Skip to main content
128

Dette jobopslag er udløbet

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi ilinniartitaanermut susassaqarfik AC-fuldmægtigimik / Immikkut siunnersortimik pissarsiorpoq

Ulloq atorfiniffissaq tassaavoq 1. december 2022 isumaqatigiissuteqarnikkulluunniit.

Ilinniarfinnik pitsaanerusunik pilersitseqataarusuppit?
Ilinniartitaanermut suliassaqarfiup ineriartornera annertuumik salliutinneqarpoq, taamaalillunilu ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik. Taamaattumik Ilinniartitaanermut, Kultureqarnermut Ilageeqarnermullu Naalakkersuisoqarfik ilinniarnertuunngorniarfinnut inuussutissarsiutinullu ilinniarfiinut suliniutinut, paasissutissanut misissueqqissaarinernittaaq sulisunik nutaanik pingasunik pissarsiorpoq, tamakkununngalu tunngassuteqartuni ineriartortitsinermi angusarineqartartunik nukittorsaasinnaasumik peqataasussaapput.

Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Ammasuuguit, suleqatigiissinnaanermik ilisimasaqarluarlutit ilinniartitaanermullu tunngasunik soqutigisaqarluarlutit, taava illiusimassagunarpoq suleqatissarput nutaaq. Atorfinni tamani ilinniartitaanernut tunngasuni ineriartortitsinermik, nalilersuisarnermik sulianillu suliarinnittarnermik suliaqassaatit.

Illit inuttut piginnaasatit
AC-fuldmægtigimik/ Immikkut siunnersortimik, suliamut tunngatillugu soqutiginnittumik suleqatigiinnut suleqatigiilluinnartunut ilanngunnissamut piumassuseqarlutillu piginnaaneqarluartumik, ineriartortitsinernik qaffasissunik pingaartitsisumik pissarsiorpugut. Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Suliassat siammasipput allaffissornermiit ingerlatsinermut naalakkersuinikkullu kiffartuussisarnernik ineriartortitsisuullutik.

Kissaatigaarput, illit:

  • Kandidatitut qaffasissusilimmik attuumassutilimmik ilinniagaqartutit.
  • Atorfimmit tassunga assingusumit imaluunniit ilinniartitaanermut suliassaqarfimmi atorfimmit misilittagaqassasutit.
  • Aningaasaqarnermik- naatsorsueqqissaarisarnermilu suliaqartarnermik ilisimasaqarluartutit
  • paasisimasaqarluartuusutit ulapaarfimmilu sulisinnaassuseqartutit
  • inuiaqatigiinnut tunngasunik ilisimasaqarluartutit
  • ajornanngippat kalaallisut, nunani avannarlermiutit oqaasiinik tuluttullu oqaatsitigut pitsaasunik piginnaaneqartutit
  • Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
  • Aningaasaqarnermik aqutsisarnernut paasissutissanullu programminik ilisimasaqarneq iluaqutaassaaq.

Immikkoortortat

Makkununnga AC-fuldmægtigimik/ Immikkut siunnersortimik pissarsiorpugut:
Inuussutissarsiutitigut ilinniartitaaneritpingaarnertut akisussaaffeqartumik suliassatit makkuussapput:

  • Inuussutissarsiutinut ilinniakkanut tunngasut suliassat suliaralugit, Perorsaanermik Ilinniarfimmi suliassat suliaralugit kiisalu Peqqinnissaq pillugu ilinniarnernut qitiusumik ilinniarfik, matumanilu:
    • Suliniutinik ineriartortitsineq aallartitsinerlu, suliniutinik nalilersuineq atuutsitsilernerlu, siunnersuineq, aningaasanut inatsimmik suliaqarneq, aningaasaqarnermut tunngasunik paasissutissanik pissarsiniarneq suliaqarnerlu
  • Inuusuttunut ilinniarfinnut ataatsimut suliassanik suliarinninneq, soorlu: Ilinniartitsinernut tunngasut, uniinnartartunut tunngasut, aqqutissiuussinernut tunngasut il.il.
  • Politikkinut sulialinnik sullissineq, soorlu allakkialiorneq, nassuiaasiorneq, oqalugiaatissiorneq, nalunaarusiorneq, suliakkiisusiorneq, tusagassiorfinnullu nalunaarutissanik suliaqartarneq.
  • Sulisitsisuni, ataatsimiititaliani, suleqatigiikkaanni siunnersuisooqatigiinnilu ataatsimiinnerni peqataanerit.
  • Suliassaqarfiit akimorlugit ineriartortitsinermi suliniutinik peqataaneq.
  • Naalakkersuisut Inatsisartullu suliassaanik qulakkeerinninneq.
  • Inuusuttunut ilinniarfinnut tunngasunik suliassat takkussuuttut

GUX-imut tunngasutpingaarnertut suliassatut akisussaaffigisassat ukuupput:

  • Ilinniarnertuunngorniarfinnut tunngasut suliarineri, matumanilu:
    • Suliniutinik ineriartortitsineq aallartitsinerlu, suliniutinik nalilersuineq atuutsitsilernerlu, siunnersuineq, aningaasanut inatsimmik suliaqarneq, aningaasaqarnermut tunngasunik paasissutissanik pissarsiniarneq suliaqarnerlu
  • Inuusuttunut ilinniarfinnut ataatsimut suliassanik suliarinninneq, soorlu: Ilinniartitsinernut tunngasut, uniinnartartunut tunngasut, aqqutissiuussinernut tunngasut il.il.
  • Politikkinut sulialinnik sullissineq, soorlu allakkialiorneq, nassuiaasiorneq, oqalugiaatissiorneq, nalunaarusiorneq, suliakkiisusiorneq, tusagassiorfinnullu nalunaarutissanik suliaqartarneq.
  • Sulisitsisuni, ataatsimiititaliani, suleqatigiikkaanni siunnersuisooqatigiinnilu ataatsimiinnerni peqataanerit.
  • Suliassaqarfiit akimorlugit ineriartortitsinermi suliniutinik peqataaneq.
  • Naalakkersuisut Inatsisartullu suliassaanik qulakkeerinninneq.
  • Ilinniarnertuungorniarfinnut qitiusumik ilinniartitseqqiinermi suliniutinik ataqatigiissaarisarnerit piareersaasarnerillu
  • Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut peqataaneq
  • Ilinniarfiit pillugit avammut paasissutissaliornissaq, ilitsersuusiornissaq periusissiornissarlu
  • Ilinniarnertuunngorniarfinnut tunngasuni suliassat takkussuuttut

Suliniutinut, paasissutissanut misissueqqissaarinerni (TDA) qitiusumik suliassat tassaassapput:

  • paasissutissanik suliassaqarfimmik ingerlatsineq ineriartortitsinerlu
  • Ilinniartitaaneq pillugu naatsorsuinernut tunngasunik assigiinngitsunik suliaqartarneq
  • Ilinniartitaanermut tunngatillugu EU-mik suleqatigiinnissamik isumaqatigiissummut atatillugu ingerlatanullu allanut tunngatillugu atuutilersitsiniarnermik suliamut misissueqqissaarnernut peqataaneq.
  • paasissutissanut tunngassuteqanngitsunik allanik Ineriartortitsineq pillugu suliniutit allat.
  • Suliassaqarfiit akimorlugit ineriartortitsinermi suliniutinik peqataaneq.
  • Allakkianik allanillu politikikkut suliat pillugit akissuteqartarneq, tusagassiuutit, il.il.
  • Sulianut saqqummiussissutissanik, politikikkut anguniakkanik, suleriusissanik aamma allaffissuarmi atugassanik malittarisassiornerit suliaqarnerit.

Suleqatigiiaat taakkartorneqartut Naalakkersuisoqarfimmi inuiaqatigiinnilu pingaaruteqartunik suliassaasunut tapertaallutik suliaqaqataassapput. Atorfiit assigiissutigaat sunniuteqaqataasinnaaneq, akisussaaqataaneq suliassallu tamatigoortut taamatullu suleqatigiilluarneq isummersoqatigiissinnaanerlu neqeroorutaammata.

GUX-imi Inuussutissarsiutitigut ilinniartitaanernilu atorfinni, ulluinnarni ingerlatsinermut ilinniarfiullu ingerlarnganik ilinniarfimmi aqutsisut ilagalugit akisussaaffigeqatigissavatit. Atorfinni pingasuusuni suliassavit ilagissavaat, Naalakkersuisunut/Inatsisartunut tunngatillugit suliassanik qulakkeerinninnissaq. Aammattaaq naalakkersuisoqarfiup iluani susassaqarfiit akimorlugit suliniutinut peqataasassaatit, Ilinniartitaanermullu tunngassuteqartunut atatillugu suliassat nukinginnartut iluarsisarnissaannut peqataasassaatit.

Atorfik sorleq pingaartumik soqutiginerunerlugu qinnuteqaammi ilannguguk. Periarfissaqarluinnarpoq atorfinnik arlalinnik soqutigisaqarnissaq.
 
Akissarsiat atorfininnermilu atugassarititaasut
Atorfik AC-Fuldmægtigtut inissisimavoq. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfimmut atatillugu sulisunut inissiamik innersuussisoqanngilaq.

Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Attaveqarfigisassaq  
Atorfimmut atatillugu apeqqutit pillugit attavigineqarsinnaavoq, Immikkoortortaqarfimmi aqutsisoq, Dorthe Bidstrup: dbip@nanoq.gl imaluunniit +299 34 57 23

Qinnuteqaatit, CV, ilinniakkanut pikkorissarnernullu uppernarsaatit, kiisalu uppernarsaatit allat attuumassuteqartut nassiutikkit toorlugu “Qinnuteqaat nassiuguk”.
Qinnuteqaatinik e-mail atorlugu tigusisanngilagut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk