Skip to main content
142

Dette jobopslag er udløbet

Ilinniartitaanermut Aqutsisoqarfik marlunnik atuarfimmut siunnersortissarsiorpoq

Ilinniartitaanermut Aqutsisoqarfimmi atuarfimmut siunnersortinik marlunnik pissarsiorpoq, immikkut pinngortitalerinermut tunngasunik, (matematik pinngortitalerinerlu) aamma inuiaqatigiilerinermut oqaluttuarisaanermullu tunngasunik imaluunniit tapertariissillugit ilisimasalimmik piaartumik isumaqatigiinnikkulluunniit inuttassarsiorneqarpoq.

Atorfik ukiunik pingasunik sivisussuseqarpoq sivitsoqqissinnaallunili.
Atorfik perorsaanermut tunngasut pillugit immikkoortortami inissisimavoq pisortap ataaniilluni.
 
Atuarfimmut siunnersortip suliassaasa ilagissavaat
Peqataaffigissallugit:

  • Atuartitsissutini IT-mik atuinermik pitsanngorsaaqataassasoq ineriartortitseqataassasorlu
  • Atuartitsissutini teknologi oqaatsinillu atorlugit ineriartortitseqataassasoq
  • Ilinniartitsisunik, atuarfinnik kommuninillu siunnersuineq ilitsersuinerlu
  • Isumasioqatigiissitsineq pikkorissaanerlu
  • Ilinniusianik inerisaanermi nalilersuinermilu peqataaneq
  • Misilitsinnerni atortussanik suliaqarneq
  • Allakkiorneq, akissuteqarneq, nalunaarusioneq il.il.
  • Aaliangersimasunik qulequtsikkanik allanik peqateqarluni suliaqarnermi peqataaneq – atuarfimmut siunnersortit allat immikkoortortaqarfiillu suleqatigalugit kiisalu suliffiup avataaneersut suleqatit.
      

Ilinnut tunngasoq
Qinnuteqartoq piukkunnartoq: 

  • Ilinniartitsisutut pineqartuni ilinniarsimasoq, aamma pitsaassaaq atuartitsissutit iluanni master/kandidatgradilik imaluunniit master/kandidatgradimut ilinniartoq
  • Atuartitsissutini atuartitsinermut atuartitseriaatsinillu ilisimasalik
  • Kalaallit Nunaanni meeqqat atuarfiannik kultureqarnermut inuiaqatigiinnullu sukumiisumik ilisimasalik
  • Suliaqarfinni assigiinngitsuni atortorissaarutinik digitaliusunik atuinissamut eqarisaqanngitsoq
  • Pædagogikkip atuartitsinerullu iluini assigiinngitsunik nutaarsiassanik ilisimaarinnilluartoq
  • Allannermi oqalunnermilu ersarissuliorsinnaasoq
  • Tulleriiaarisinnaasoq, akisussaassuseqartoq aaqqiissuteqarsinnaassuseqartorlu
  • Eqeersimaartoq namminersorlunilu sulisinnaassusilik kiisalu suleqatiginnissinnaassuseqartoq


Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.
 
Akissarsiat atorfeqarnermullu atukkat
Tunngaviusumik isumaqatigiissutaasut aallaavigalugit atorfinitsitsisoqassaaq. Qinnuteqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.
Akissarsiat atorfeqarnermullu atukkat, taassuma iluani aamma atorfininnermut soraarnermullu atatillugu angalasinnaanermut pisinnaatitaanerit, atorfininnerup nalaani isumaqatigiissutip Kalaallit Nunaanni Namminersortut kattuffillu isumaqatiginninniarsinnaatitaasup akornanni.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk