Skip to main content
92

Dette jobopslag er udløbet

Ilinniartitaanermut Instituttimi studieadjunktit/-lektorit adjunktilluunniit pissarsiorpoq

Ilinniartitaanermut Instituttimi studieadjunktit/-lektorit adjunktilluunniit arfinillit sammisani assigiinngitsuni, ajornanngippat sammisanik allanik ilallugit, atuartitsisinnaasut 1. februar 2022 isumaqatigiissulluunniit malillugu atorfinittussat.

Ilinniartitaanermut Institutti tassaavoq Ilisimatusarfimmi, Kalaallit Nunaanni Universitetimi, instituttit sisamaasut ilaat.

Ilinniartitaanermut institutti immikkoortortaavoq ilisimatusarnermik sammisaqartoq ilinniartitsisu-nillu bacheloritut ilinniartitsiffiusoq. Ilinniartoqatigiit 25-t missaanniipput 180-illu missaannik ilinniartoqarlutik. Ilinniartuutitsinnik.

Ilinniartitsisussarsiorpugut ilinniartuutitta Nunatsinni meeqqat atuarfiini ilinniartitsisinnaalernissaat anguniarlugu aammalu Nunatsinni ilinniartitsisut pioreersut pikkorissarnerit ilinniaqqinnerillu aqqutigalugit nukittorsarnissaannik sullisserusuttunik.

Ilinniartitsisunik makkunannga atuartitsisinnaasunik pissarsiorpugut: Qallunaat oqaasii, tuluit oqaasii, kalaallit oqaasii, pædagogikki, uumaatsulerineq fysik/kemi-mik immikkut isiginnittoq kiisalu nerisassat peqqinnerlu.

Suliassat:

  • Ilinniartitsisunngornianermi kiisalu pikkorissarnerni ilinniaqqinnernilu atuartitsinerit
  • Atuartitsissutinik nutarsaajuarneq
  • Atuartitsissutit didaktikkiannik inerisaaneq
  • Atuartitsissutini atortussanik inerisaaneq
  • Ilinniartitsisunngorniarfimmi sulisut allat peqatigalugit sammisat akimorlugit atuartitsinerni peqataaneq
  • Sammisanik inerisaanernik ilisimatusarnernillu ingerlatsineq, kisimiilluni aammalu suleqatit meeqqallu atuarfiini suleqatit peqatigalugit
  • Ilinniartitsisunngorniarnerup ilinniaqqittarnerup pikkorissartitsinerullu inerisarnerini sammisani peqataaneq
  • Ilisimatusarneq, takuuk piginnaasanut tunngasoq

Neqeroorutigaagut:

  • Sullivik ineriartortuartoq namminersorluni suleqatigiillunilu suliassanik naligiimmik aallutaqarnissamik anguniagalik
  • Atuartitsiffik eqeersimaartoq tunniusimasunik piumassusilinnillu sulisulik
  • Ilisimatusarfik eqeersimaartoq sammisat perorsaanerullu tungaasigut inerisarnissamut periarfissaqarluartoq

Pisinnaasat piginnaasallu makkua pingaartinneqarput:

  • Naleqquttumik ilinniagaqarputit appasinnerpaamik kandidatimut, ajornanngippallu Ph.d.-mut naapertuuttumik
  • Atuartitsinermik misilittagaqarputit
  • Ilikkarnartut piginnaasalittullu takunnissinnaanerit siunniullugit sulinermik misilittagaqarputit
  • Nunarsuarmi ilisimatusaatinik nutaajunerusunik ilinniartitsisunngorniarnermut meeqqallu atuarfiinut tunngasunik ilisimasaqarputit
  • Atuartitsininni atortorissaarutit nutaaliaanerusut atorsinnaavatit
  • Sammisami pigissaasassat, ilisimasallu annersaannik isumaginnissinnaavutit


Studieadjunktitut atorfeqartitaaneq ukiunik 6-nik sivisussuseqarpoq. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu sivitsorneqartarpoq.

Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni.
Tamatuma kingorna lektorip naliliinera tunngavigalugu atorfik lektoritut atorfinngorlugu sivitsorneqarsinnaavoq.

Adjunktitut sulineq ph.d.-mik ilalik: Atorfik adjunktitut atorfiusinnaavoq ukiut 6-it tikillugit, atorfininnermi ph.d.-mik sammisaqarnissamik isumaqatigiissusiortoqarsimappat. Adjunktitut atorfinitsitsineq ph.d.-mik ilalik pisinnaavoq ph.d.-mik ilinnialerniarluni nalunaarnermi malittarisassat atuuttut malinneqarsimappata.

Naliliisarneq atorfinitsitsisarnerlu
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut (imaluunniit rektorimut) innersuusiussallutik, tamatumalu kingorna taassuma qinnuteqartoq/qinnuteqartut oqaloqatiginissaanut aggersassavai. Naliliisartoqatigiit innersuussutaat tamakkiisut qinnuteqartunut tamanut nassiunneqassapput. Qinnuteqartut innersuussutit avammut saqqummiutissanngilaat qinnuteqartut tamarmik akuersitinneqarsimanngippata.

Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarputit Institutimi pisortaq Britta Lohmann, oqarasuaat: +299 385702 attavigissallugu. Ilisimatusarfik pillugu paasisaqarnerorusukkuit paasissutissat allat atuarsinnaavatit uunga iserlutit www.uni.gl

Ilisimatusarfik pillugu.
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut quliullutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit.
Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk