Skip to main content
114

Dette jobopslag er udløbet

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi inuussutissarsiutinut ilinniartitaanermut susassaqarfik AC-fuldmægtigimik pissarsiorpoq

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi inuussutissarsiutinut ilinniartitaanermut susassaqarfik AC-fuldmægtigimik pissarsiorpoq
Atorfinitsitaanissaq isumaqatigiissuteqarnikkut pissaaq.
Nunatsinni inuusuttunut ilinniarfinnik pitsaanerusunik pilersitseqataarusuppit?
Inuussutissarsiutinut ilinniartitaanermut suliassaqarfiup (EUD) ineriartornera annertuumik salliutinneqarpoq taamaalillunilu ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik.  Taamaattumik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik inuussutissarsiutinut ilinniartitaanermut suliassaqarfimmi nutaamik suleqatissarsiorpoq, tamakkununnga tunngassuteqartuni angusarineqartartunik nukittorsaaqataasussaq.
Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Ammasuuguit, suleqatigiissinnaanermik ilisimasaqarluarlutit ilinniartitaanermullu tunngasunik soqutigisaqarluarlutit, taava illiusimassagunarpoq suleqatissarput nutaaq. Atorfimmi inuussutissarsiutinut ilinniartitaanernut tunngasuni ineriartortitsinermik, nalilersuisarnermik sulianillu suliarinnittarnermik suliaqassaatit.

Illit inuttut piginnaasatit
AC-fuldmægtig-imik pissarsiorpugut, suliamut tunngatillugu soqutiginnittumik suleqatigiinnut suleqatigiilluinnartunut ilanngunnissamut piumassuseqarlutillu piginnaaneqarluartumik, ineriartortitsinernik qaffasissunik pingaartitsisoq.  Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Suliassat siammasipput allaffissornermiit ingerlatsinermut naalakkersuinikkullu kiffartuussisarnernik ineriartortitsisuullutik.
 
Kissaatigaarput, illit:

  • Naleqquttunik ingerlaqqiffiusumik ilinniagaqarsimasutit
  • Atorfimmit tassunga assingusumit imaluunniit ilinniartitaanermut suliassaqarfimmi atorfimmit misilittagaqassasutit.
  • Aningaasaqarnermik- naatsorsueqqissaarnermilu suliaqartarnermik ilisimasaqarluartutit
  • paasisimasaqarluartuusutit ulapaarfimmilu sulisinnaassuseqartutit
  • inuiaqatigiinnut tunngasunik ilisimasaqarluartutit
  • ajornanngippat kalaallisut, nunani avannarlermiutit oqaasiinik tuluttullu oqaatsitigut pitsaasunik piginnaaneqartutit
  • Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
  • Aningaasaqarnermik aqutsisarnernut paasissutissanullu program-inik ilisimasaqarneq iluaqutaassaaq.

Pingaarnertut suliassatut akisussaaffigisassat ukuupput:

  • Inuussutissarsiutinut ilinniartitaanernut tunngasuni suliniutigineqartunik ineriartortitsineq, nalilersuisarneq piviusunngortitsiniartarnerlu.
  • Aningaasanut inatsisissat suliarineqarnerat, inuussutissarsiutinik ilinniartitaanernut tunngatillugu aningaasaqarnermut tunngatillugu paasissutissanik pissarsiniartarneq naliliisarlunilu misissuisarneq.
  • Naalakkersuinermik sulialinnik sullissineq, soorlu allakkialiorneq, oqalugiaatissiorneq tusagassiorfinnullu nalunaarutissanik suliaqartarneq.
  • Qitiusumik ilinniarfinnut aamma inuussutissarsiutinut ilinniarfinnut erseqqinnerusumik taaneqarsimasunut sullissisoq.
  • Aatsitassarsiornermik Ilinniarfimmut sulianik suliarinnittartutut illit aammattaaq aatsitassarsiornermut oliasiornermullu ingerlatseqatigiiffinnit ilinniartitaanermut aningaasaliissutissat (IBA isumaqatigiissutit) pillugit isumaqatigiinniarnernut peqataasassaatit.
  • Nordplus-imi alaatsinaattutut inissaq aqqutigalugu Nunat Avannarliit Suleqatigiinnerannut peqataasarneq.
  • Qitiusumik Ilinniarfiit ataatsimoorlutik siunnersuisoqatigiivinut atatillugu ataatsimiinnernut peqataasarneq
  • Nalunaarusiami – Misissueqqissaarnermik aamma ineriartortitsinermut suliniut – ‘Ilinniartitaaneq eqaatsoq ataqatigiittorlu’ Naalakkersuisut pingaarnersiuillutik suliaqarnerisa tungaatigut peqataaneq.

Suleqatigiit Naalakkersuisoqarfimmi inuiaqatigiinnullu ataatsimut isigalugit suliassat pingaarutillit suliarisarpaat tapersersugarisarlugillu.  Atorfimmut sunniuteqaqataasinnaaneq, akisussaaqataaneq suliassallu tamatigoortut taamatullu suleqatigiilluarneq isummersoqatigiissinnaanerlu neqeroorutaapput.
Atorfimmi Naalakkersuisunut/ Inatsisartunut suliaqarnermut atatillugu qulakkeerinneqataasinnaavutit.  Aammattaaq naalakkersuisoqarfiup iluani susassaqarfiit akimorlugit suliniutinut peqataasassaatit, Ilinniartitaanermullu tunngassuteqartunut atatillugu suliassat nukinginnartut iluarsisarnissaannut peqataasassaatit.

Angalasarsinnaanissaq pillugu
Atorfimmut atatillugu angalasarnissaanissaq naatsorsuutigineqassaaq.

Suliffik pillugu:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suliffeqarfiuvoq assigiinngitsunik suliaqarfiusoq sulinermilu avatangiisit persuarsiorfiunatillu ammasut, suleqatillu pimoorussillutillu isumaginnillutik sulisut.  Sulisut 50-it missaaniippugut suliatigut qaffasissumik pitsaassusilinnik suliaqarusuttut inooqatigiinnikkullu pitsaasumik avatangiiseqarnissamik pilersitserusuttut.

Akissarsiat atorfininnermilu atugassarititaasut
Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

Ulloq qinnuteqarfissaq kingulleq
Siuliani allassimasuni imminut takusinnaaguit qinnuteqaatit CV-mik ilanngussassanillu pisariaqartinneqartunik ilalik link ataaniittoq aqqutigalugu kingusinnerpaamik ulloq 11. august 2021 nassiuguk.

Attaveqarfissaq
Atorfinnut apeqqutissaqaruit,Immikkoortortaqarfimmi pisortaq Dorthe Bistrup attavigiuk, oqarasuaat (+299) 34 57 23

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut. Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk