Skip to main content
91

Dette jobopslag er udløbet

Ilinniartitaanermut, Kultureqarnermut Ilageeqarnermullu Naalakkersuisoqarfik Ilinniartitaanermut immikkoortortaqarfimmut fuldmægtigimik/immikkut siunnersortimik pissarsiorpoq

Ilinniartitaanermut tunngasunik aallutaqarusuppit? Nunatsinni inuusuttunut ilinniarnertuunngorniarfinnik pitsaanerusunik pilersitseqataarusuppit? Ilinniarnertuunngorniarfimmi suleqatigiinni ilanngunnissat taava piukkunnavissaaq.
Ilinniartitaanermut, Kultureqarnermut Ilageeqarnermullu Naalakkersuisoqarfimmi ilinniarnertuunngorniarnermut tunngasunik suliaqarnerusussamik suleqatissarsiorpugut.

Suleqateqallaqqissuusaatit akuersaartuullutit suliffeqarfimmilu aaqqissuussaaneq eqqarsaatigalugu naalakkersuinikkut aqunneqartumi sulinermik piginnaasaqassaatit allaffiullu suliassaanut pingaarnernut tunngatillugu piginnaasaqarluaruit iluaqutaassaaq.


Ulloq atorfiniffissaq tassaavoq 1. Maaji, isumaqatigiissuteqarnikkulluunniit.

Atorfik pillugu
Ilinniartitaanermut, Kultureqarnermut Ilageeqarnermullu Naalakkersuisoqarfik ilinniarnertuunngorniarnermut suliaqartunut ilanngussaatit, suleqatigiit maanna pingasut tassani sulisarput.  Ilinniarnertuunngorniarneq (GUX) allanngoriartuinnaavippoq. Ineriartornerlu taanna ilinniarnertuunngorniarfiit sisamaasut susassaqartullu allat qanimut suleqatigalugit pivoq. Suleqatigiinni suliat suliarineqartartut nikerartarput, tassaasinnaallutillu ingerlatsinermi suliassat, ineriartortitsineq, sullissineq aammalu inatsisinik atulersitsineq.

Suliassat pingaarnerit suliarineqartartut nammineq piginnaasatit aallaavigalugit sulisullu allat eqqarsaatigalugit suliarisalersinnaasatit taaneqarsinnaasut makkuupput:

  • Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut qulakkeerinninneq
  • Ilinniarnertuunngorniarnermi ilinniartitaanerup ulluinnarni allaffissornikkut aqunneqarnerannik ingerlanneqarnerannillu sulineq
  • Sulinermi periutsinik aammalu assersuutigalugu soraarummeernermi ilinniarnissamullu akuersisarnermi periutsinik ineriartortitsineq pitsanngorsaanerlu
  • Ilinniarnertuunngorniarfinnut qitiusumik suliniutinik ataqatigiissaarisarnerit piareersaasarnerillu
  • UWC-mut – United World Colleges - scholarshipsinut tunngatillugu Naalakkersuisoqarfiup ataqatigiissaarineranik qulakkeerineq
  • Ilinniarfiit pillugit avammut paasissutissaliornissaq, ilitsersuusiornissaq periusissiornissarlu qulakkeerinninneq
  • Naalakkersuisunik kiffartuussinermut tunngatillugu sulianik qulakkeerinneqataaneq
  • Ilinniarnertuunngorniarnermut tunngasut pillugit suleqatigiit nittartagaat iserasuaat.gl aammalu ilinniartitsinissamut atortut ineriartortinnissaat ingerlatsinerlu
  • Ilinniarnermut atatillugu Ad hoc-imi suliassat


Kissaatigaarput, illit:

  • suliamut tunngassutilinnik assingusunik misilittagaqartutit, ajornanngippat ingerlaqqiffiusumik qaffasinnerusumik ilinniagaqartutit
  • ilinniarnertuunngorniarfinnik ilinniartitaanermullu tunngasut tamaasa ataatsimut isigalugit ilisimasaqassasutit
  • inuiaqatigiit kalaallit pillugit sukumiisumik ilisimasaqassasutit
  • aningaasaqarnermik naatsorsueqqissaarnermilu suliaqartarnermik ilisimasaqarluartutit
  • nammineq sulisinnaassasutit aaqqissorluakkamillu suleriaaseqassasutit
  • sulianik ilungersunartunik ataqatigiissitsisinnaasutit
  • kalaallisut danskisullu oqaluttariarsornikkut allattariarsornikkullu oqaaseqatigiiliorluarsinnaassasutit
  • Suliassanik piffissaliussat eqqorlugit tunniussisartuussasutit
  • Suleqatigiinnernik oqaloqatigiinnernillu pingaartitsisuussasutit


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik immikkut ittumik siunnersortitut inissiffissamik periarfissalerlugu inissiffissalerlugu innuttassarsiorneqarpoq. Immikkut ittumik siunnersortitut inissiffissalerlugu neqeroorutigineqarsinnaavoq, qinnuteqartoq eqqortumik uppernarsarneqarsinnaassumik piginnaasaqarpat.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Paasissutissat sukumiinerusut
Atorfik pillugu annertunerusumik paasisaqarusukkuit Helena Lynge Møller attavigisinnaavat oqarasuaatikkut +299 345623, imaluunniit mailikkut hlmo@nanoq.gl.

Kalaallit Nunaat aamma Namminersorlutik Oqartussat pillugit annertunerusumik paasisaqarusullutit kissaatigigukku, www.nanoq.gl aqqutigalugu Atorfiit ataanni paasisaqarnerusinnaavutit.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk