Skip to main content
114

Dette jobopslag er udløbet

Ilinniartitaanermut Aqutsisoqarfik atuarfinnut siunnersortissarsiorpoq

Ilinniartitaanermut Aqutsisoqarfik atuarfinnut siunnersortimik immikkut ilinniutinik suliaqarnissamut soqutiginnittumik misilittagalimmillu sapinngisamik piaartumik imaluunniit isumaqatigiissuteqarneq naapertorlugu atorfinittussamik sulisussarsiorpoq.
Atorfik Atuarfeqarfimmut Siammarterinermullu immikkoortortaqarfimmiippoq, immikkoortortaqarfimmilu pisortap ataani inissisimasuulluni. Siammaavik allannguinertalimmik ineriartortitsivoq aammalu nutaamik atortussianut platformitaarnikkut ilisimasanik isumassarsiassanillu nutaanik siammarterinermik ingerlataqarluni. Taamaattumik suleqatissarsiorpugut perorsaanermi pamersaanermilu ullutsinnut naleqquttunik ilisimasanik pilimmik, Meeqqat atuarfianni ilinniartitsisunik kajungilersitsinissamik piumassusilimmik.

Atuarfinnut siunnersortip ilaatigut makku suliarisassavai
• Paasisimasanik siammarterineq, kajumilersitsiniaaneq aammalu ilinniartitsisunik atuarfinnillu atuartitsineq atortorissaarutinillu atortoqarnernik aqqutissiuussineq
• Atuartitsinerit ingerlaasissaanik piareersaanerit, sammisassanik allattuinerit, videokkut ”spots”-inik suliaqarnerit aammalu Facebooki quppersakkallu aqqutigalugit saqqummiisarnerit
• Workshops-inik aaqqissuussinerit
• UV-atorlugu atortorissaarutissanik suliaqarnerit
• Atortussanik suliaasimasunik nalilersuinerit aammalu atukkiuttakkanik nakkutilliillunilu nutarsaanerit
• Atorniartartunik kiffartuussillunilu ilitsersuinerit
• Ilinniusianik atorniartunillu nalunaarsuinerit
• Suleqatigisartakkat peqatigalugit suleqataanerit – tamatumani atuarfinnut siunnersortit immikkoortortaqarfinnillu allanik avataaneersuunillu suleqateqartarnerit.

Illit pillutit
Qinnuteqaateqartoq piukkunnaateqarluartoq tassaassaaq
• Ilinniartitsisutut ilinniagalik aamma ilinniaqqissimaneq iluaqutaassaaq
• Meeqqat atuarfiini ilinniartitsisutut misilittagaqarluartoq
• Nunatsinni meeqqat atuarfiinik, kulturimik inuiaqatigiinnillu ilisimaarinnilluartuusoq
• Perorsaanerup ilinniartitsisarnerullu iluani nutaaliornernut tunngatillugu paasisimasaqarluartuusoq
• Sapinngisamik kalaallisut danskisullu allattariarsornikkut oqaasitigullu piginnaaneqarluartuusoq
• Torersumik suleriaaseqartoq, akisussaassuseqarluartoq aaqqiissutissanillu ujartuillaqqittuusoq
• Piumassuseqarluartuusoq, nammineersinnaassuseqartoq taamatulli suleqatikkuminartuusoq
• Eqaatsumik nutaaliorusussuseqarlunilu ingerlaaseqartoq
• Suliniuteqallaqqittuullunilu kiffartuussillaqqissuussaaq

Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik. Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai meeqqat suli atualinngitsut, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Akissarsiat atorfeqarnermullu atukkat
Tunngaviusumik isumaqatigiissutaasut aallaavigalugit atorfinitsitsisoqassaaq. Qinnuteqaateqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq. Akissarsiat atorfeqarnermullu atukkat, taassuma iluani aamma atorfininnermut soraarnermullu atatillugu angalasinnaanermut pisinnaatitaanerit, atorfininnerup nalaani isumaqatigiissutip Kalaallit Nunaanni Namminersortut kattuffillu isumaqatiginninniarsinnaatitaasup akornanni. Atorfik IMAK-imut isumaqatigiissutaasimasut naapertorlugit løntrin 39-mi inissisimasuuvoq.

Ineqarneq
Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarsimanermi inigisaq najuinnarneqarsinnaassaaq.

Paasissutissat allat Annertunerusumik paasisaqarusukkuit uunga saaffiginnissuteqarsinnaavutit: Ilinniartitaanermut Aqutsisoqarfimmi immikkoortortami pisortaq Lone Hindby, lohi@nanoq.gl, 346273 Qinnuteqaat Qinnuteqarnissamut killigititaq: 5. august 2021
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk