Skip to main content
127

Dette jobopslag er udløbet

Ilinniartitaanermut, Kultureqarnermut Ilageeqarnermullu Naalakkersuisoqarfimmut kulturimut sunngiffimmullu AC-fuldmægtigi

Naalakkersuisoqarfimmi AC-fuldmægtigitut atorfik inuttalerusunneqarpoq 1. marts 2019 aallarnerfigalugu isumaqatigiissuteqarnikkulluunniit.

Suliassappit ilagivaat

  •  pingaartumik kulturip sunngiffimmilu sammisaqartitsinerup iluani, tusagassiuutinut tunngasunik, ilaatigullu suliassanik tassanngaannartunik assigiinngitsunik suliassinneqartassaaq.
  • Illit naalakkersuisoqarfinnut aammalu ineriartortitsisarnernut tunngasutigut ingerlatsisarnerit ulluinnarni akisussaaffigai, taakkununnga ilaatigut ilaallutik suliassaqarfiit akimorlugit aqutsinernik, ineriar-tortitsinertigut pilersaarutit, malittarisassanik suliaqartarnernut peqataasarnerit, suliassanillu pilersaarusiortarnerit assigisaasalu qulakkeertarnissaat.
  • Akisussaaffigissavatit kulturimut oqaluffeqarfimmullu immikkoortortaqarfimmut immikkoortortaqarfimmi pisortamut, illit suliassat atasut najoqqutassat atuuttut aammalu isumaqatigiissutit iluini piffissamik killiliinerit malillugit ingerlanneqassapput.
  • Atorfimmi akisussaaffimmut tunngasut iluini ilitsersuutit il.il. kaaviiaartitat, nalunaarutit inatsisillu atuuttut nutaat allanngukkat, nakkutigissavai, kiisalu pikkorissarnerni, suleqatigiinni sulinermullu atatillugu angalanerit, ilinniagaqarnikkut attuumassuteqartunut ataatsimiinnernut, aaqqissuussinernut peqataasarneq.

Naatsorsuutigaarput

  • Akademikerisut qaffasitsigisumik ilinniagaqartutit, attuumassutilimillu suliamik ingerlatsinermi naleqquttumik tunuliaquteqartutit misilittagaqarlutit, kisiannili suliamik ingerlatsinermi immikkut ittumik ilisimasaqarnissat pingaaruteqanngilaq.
  • Tamakku saniatigut naatsorsuutigaarput avataanit suliffiullu iluani soqutigisaqartut arlallit kinguneqartussamik atassuteqarfiginissaannut piginnaaneqassasutit, Suliassarpassuaqa-raangat aammalu paasissutissat pineqartillugit tamakkiisumik isiginnissinnaaneq, aammalu paasissutissarpassuit paasinartunngorlugit aammalu aalajangiinissamut isummerfigisassat eqqortunngorlugit suliarisinnaassallugit.
  • Atorfimmittaaq suleriaatsinik aaqqissuussisinnaanermik pisariaqartitsisoqarpoq, aammalu nammineerlutit sulisinnaassuseqarlutillu pisariaqartitsisoqartillugu suleqatinik qanilaartumik suleqatigiinnermut ilanngussinnaaneq.
  • Suliffeqarfimmik politikikkut aqunneqartumik misilittagaqarluaruit iluaqutaassaqaaq, kisiannili piumasaqaa-taanngilaq. Kalaallit Nunaanni pissutsinik ilisimasaqarluarnerit pingaartinneqarpoq.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk