Skip to main content
130

Dette jobopslag er udløbet

Ilinniarnermi saniatigut ikiorteq, nukissiornermik imminullu pilersornermik soqutigisalik

Ulloq atorfiniffissaq: Isumaqatigiissuteqarnikkut piaarnerpaamik.

Kalaallit Nunaanni mingutsitsinngitsunut allannguinissaq soqutigisaraajuk? Aamma suliassat, ilaatigut inuussutissaqarnermi ataavartunik nukissiornerup imminullu pilersornerup ineriartortinneqarnerinik attuumassutilinnik suliaqarnissaq kajungeraajuk?

Suliassatit

  • 2020-mi oktobari tikillugu Nuummi ataatsimeersuarnissamut, imaani inuussutissarsiornermi mingutsitsinngitsunut allannguinissamut tunngasumut pilersaarusiornermut ingerlatsinissamullu atatillugu suliassanut assigiinngitsunut ikiuutissaatit.
  • Ataatsimeersuarnerup kingorna Nukissiutinut Immikkoortortaqarfimmi aamma Imminut Pilersornermut Immikkoortortaqarfimmi suliassaqarfinnut marluusunut atatillugu suliassani suleqatitit ikiussavatit soorlu imminut pilersornermut immikkoortortaqarfimmi tapiissuteqartoqarnissaanik qinnuteqaatinik suliaqarnermi, Nukissiornermut suliassaqarfimmut atatillugu paasissutissanik ujarlernermi nittartakkanillu nutarternermi, allakkianik ilanngussassanik suliaqarnermi, ataatsimiinnissanut inniminniisarnermi, assersuutigalugu naalakkersuinikkut aalajangiinissamut il.il. najoqqutassanik katersuinermi ikiuunnermi.


Piginnaaneqarfiit

  • Ilinniakkamik suliassanut attuumassutilimmik ingerlatsivutit, soorlu Inuiaqatigiilerinermut imaluunniit Inuussutissarsiornermi Aningaasaqarnermut tunngasumik.
  • Microsoft Excel atorlugu sulinissamik kajumissuseqarputit.
  • Sulilluarsinnaavutit aallussillaqqillutillu. Suliavit naammassinissaat akisussaaffigisarpat, killiffinnillu nalunaaruteqartarneq pikkoriffigaat, aammalu pisariaqartitsinermi ikiortissarsorsinnaavutit.
  • Peqqissaarussisuuvutit suliavillu pitsaanerpaamik naammassinissaat kissaatigisarlugu – aammalu piffissaliussap iluani naammassisarpatit.
  • Suliannut isummertarnerit pitsaasuuvoq.
  • Kalaallisut, danskisut tuluttullu oqaatsinut – allattariarsornermi oqalunnermilu – piginnaaneqarluaruit iluaqutaassaaq.


Suut neqeroorutigisinnaavagut:

  • Immikkoortortaqarfinni assigiinngitsuni marluusuni suliassanik isumagisaqassaatit: Nukissiornermut aamma imminut pilersornermut suliassaqarfimmi. Qanoq ilinerani immikkoortortaqarfinni ataasiakkaani piffissamik atuissanersutit, aammalu qanoq iliorluni piffissap atugassavit tamarmiusup tulleriaarneqarnissaa pillugu ersarissunik isumaqatigiissuteqassaagut.
  • Pingaartorsiorfiunngitsunik pissuseqarpugut, suliassat isumagissaarluta suliarisarpagut aammalu suliassat naammassinissaannut ikioqatigiinneq piginnaaneqarfigilluarparput.
  • Sulinerput nuannersutut misigisimavarput aammalu sulianut ilisimasagut ilinnut ingerlateqqikkusuppagut.

Kikkuuvugut?
Naalakkersuisoqarfimmi sulisut 45-t missaanniipput, immikkoortortaqarfinnut sisamanut agguarsimasut (Kiffartuussinermut, Aningaasaqarnermut Sulisoqarnermullu Immikkoortortaqarfik, Pinngortitamut aamma Imminut Pilersornermut Immikkoortortaqarfik, Avatangiisinut Upalungaarsimanermullu Immikkoortortaqarfik aamma Nunalerinermut, Nukissiutinut Silallu Pissusianut Immikkoortortaqarfik), kiisalu aamma Aatsitassaqarnermi Avatangiisinut Immikkoortortaqarfik. Pinngortitaleriffik (Grønlands Naturinstitut), Asiaq, Nukissiorfiit aamma KNI Naalakkersuisoqarfimmut immikkoortortaqarfiupput.

Suliffeqarfimmi nuannersunik suleqateqarfiusumi, pingaartorsiorfiunngitsunik pissuseqarfiusumi aammalu toqqissisimanissamik ineriartortitsinissamillu pingaartitsiviusumi suleqataalissaatit. Ulluinnarni Naalakkersuisoqarfimmi naleqartitatut tunngavissat ataatsimoorussat aallaavigalugit sulivugut, taakkununngalu tunngaviupput:

  • Sullissilluarneq
  • Suleqatigiinneq
  • Ilakkuminartuuneq kiffartuussinissamillu pingaartitsineq
  • Sulianik pingaartitsineq


Amerlanerusunik paasisaqarusuppit?
Atorfik pillugu paasissutissanik amerlanerusunik immikkoortortaqarfimmi pisortaq Mettelise Fritz Hansen, oqarasuaat +299 34 52 57-imut, e-mail: mtha@nanoq.gl saaffigalugu pissarsisoqarsinnaavoq.

Nalunaaquttap akunneri
Sapaatit akunnerannut agguaqatigiissillugu nalunaaquttap akunnerini 20-ni sulisassaatit. Ilinnianngiffeqarninni nalunaaquttap akunnerisa amerlanerunissaat pisariaqartinneqarsinnaavoq.

Qinnuteqaat
Qinnuteqaat, CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput.

Qinnuteqarnissamut killigititaq: 15. juuli 2022
Atorfinitsitsinissamut oqaloqateqarnerit atorfinitsitsinerillu ingerlaavartumik pisinnaapput.

Naalakkersuisut pillugit
Unammilligassanik ujartuiguit aammalu sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.

Annertuumik akisussaassuseqarnissat aammalu suliatigut piginnaaneqarnissamik pingaartitsinissat, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnaat ilusilersornissaannut piginnaaneqarnissat sulianillu paasisimaarinnittuunissat pingaartipparput.

Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffissuup Naalakkersuisut politikkikkut aalajangiinissamut tunngavissaqarluarnissaannik, kiisalu politikkikkut aalajangiinerit piviusunngortinneqarnissaannik qulakkeerinissaq suliassaraa.

Namminersorlutik Oqartussat pillugit annertunerusumik atugaqarsinnaavutit, uani: http://www.naalakkersuisut.gl/job
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk