Skip to main content
153

Dette jobopslag er udløbet

Ilinniartitaanermut, Kultureqarnermut Ilageeqarnermut Nunanullu Allanut Naalakkersuisumut allatsi

Naalakkersuisumut allatsitut atorfik piaartumik isumaqatigiissuteqarnikkulluunniit inuttalerneqarnissaminut piareerpoq.
Ilinniartitaanermut, Kultureqarnermut Ilageeqarnermut Nunanullu Allanut Naalakkersuisoq nutaamik allatsissarsiorpoq. Ilinniartitaanermut, Kultureqarnermut Ilageeqarnermut Nunanullu Allanut  Naalakkersuisumut allatsitut naalakkersuisoqarfiit marluk qanittumik suleqatigilissavatit, taakkununnga ilaallutik angalasarnissat. Pissanganarpasippat, taava immaqa atorfik ilinnut piukkunnarpoq?  

Allatsip suliassai Naalakkersuisoq naalakkersuisoqarfiillu pisortai suleqatigalugit erseqqinnerusumik aalajangersarsinnaavai, ilaatigullu makku suliassanut ilaapput:

  • Naalakkersuisumik pitsaanerpaamik sullinneqarnissaq kiffartuussinissarlu qulakkiissallugu.
  • Ataatsimiinnernut allatigullu aaqqissuussanut Naalakkersuisoqarfiit iluini avataaniluunniit ingerlanneqartunut Naalakkersuisumut ingiallortaaneq.
  • Suliassanut immikkoortortaqarfinni suliassatigut ataqatigiissaarisarnertigut, saaffiginnissuteqartarnertigut akissuteqarnernilu suliassanik isumaginnittarnernik piumasaqaateqarpoq.
  • Tusagassiuutitigut nalunaarutinik assigisaannillu, allakkanik oqalugiaatinillu suliarinnittarnernut ataqatigiissaarisarneq.
  • Atorfimmi suliassaqarluni angalasarnernik ataatsimiinnernillu piareersaanertigut ikiorsiisarnerit.
  • Isumaqatigiissutinik aqutsinertigut allanillu suliassanik sullissinermut tunngasuunerusutigut il.il peqataasarnerit.
  • Allatsip Naalakkersuisumut suliassanik suliaqartinnani Naalakkersuisoqarfiup suliassaanik allanik suleqataanissamut ilaassalluni piareersimaffigissavaa.

Piginnaasat 

  • Suliatigut attuumassuteqartumik ilinniagaqarputit, bachelor-itut kandidat-itullu ilinniagarnermut naleqquttumik.
  • Pitsaasumik sullissinissamut tulleriissaarillaqqissuusutit, tamakkiisumillu isiginnissinnaallutik piginnaasaqartutit.
  • Suleqatiginnillaqqissuusutit.
  • Sullissinissamut piginnaasaqarluartuusutit, eqqissisimasuusutit piffinni ulapaarfiugaluartuni.
  • Allatatigut oqaatsitigullu attaveqatigiillaqqissuusutit.
  • Kalaallit Nunaanni pissutsinik ilisimasaqarluarneq.
  • Allatatigut oqaatsitigullu kalaallisut qallunaatullu tuluttullu minnerpaamik oqaloqatiginnissinnaanermittaaq piginnaasaqarputit.
  • Nalinginnaasumik suliffiup avataani suliartoqquneqariataarnissamut piareersimasinnaassaatit aamma angalanerup nalaani.
  • Naalakkersuisoqarfinni aaqqissuussaanikkut suliaqartarnermik misilittagaqarluartoq aamma politikkikkut.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk