Ilinniartitaanermut Aqutsisoqarfik allaffimmi pisortassarsiorpoq
Allaffissornikkut aningasaqarnikkullu ineriartornermut siuuttoorusuppit? Namminersorlutik Oqartussani naatsersuuserinermik misilittagaqarpit? Immaqa taava illit tassaavutit allaffimmi pisortanngortussaq!


Ilinniartitaanermut Aqutsisoqarfik suliffeqarfiuvoq naalakkersuinikkut aqunneqartoq, naalakkersuisoqarfimmut naalakkersuinermillu sulialinnut kiisalu kommuninut aamma efterskolertussanut sullissisoq aammalu inerisaanermik ilinniusiornermillu ingerlatsisoq. Ilinniartitaanermut Aqutsisoqarfimmi allaffimmi pisortatut atorfik taamaattumik unammillernartuuvoq aaqqissuisinnaanermullu kiisalu ukkataqarsinnaanermut piumasaqaateqarfiulluni, namminerlu suliap suliassaqarfinnut assigiinngitsunut attuumassuteqarneranik taakkualu qanoq pitsanngorsartuarsinnaanerinut takunnissinnaanermik piumaffiginnituulluni.  

Suliassatit makkuussapput:

• Suleqatinik aqutsineq immikkoortortamilu ulluinnarni ingerlatsineq.
• Suleriaatsinik suliallu ingerlasarnerinik inerisaaneq.
• Aqutsisoqarfiup sulianik ingerlatsisarnerisa pitsaassusaanik qulakkeerineq.
• Aqutsisoqarfimmut aningaasaliissutit aallaavigalugit aningaasaqarnermik missingersuutinillu aqutsineq.
• Naatsersuuserinermi najoqqutassiorneq suliffeqarfiullu pigisaanik nalunaarsuineq.
• Suliffeqarfiup suleqatigisartagaanut suleqatigiinnissamut isumaqatigiissusiornerit.
• Aqutsisoqarfiup ingerlatsineranut ineriartorneranullu periusissatut pilersaarusioqataaneq.

Ilimagaarput piginnaasat pisinnaasallu uku amerlanersaat pigissagitit:

Suliamut pisinnaasat

• Ilinniagaq suliffimmut naleqquttoq.
• Pisortaasimanermik misilittakkat (suliamut pisortaasimanerusinnaavoq).
• Sulisunik aqutsinermik misilittagaqarneq.
• Pisortani naatsersuuserinermik akissarsialerinermillu misilittagaqarneq.

Inuttut pisinnaasat:

• Naammagittartuuvutit suleqatitillu qaffasissumik naammassisaqaqqullugit qiimmassaasinnaasuullutit.
• Suleriaatsinik pilersaarusiullaqqissutsimik aallaavilinnik inerisaassaatit suleqatillu kaammattussavatit periarfissanik ungasissumut isigisunik siunissami ineriartuutaasunik ujartuisooqqullugit
• Ataqatigiissumik aaqqissuisinnaassaatit aamma akisussaassuseq, pitsaassuseq sulinerullu aaqqissuunneqarnera pingaartitaralugit.
• Tapersersuisuuvutit oqaloqatikkuminarlutillu. Attaveqallaqqissuuvutit suleqatinnillu qiimmassaasuullutit.
• Kalaallit oqaasii danskillu oqaasii allannikkut oqalunnikkullu piginnaanerissavatit.
• Kalaallit Nunaanni inuiaqatigiinni pissutsit ilisimasaqarfigissavatit.

Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik suleriaatsiminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai meeqqat atuarfiat, efterskolit,højskolit nutaatullu GUX-imut tunngasut. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Qinnuteqarnissamut killiussaq: 06.04.2023
Akissarsiat atorfeqarnermilu atugassarititaasut
Atorfik maannakkut LR 36-imi inissisimasussatut aaliangersargaavoq. Akissarsiat aalajangersimasumik tapit ilanngullugit, apriilip aallaqqaataani 2022-imiit qaammammut Kr. 50.291-iupput ukiumullu Kr. 603.492-iullutik.

Atorfinitsitsineq tunngaviusumi isumaqatigiissutit malillugit pissaaq atorfinittussarli tjenestemanditut atorfeqareersimappat Kalaallit Nunaanni pisortat suliffeqarfiutaanni tjenestemandeqarneq pillugu inatsisit tunngavigalugit aamma atorfinitsitsisoqarsinnaavoq.

Aallaaviusumik sapaatip akunnerani akunnerit 40-t suliffiusassapput, taamaattorli atorfimmi qanoq sivisutigisumik sulisinnaaneq pillugu aalajangersagaqanngilaq, qaangiuttoornermusiaqartitsisoqarnerlu atuunnani, soorlu aamma ullunut sulinngiffeqarnissaanut annaasaqaatisiaqartitsisoqartarani.

Akissarsiat atorfeqarnermilu atugassarititaasut, ilanngullugit sulilernermi soraarneeermilu pisattat assartorneqarneri pissapput sulilernerup nalaani Namminersorlutik Oqartussat kattuffillu isumaqatigiissusioqatigineqartup isumaqatigiissutaat naapertorlugit.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk