Skip to main content
92

Dette jobopslag er udløbet

Ilinniartitaanermut Aqutsisoqarfiup Sisimiuni efterskolilerisuinut erninermut atatillugu sulinngiffeqartumut paarlatsi

Ilinniartitaanermut Aqutsisoqarfik efterskolernermut nunanilu allani paarlaateqatigiilluni atuartunut allaffimmi erninermut atatillugu sulinngiffeqartumut paarlatsissamik, martsip aallaqqaataani isumaqatigiissuteqarnikkulluunniit atorfinittussamik siunnersortissarsiorpoq. Naatsorsuutaavorlu ukiup sinnera taartaanissaq. Atorfik Naalakkersuinermut Nakkutilliinermullu immikkoortortami, ilaatigut suli atualinngitsunik aamma efterskolertunik nunanilu allani paarlaasseqateqarlutik atuartunik suliaqarfiusup ataani inissisimavoq. Atorfik Sisimiuni allaffitsinni inissisimavoq immikkoortortamilu pisortap akisussaaffiata ataaniilluni. Allaffimi atorfiit maarluupput.
Efterskolilerisut Danmarkimi efterskolernermi nunanilu allani paarlaasseqateqarluni atuarnermi tapiissutinik qinnuteqartunik suliaqartarput.

Ilaatigut makkua suliarissavatit

  • Efterskolernermi nunanilu allani paarlaateqarteqarluni atuarnermi tapiissutinik suliaqarneq aqutsinerlu
  • Qinnuteqartunik, angajoqqaanik atuarfinnillu atuarnerup aallartinnginnerani, atuarnerup nalaani naammassineranilu siunnersuineq ilitsersuinerlu
  • Danmarkimi Kalaallit Illuutaat angalatitseqatigiiffiillu suleqatigalugit angalanernik aaqqissuineq
  • Namminersorlutik Oqartussat aningaasaqarnikkut aqutsinermi atortagaanni aningaasanik aqutsineq.


Illit pillutit
Qinnuteqartoq piukkunnartoq:

  • Tulluartumik allaffissornikkut niuernikkullu ilinniagaqarsimasuuvoq
  • ITmik piginnaasaqarluartuuvoq tassunnga ilaalluni aningaasanik aqutsissutinik ilisimasaqarneq
  • Namminersorsinnaasuuvoq eqaatsumillu suleriarsinnaalluni
  • Torersumik suleriaaseqarpoq akisussaassuseqarluni aaqqiissutissanillu ujartuillaqqissuulluni
  • Kalaallisut danskisullu oqaatsitigut allattariarsornikkullu attaveqallaqqissuuvoq ilisimatitsillaqqillunilu
  • Suleqateqallaqqissuullunilu kisimiilluni sullarissuuvoq aamma ulapaarfiit nalaanni.


Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Akissarsiat atorfeqarnermullu atukkat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
                                                                        
Ineqarneq
Atorfimmut atatillugu ineqartitsisoqassanngilaq.

Qinnuteqarneq
Atorfinikkusulluni qinnuteqaat tunngavilersugaq, CV-mik nutartikkamik ilanngussanillu imalik, ataani nassiussiffissamut nassiunneqassaaq.

Ulloq atorfiniffissaq 1. marts 2021 isumaqatigiissuteqarnerluunniit malillugu.
Qinnuteqarfissaq ulloq kingulleq tassaavoq: 5. februar 2021.

Paasissutissat allat
Atorfimmut tunngasunik allanik paasisaqarusukkuit saaffiginnissinnaavutit uunga
Ilinniartitaanermut Aqutsisoqarfimmi immikkoortortaqarfimmi pisortaq
Kaali Olsen
kaol@nanoq.gl
+299 346158
Kalaallit Nunaat Namminersorlutillu pillugit paasisaqarnerorusukkuit www.nanoq.gl –ip ataani Suliffik-mi atuarsinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk