Skip to main content
91

Dette jobopslag er udløbet

Ilinniartitaanermut, Kultureqarnermut Ilageeqarnermullu Naalakkersuisoqarfiup immikkoortortaqarfianut pisortaq

Atorfik pillugu
Immikkoortortaqarfimmi pisortap ilinniartitaaneq pillugu suliassaqarfik tamaat akisussaaffigaa, atualinngitsuniit ilinniaqqiffinnut aamma Naalakkersuisut Kalaallit Nunaanni ilinniartitaanerup qaffassarnissaanut periaasissaannik suliniutaannillu ineriartortitsinissaq, atuuttussanngortitsinissaq nalilersuinissarlu peqataaffigissavai. Tamatuma saniatigut Ilinniartitaanermut immikkoortortaqarfimmi Kalaallit Nunaata EU-mik ilinniartitaanermut suliassaqarfimmi Suleqatigiinnissamik isumaqatigiissutit atuuttussanngortinneqarnissaat isumagineqarpoq. Tamatuma saniatigut Ilinniartitaanermut immikkoortortaqarfimmi Kalaallit Nunaata EU-mik illinniartitaanermut suliassaqarfimmi Suleqatigiinnissamik isumaqatigiissutit atuuttussanngortinneqarnissaat isumagineqarpoq.
Immikkoortortaqarfimmi pisortaq aamma Naalakkersuisoqarfimmi aqutsisoqatigiinnut timitaliilluni suleqataasinnaasariaqarpoq, Naalakkersuisunik politikikkut sullissisinnaasariaqarpoq aamma ilinniartitaanermi suliassaqarfimmi politikkikkut allaffissornikkut suliniutit pitsaasuunissaasa qulakkeerneqarnissaannut peqataassaaq. Suleqatigisanik suleqatiginnilluarsinnaanerit tatiginnissinnaanerillu, aqutsisuni aamma suleqatigiinni, pingaaruteqarpoq.
Naalakkersuisoqarfimmi suleqatigiinnerit saniatigut Naalakkersuisoqarfimmi Aqutsisoqarfimmiut arlariit aamma suleqatigisinnaasariaqarpatit, Ilinniartitaanermut aamma Digitaliseeriinermut Aqutsisoqarfiit aamma suleqatigisat attuumassuteqartut, tassunga ilanngullugit Qitiusumik allaffeqarfimmi Naalakkersuisoqarfiit allat aamma Kommunini Ingerlatsiviit

Ilinnut tunngasut
Kissaatigaarput, illit:

  • Naleqquttunik ingerlaqqiffiusumik ilinniagaqarsimassasutit
  • Aqutsinermik misilittagaqartutit, ajornanngippat suliffeqarfimmit politikkikkut aqunneqartumit
  • Namminersorlutik Oqartussat qitiusumik allaffeqarfianik suliffittut ilisimasaqarnissat aammalu Namminersorlutik Oqartussat sulianik ingerlatseriaaseqarnerat ilisimassagitit
  • Naalakkersuisoqarfimmi oqartussaaffeqarfinnik ilisimasaqarnissaq, ingammik ilinniartitaanerup iluani
  • Aalalluartoq, nutaaliortoq nutaanillu eqqarsartartoq
  • Suliffeqarfimmik aqutsinermik piginnaasalik, tamatumani suliassanik suliarinnittarnerit suliatigut ilisimasanik tunngaveqarlutik
  • Suleqatinut attuumassuteqartunut suliassanik pitsaasumik suliakkiisinnaassuseqartoq
  • Ullut ilaanni ulappuffioqisuni paasiuminaatsunillu suliassarpassualimmi ataatsimoortumik takunnissinnaasoq ataqatigiissitsisinnaasorlu
  • Pisunik paasinnillaqqissoq aamma ulluinnarni qiimasoq nukissaqarluartorlu
  • Kalaallit Nunaanni naalakkersuinikkut pissutsit ilisimasaqarluarfigigitit
  • Kalaallisut, danskisut tuluttullu piginnaasaqarluartutit

Suliffik pillugu:
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik suliffeqarfiuvoq assigiinngitsunik suliaqarfiusoq sulinermilu avatangiisit persuarsiorfiunatillu ammasut, suleqatillu pimoorussillutillu isumaginnillutik sulisut. Sulisut 50-ingajaavugut suliatigut qaffasissumik pitsaassusilinnik suliaqarusuttut inooqatigiinnikkullu pitsaasumik avatangiiseqarnissamik pilersitserusuttut.
Naalakkersuisoqarfimmi aqutsisoqatigiit tassaapput, Naalakkersuisoqarfimmi pisortaq, Kultureqarnermut Ilageeqarnermullu immikkoortortaqarfimmi pisortaq, ilinniartitaanermut suliassaqarfimmi immikkoortortaqarfimmi pisortaq, inatsisinik atuutsitsinermut immikkoortortaqarfimmi pisortaq aamma aningaasaqarnermut, sulisoqarnermut ilinniartoqarnermullu tunngasunut immikkoortortaqarfimmi pisortaq. Ilinniartitaanermut immikkoortortaqarfik 15-it missaannik sulisoqarpoq
 
Paasissutissat allat
Annertunerusumik paasisaqarusukkuit attavigiuk Naalakkersuisoqarfimmi pisortaq Lone Nukaaraq Møller, LNM@nanoq.gl eller +299 345000.

Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk