Skip to main content
152

Ilinniartitaanermut Aqutsisoqarfimmi periusissiornissami suliniummi aqutsisussarsiorpoq

Ilinniartitaanermut Aqutsisoqarfimmik nuna tamakkerlugu pimmatilliisarnerup pitsaaliorneranut periusissiornissami suliniummut aqutsisussarsiorpoq
Naalakkersiusut meeqqat inuusuttullu akornanni pimmatiginnittarneq pitsaaliorniarlugu nuna tamakkerlugu atuuttussamik periusissiussaaq. Periusissiaq 2020-imi ukiaanerani ataatsimiinnissaamut naammassineqassaaq.

Ilinniartitaanermut aqutsisoqarfik taamaattumik akisussaaffimmik ilisimaarinnilluartumik, tamatigoortumik isumassarsiullaqqissumillu, atorfimmut ukiumi ataatsimi ingerlasussamut, 1. septembari 2019 isumaqatigiissuteqarnerluunniit malillugu atorfinittussamik, suliniummut aqutsisussarsiorpoq. Suliassaq kommunit soqutigisaqartullu allat suleqatigalugit Naalakkersuisoqarfiit akimorlugit ingerlanneqartussaammat qinnuteqartoq suleqatigiillaqqissuussaaq, namminersorsinnaasuulluni ullunilu ulapaarfiusuni pisuni ataatsikkoorsinnaasartuni tamakkiisumik isiginnissinnaassuseqartuussalluni. Suliniummut aqutsisoqatigiinnut suleqatigiisitamullu kiisalu soqutigisalinnut allanut suliani ataqatigiissaarisuussaatit, taamaattumik kissaatigaarput aaqqissuussillaqqissuussasutit. Suliniut suleqatigisanut pisarialinnut ingerlaavartumik ilisimatitsissutigineqartartussaammat periusissiarlu allakkiatut takkajaatut inaarneqartussaammat paasissutissanik – allakkatigut oqaasiinnakkullu ersarissumik paasissutissiillaqqissuussaatit.

Suliniummi aqutsisup suliassai pingaarnerit tassaanerussapput:
Suliniummi aqutsisoq periusissiap imassaanik suliaqarfiusumik aallarnisaatitut isumasioqatigiisitsinermik kiisalu isumasioqatigiinnermik siunnersuusiorfiusumik aaqqissuussissaaq.
Suliniummi aqutsisup akisussaaffii pingaarnerit aamma makkuussapput:

  • Suleqatigiissitat pilersaarusiaq malillugu ingerlanissaat naammassisassallu naammassineqartarneri
  • Suliniummi killiiffissatut siunniussat anguneqartarnissaat qulakkiissallugu periusissiarlu inaassallugu
  • Aqutsisoqatigiinnut attaveqarluarneq nalunaaruteqartarnerlu
  • Soqutigisaqartut allat attavigisarneri soorlu aqutsisoqarfiit, avataaniit siunnersortit, oqartussaasut il.il
  • Ilisimasanik katersineq immikkullu ilisimasalinnik pisarialinnik akulerutsitsineq
  • Periusissiornerup erseqqissaatigineqartarnissaa saqqummiunneqartarnissaalu

Qinnuteqartoq piukkunnartoq

  • Eqquutitsillaqqinneq, aaqqissuussamik suleriaaseqarneq namminersorsinnaanerlu
  • Suliniutinik suliaqarnermik misilittagaqarneq
  • Suliamut anguniagaqarusunneq aaqqiissutissarsiullaqqinnerlu
  • IT-mik ilisimasaqarluarneq
  • Eqaatsumik suleriaaseqarneq, isumassarsiullaqqinneq nutaaliorsinnaassuseqarnerlu
  • Arlariinnik oqaaseqarsinnaavutit
  • Nunarput kulturiilu pillugit ilisimasaqarluarneq

Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik tassaavoq suliffeqarfik naalakkersuinikkut aqunneqartoq, naalakkersuisoqarfimmik naalakkersuinermillu sulialinnik sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit atuarfiillu nammminersortitat. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk