Skip to main content
67

Dette jobopslag er udløbet

Ilinniartitaanermut ataqatigiissaarisoq

Niuernermik Ilinniarfik ilinniartitaanermut ataqatigiissaarisumik sulisussarsiorpoq

Niuernermik Ilinniarfik ilinniarfiuvoq ingerlalluartoq, assigiinngitsorpassuarnik inuussutissarsiuteqarnerup tungaatigut ilinniakkanik neqerooruteqartoq.. Siunissaq pissanganartoq ornipparput, suliniuterpassuarnik ulikkaartoq. Taamaattumik massakkut ilinniartitaanermut ataqatigiissaarisumik pissarsiorpugut.

Allaffissornikkut nukittuumik suliriaaseqarpit? Ilinniartut, sulisut aammalu avataaniik suleqatigut pitsaasumik eqqortumik saaffigiuminartumik sullissinnaavigit? Taamaappat  illit ujarpatsigit

Illit suliassatit…
Ilinniartitaanermi ataqatigiissaarisutut suliassatit assingiingiiaarput, taamaattumik pisariaqarpoq nammineersinnaanissaq, suleqatillu allat akimorlugit suleqatigiinnissaq. Ulluinnarni ilinniartut, ilinniartitsisut, ilinniarnermut nakkutilliisut, allaffimmi sulisut aammalu suleqatit avataaneersut suleqatigisussaavatit. Aqutsisut allattoqarfiani ilaalissaatit, tassanilu suliassat ilinniartitaanermut, avammut nittarsaassinermut, attaveqaqatigiinneq aammalu illup ingerlanneqarneranut tunngasut suliarissavatit.

Suliassat imaraat

  • Iliniartitaanermi allaffissorneq
  • Ilinniartunik sullissineq
  • Ilinniartitaanermi nalunaarsuiffik il.il.
  • Misilitsinermi, ilinniakkamik naammassinermi pilersaarusiorneq allalu suliassanik suliaqarneq.
  • Suliffinnik sungiusarfissanik akuersisarneq, suliffeqarfinnut attaveqaataaneq il.il.
  • Atuakkanik toqqorsivik aamma atuakkanik atorniartarfiup ingerlanneqarnera
  • Ilinniartut ingerlanerinik mississuinerit ingerlanneqarneri
  • Suliassat illup iluani aammalu avammut paasissutissiinerit nittarsaassinerillu suleqataaffiginissai
  • Avammut nittarsaassinermi suliassat assigiingitsut, attaveqaqatigiinneq  aammalu illup ingerlanneqarnera suliassaraatit.


Sulinerup piumasaqaatigaa, immikkoortortaqarfiit akimorlugit sulisinnaaneq, sulianik immikkuullarissumik suliaqarsinnaaneq. Aqutsisut ingerlatsivianni assigiingitsorpassuarnik suliaqarput, taamaattumik inummik assigiingiiaamik aammalu allanik ikiuilluni suliaqarsinnaasumik pissarsiorpugut.
Souschef-imut attaveqassaatit.

Kissaatigaarput…
Inuussutissarsiornermi- aammalu qaffasinnerusumik allaffissornikkut ilinniagaqarsimassasutit imaluunniit assigisaanik. Naatsorsuutigaarput, nammineersinnaassuseqassasutit, ilusilersuisinnaallutit, pisunullu assigiinngitsunut takunissinnaassuseqassallutit. IT-ip tungaatigut piginnaaneqassasutit aammalu naliginnaasumiki Office-pakki atorsinnaassagit. Ulluinnarni allaffissornermi atortorissaarutinik atuisinnaassaasutit kissaatiginarpoq, soorlu makkuninga Lectio aamma Wiseflow. Kalaallisut qallunaatullu piginnaaneqassasutit, Pisuni tamani pingaaruteqarpoq, illit suleqatinnut ilinniartunullu, suleqataalluarnissat, sutigut tamatigut.

Neqeroorutigaarput…
Piffissaq tamakkerlugu atorfik, ilinniartoqarfimmi ineriartorfiusumi ulapaarfiusumilu. Inuttut ineriartornissamik pikkorissanissamut, ilinniaqqinnissamullu periarfissalik. Suliassat unamminartut pissanganartullu, suleqatit tunniusimasut, ineriartortitserusuttut pikkorissullu suleqatigalugit, qiimaneq ulluinnarsiutigalugu.

Sapaatip akunneranut nal. ak. 40 tiimit suliffiuvoq.  Atorfik piaartumik inuttassarsiuunneqarpoq. 

Annertunerusumik paasisaqarusukkaanni
Atorfik ilinnut tulluartuusorigukku paasisaqarnerorusukkuillu uunga saaffiginnissinnaavutit: Atuarfiup pisortaa tullersortaa Ole Østergaard Poulsen oqarasuaat 342557 imaluunniit e-mail atorlugu: olpo@ninuuk.gl.

Aamma Niuernermik Ilinniarfik pillugu paasiniaasinnaavutit nittartakkamut uunga iserlutit: www.ninuuk.gl

Qinnuteqarneq
Qinnuteqarfissaq kingulleq 13. marts 2020. Atorfinitsisinermi oqaloqatiginninneq ataavartumik ingerlanneqassaaq.

Qilanaarpugut tusarfiginissannut!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk