Skip to main content
100

Dette jobopslag er udløbet

Ilinniartitaanermut Aqutsisoqarfik pingasunik suli atualinngitsunut suliniutinik suliaqartussanik sulisussarsiorpoq

Ilinniartitaanermut Aqutsisoqarfimmi pingasunik suli atualinngitsut pillugit suliassaqarfimmut, 15. februari 2021 imaluunniit isumaqatigiissuteqarnikkut sulilertussanik sulisussarsiorpoq. Atorfimmi suliarineqartussaq pingaarneq tassaavoq Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu kalaallit qallunaallu oqartussaasoqarfiisa assigiinngitsunik suliallit akornanni suleqatigiinnermi suliniut 3-mik sammisaqarnissaq*. Atorfiit ukiunut pingasunut killiligaapput.

Suliniutinik suliaqartussat ’angalasartuussapput’ pingaarnertullu suliassaraat meeqqat atugarliulernissaat pitsaaliussallugu atugarliortunillu malussarniarneq siuarsassallugu. Angalasartut perorsaanikkut inerikkiartuutaasunik ilikkarluarfiusunillu nunatsinni ulluunerani neqeroorutini siunnersuisassapput meeqqerivinnilu sulisunik siusissukkut malussarniarnermik iliuuseqarnermillu piginnaanngorsassallugit.
Angalasartut politikkimut sulilu atualinngitsut pillugit immikkoortortaqarfimmi sulissapput immikkoortortamullu pisortaq pisortarissallugu. Angalasartut immikkoortortami suliassanik allanik aamma suliaqartassapput.

Angalasartut kommunini suli atualinngitsunut siunnersortit, Pitsaaliuinermut Isumaginninnermullu aqutsisoqarfiup ataani Paarisap  pitssaaliuinermut immikkoortortaa kiisaluiavataani suleqatissat allat qanimut suleqatigisassavaat. Suliniuteqarneq siullermik periusissiornermik suliaqarfiussaaq Kalaallit Nunaanni tamarmiusumi angalasarnernik arlalinnik malitseqassalluni.

Angalasartut makkuninnga suliaqassapput

  • Perorsaanikkut inerikkiartuutaasunik ilikkarluarfiusunillu meeqqallu atugarliulernissaannut pitsaaliuinermut siunnersuisarnissami siunnersueriaatsimik ineriartortitsineq
  • Siunnersueriaaseq aaliangiunneqartoq malillugu perorsaanermik sulialinnik kommuninilu aqutsisoqarfinnik siunnersuineq ilitsersuinerlu
  • ”Siusissukkut malussarniarneq iliuuseqarnerlu” pillugit pikkorissaariaatsinik ineriartortitsineq
  • Siusissukkut malussarniarnermik iliuuseqarnermillu ulluunerani meeqqanut neqeroorutini sulisunik ilinniartitsineq pikkorissaanerlu.


Suliassat pingaarnerit ulluunerani meeqqanut neqeroorutini kommuninilu pisartussaammata atorfiit angalangaatsiarfiusassapput.

Ilinnut tunngasut
Qinnuteqartoq piukkunnaateqarluartoq:

  • Perorsaanermut ilinniarsimasoq, aamma/imaluunniit perorsaanermi, aqutsinermi inuiaqatigiilerinermi ilinniaqqissimasoq, soorlu inulerinermi
  • Kalaallit Nunaanni meeqqat suli atualinngitsut pillugit aamma kulturinut inuiaqatigiinnullu assigiinngiiartunut sukumiisumik ilisimasalik
  • Suli atualinngitsunik suliaqarluarsimaneq kiisalu meeqqerivinni sulisunik siunnersuinermik ilitsersuinermillu ilisimasaqarneq/misilittagaqarneq
  • Tulleriiaarisinnaasoq, akisussaassuseqartoq aaqqiissuteqarsinnaassuseqartorlu
  • Kalaallisut danskisullu oqaatsitigut allakkatigullu attaveqaqatigiinnermut siammarterinermullu tunngasunik piginnaasaqarluarneq siunnersuillaqqissorlu
  • Eqimattani sullarissoq nammineersinnaasorlu aamma ulapaarfiit naalaani
  • Suleqatinut akuerinnittuuneq.


*Naalakkersuisut Danmarkimilu naalakkersuisut oktober 2019-imi isumaqatigiipput Kalaallit Nunaanni meeqqat inuusuttullu pillugit suliniuteqartarnermut suleqatigiinneq nukittorsarneqassasoq tamannalu pillugu suliffeqarfiit akornanni ataatsimoorussamik suleqatigiiffimmik pilersitsisoqassasoq. Sulineq suliniutinut anguniagaqarfiusunut 16-inut innersuussutinik kinguneqarsimavoq, tassanilu inunnut inersimasunut meeqqanut kinguaassiuutitigut kanngutsaaliornermik pissusilersortartunut tapersersorneqarnissaq katsorsartinnissarlu pillugit neqerooruteqarnissaq ilaavoq.  Taamaammallu atorfik danskit kalaallillu suliassaqarfiit assigiinngitsut aqqutigalugit sulinerannik aallaaveqarpoq, aallaaviatigullu 2023-p naanissaanut killeqartinneqarluni, pisariaqarpallu sivitsuiffigineqarsinnaalluni
 

  • Siunnersuisinnaasoq siunersioqatigineqarsinnaasorlu



Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik suleriaatsiminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Akissarsiat atorfeqarnermullu atukkat
Suliniummi atorfeqarneq ukiunik pingasunik sivisussusuligaavoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu inissiamik pisatsersugaanngitsumik inissaqartitsisoqarsinnaavoq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Sulisumut inissiaq atorfinitsinneqarnermut ilaavoq, atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

Qinnuteqarneq
Atorfinikkusulluni qinnuteqaat tunngavilersugaq, CV-mik nutartikkamik ilanngussanillu imalik, ataani nassiussiffissamut nassiunneqassaaq. Qinnuteqartoq atorfinitsinneqartoq meeqqanik innarliisimannginnermut uppernarsaammik takutitsinissamik Inatsisartut inatsisaat naapertorlugu uppernarsaamik pissarsinissamik pisussaaffeqarpoq.                                                                                                                                   
Ulloq atorfiniffissaq: 15. Februar 2021 isumaqatigiissuteqarnerluunniit malillugu
Qinnuteqarfissaq ulloq kingulleq tassaavoq: 3. februar 2021

Paasissutissat allat
Atorfimmut tunngasunik allanik paasisaqarusukkuit saaffiginnissinnaavutit uunga
Ilinniartitaanermut Aqutsisoqarfimmi immikkoortortaqarfimmi pisortaq
Kaali Olsen
kaol@nanoq.gl
+299 346158
Kalaallit Nunaat Namminersorlutillu pillugit paasisaqarnerorusukkuit www.nanoq.gl –ip ataani Suliffik-mi atuarsinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk