Savaatilinngorniat Ilinniarfianut aqutsisumik pissarsiornitsinni nunaatilimmik pikkorissumik aqutsinermik misilittagalimmik pissarsiorpugut, nunaatilittut tigussaasumik suliassaasunut aamma nunaatilittut ingerlatsinermut aqutsinermut ajunngitsumik piginnaaneqassaaq. Ilinniarfiup aqutsisua ilinniartitaanerup inatsisai naapertorlugit sulisinnaavoq ilinniarfiullu ilikkariaatsit tungaatigut avatangiisissai toqqissimanartut pilersissallugit, suliassatullu pingaarnerpaatut savaatilinngorniat ilinniartitaanerat aamma tigussaasumik ilinniartitaanerat isumagissavai.

Suliassat makkua suliarisalissavatit:

• Atuartitsinermut atortussianik piareersaaneq savaatilinngornianillu atuartitsineq, ilinniartitaanermi fagini tamani.
• Ilinniartut nersutaasivimmi, narsaatini aamma sullivimmi nunaatilittut sulinermi tigussaasumik ilinniartissallugit.
• Savaatilinngorniat Island´imi, Norge´mi Danmark´imilu praktik´ertitaanissaannut aaqqissuilluni suleqatigiinnermut peqataalissalluni.
• Ilinniartut fagimut ineriartornerini ulluinnarni ingerlaavartumik nalilersortuassallugit, kiisalu fagini misilitsitsinermut, allattariarsornermut oqaluttariarsornermullu.
• Savaatilinngorniat ilinniartitaanerisa aaqqissugaaneranut akisussaasoq, tamatumani ilanngullugu misilitsinnissat soraarummeertarnissallu kiisalu ilinniartitaanermut allagartaliussinermut.
• Inuili – Food College Greenland´ip pisortai peqatigalugit suleqatigalugillu Savaatilinngorniat Ilinniarfiata ingerlatsinera ineriartorneralu peqataassalluni. 
• Studievejledning aamma ilinniartitsisoqatigiit Inuili – Food College Greenland-mi suleqatigissallugit, ilinniartut ilinniartitaanermut pilersaarutaannut aamma inuttut naliginnaasumik kiisalu tamanut ilisimasariaqartunik ilinniagaqarsimanermut tunngasutigut ineriartornermut naleqqiullugu.
• Ilinniarfiup aqutsisuattut aalajangeeqataasinnaanani Kalaallit Nunaanni Nunalerinermik Siunnersorteqarfianut ilaasortaassaaq peqataaffigissallugulu.
• Ilinniarfiup aqutsisuattut qulaaniit isigalugu Ilinniarfimmut akisussaavoq, tassunga ilanngullugu aamma sulisunut akisussaalluni, ulluinnarnilu Ilinniarfiup sulisuinut aqutsisuulluni, tamatumani suleqataasa suliassaannik pilersaarusiortuulluni.

• Ulluinnarni uumasuuteqarnermut narsaateqarnermullu akisussaavoq ingerlatsinermut aqutsisoq qanimut suleqatigalugu.
• Illuutit maskinallu aserfallatsaalinissaat akisussaaffigalugu aamma atortussanik nutaanik pisiortuinermi akisussaalluni.
• Upernaviarsummi Siunnersorteqarfiup naatsiivilerisua ulluinnarni suleqatiginissaa.
• Savaatilinngorniat Ilinniarfiat illoqarfimmiit ungaseqaaq. Tamanna pissutigalugu Savaatilinngorniat Ilinniarfiani aqutsisoq ajornartorsiutinik aaqqissuillaqqissuusariaqarpoq inuttullu akisussaaffimminik tigusillaqqittuusariaqarluni, taamaalilluni suliassatut pilersaarutaareersut kiisalu suliassatut takkuteriataartartut atuartitsinermi nunalerillunilu tigussaasumik suliaqarnermi piareersimaffigalugillu sapissanngilai. 

Akissarsianut atorfininnermullu tunngasut 
Kissaatigaarput oktoberimi  2023 sulilissasutit imaluunniit isumaqatigiissuteqarnikkut. Oqaloqatigiinnerit ingerlaavartumik ingerlanneqassapput qilanaarpugullu qinnuteqaatit kingusinnerpaamik septemberip arfernani 2023 tigoreersimassallugu.
Atorfimmut apeqqutissaqassaguit, tikilluaqquneqarputit Inuilip pisortaa Poul N. Christensen uunga allaffigissallugu: poch@inuili.gl imaluunniit oqarasuaammut 661313 sianerfigalugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk