaqarluarnissaannik kaammattorsinnaagitit
  • Siunissami ineriartorneq tunngavilersinnaajumallugu pilersaarusiornermut piginnaasat, siunissaq ungasinnerusoq eqqarsaatigalugu periarfissanillu ujartuinermik tunngaveqartunik kulturimik pilersitsiniarlutit allat isumassarsitissinnaassavatit. 
  • Aaqqissuulluagaasumik sulisartutit kiisalu suliffimmi akisussaassusilimmik, pitsaasumik aamma sullissinerup ilusaanik pingaartitsisutit
  • Ajunngitsussarsiortuuvutit ilakkuminarlutillu, attaveqaqatikkuminartuullutit suliffeqarfillu suliffigisanniittoq aqqutissiuussinnaallugu
  • Kalaallisut allassinnaallutillu oqalussinnaasutit
  • Kalaallit Nunaanni inuiaqatigiinni pissutsinut ilisimasaqarputit

Uagut pilluta:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik 40-t missanik sulisoqarpoq. Naalakkersuisoqarfimmut aqutsisoqarfimmik attuumassutilimmik aqutsisoqarfeqarpoq tassaasoq Ilinniartitaanermut Aqutsisoqarfik. Ilinniagaqarnersiuteqartitsivik ullumi Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi immikkut immikkoortortaqarfittut inissisimavoq, tassanilu tallimanik sulisoqarluni. Ilinniagaqarnersiuteqartitsivik naalakkersuisoqarfiup aaqqissuuteqqinneqarneranut atatillugu ineriartorpoq. Taamaammat aqutsisoq aqutsisunik allanngoratartoqarsinnaaneranik piareersimassaaq.

Neqeroorutigaavut:
Qitiusumik allaffeqarfiup pisortanik ineriartortitsinikkut neqeroorutigisartagai amerlasuut aqqutigalugit aqutsisuuninnik ineriartortitsinissamut pitsaasunik periarfissaqassaaq aamma tassunga ilutigitillugu ilinniagaqarnersiuteqartitsivimmut tunngasunik aamma sulisunik aqutsinerup iluani pikkorissutsit nukittorsarsinnaallugu.

Akissarsiat atorfinitsitaanermilu atugassarititaasut
Atorfik akissarsiat sinaakkutaannut 36-mut massakkut akissaateqartinneqarpoq/ aalajangersimasumik akissaateqartinneqarpoq. Akissarsiat sinaakkutaannut 36-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2022-mi qaammammut 50.291 Kr-niupput ukiumullu  603.492 kr-niullutik.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimallugu aaparisaanut / inooqatigisaanulluunniit aamma atuupput.

Aallaaviusumik sapaatip akunnerani suliffiuvoq akunnerit 40-t, suliartoqquneqaratarsinnaanermut ukiumoortumut akunnerit 320-upput, qaammatinullu pingasunut avillugit 80-it, taamaattoq ulloq sulinngiffiusussaasoq annaagaani ajunngitsorsiassaqarfiunngilaq.

Atorfininnissaq pissaaq 1. januar 2023 imaluunniit isumaqatigiissuteqarnikkut.

Qinnuteqarfissap killegaa ulloq 11. december 2022.

Inissiaq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Sukumiisumik paasissutissat:
Atorfimmut tunngatillugu paasissutissanik sukumiinerusumik pissarsiaqarusukkuit Immikkoortortaqarfimmi pisortaq Brian K. Fencker attavigisinnaavat ugguuna: brkf@nanoq.gl.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk