Ilinniartitaanermut Aqutsisoqarfimmi Namminersorlutik oqartussat ataanniittumi pamersaanernut tunngasunut naatsersueqqissaarnernut nalilersuisarnernullu atuarfimmi siunnersortissarsiorpoq.  Atorfiniffissaq pisaaq 1. maj isumaqatigiissuteqarnikkulluunniit.
Siunnersorti Allaffissornermut, nakkutilliinermut naalakkersuinikkullu sullissinermut immikkoortortaqarfimmi atorfeqassaaq immikkoortortamilu pisortap ataani inissisimassalluni.

Siunnersortip suliassai
Suliassaqarfiit akimorlugit Ilinniartitaanermut Aqutsisoqarfimmi naatsersueqqissaarnikkut nalilersuinikkullu sulianik ingerlasunik suliaqarsinnaasumik pissarsiorpugut. Suliassat ilaatigut ukununnga tunngassapput: paasissutissanik pissarsiniarnerit, misissueqqissaarnernik paasissutissanillu siammarterinerit, naatsersueqqissaarnermi periaatsinik atorneqartunik inerisaanerit aamma atortitsineq, atuarfiit pisortaannik tapersersuinerit kiisalu nalunaarsuinermi atortut pillugit attaveqaqateqarnerit. Siunnersortip paasissutissat tunngavigalugit nalilersuisarneq siuarsaaqataaffigissavaa Ilinniartitaanermullu Naalakkersuisoqarfik paasissutissanik naatsersueqqissaarnernillu naalakkersuinikkut sulinermi pisarialinnik sullittassallugu.

Atuarfimmi siunnersortip suliassai aamma makkuussaput:

• Atuarfiit nalunaarutigisartagaannik pitsanngorsaaneq, inerisaaneq aamma ataqatigiissarineq.
• Ilinniartitaanermut Aqutsisoqarfiup paasissutissatigut upalungaarsimaneranik susassaqqartut peqatigalugit - ilaatigut Ilinniartitaanermut Naalakkersuisoqarfik, kommunit Kalaallillu Nunaanni Naatsersueqqissaartarfik - pitsanngorsaaneq.
• Ilinniartitaanermut Aqutsisoqarfiup paasissutssanik pisarialinnik susassaqartunut ingerlatitseqqiisarneranik pitsanngorsaaneq.
• Ilinniartitaanermut Aqutsisoqarfimmi ineriartortitsitsilluni suliniutini suleqatinut paasissutissanik naatsersueqqissaarnernillu suliaqarnerni tapersersuineq siunnersuinerlu.

Ilinnit ilimagisagut:

• Naleqquttumik ilinniagaqarsimanissaq.
• Kalaallit Nunaanni atuarfeqarfimmut ilinniartitaanikkullu aaqqissuussaanernut ilisimasaqarluarneq.
• Atuarfiit aqunneqarnerinik ilisamasaqarluarneq.
• Naatsersueqqissaarnermi atortunik misilittagaqarneq.
• Atuarfimmi aqutsinermi atortunik ilisimasaqarneq – piumasaqaataanngilarli ilinniartitsineq pisinnaammat.
• Oqaatsitigut - allattarissatigut oqaluttarissatigullu pisinnaasaqarluarneq.
• Suleqatikkuminartuuneq namminersorlunilu sulisinnaassuseqarneq.

Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik suleriaatsiminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai meeqqat atuarfiat, efterskolit aamma højskolit. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.
Akissarsiat atorfeqarnermilu atukkat
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat, IMAK-ip, akornanni isumaqatigiissut atuuttoq  malillugu atorfinitsitsisoqassaaq.

Qinnuteqaateqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.

Akissarsiat atorfeqarnermilu atukkat, taassuma iluani atorfininnermi soraarnermilu angalasinnaanermut pigisallu nuunnissaannut piginnaatitaanerit, atorfininnerup nalaani Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut naapertorlugu aalajangerneqassapput.

Ineqarneq
Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermi inissaqartitaanera atuutiinnassaaq. Atorfeqarnermi inigisaq atorfimmut pituttorsimavoq, atorfeqarnerullu naanerani qimanneqassalluni.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk