Aaqqissuussaanermik pingaartitsisuuit aamma meeqqanut inuusuttunullu suliassaqarfimmi qaffasissumik sullissisinnaavit? Illit inuttut inunnik allanik suleqateqarnerni ilitsersuussisartuullutillu tapersersuisartuuit? Kalaallit Nunaat tamakkerlugu kommunit sulianik suliaqartartuisa piginnaasaannik ineriartortitsinikkut allanngueqataallutit suleqatigiit ilaattut sulerusuppit? Taamaappat immaqa tassaavutit Suligasuartartuni Isumaginninnermut Aqutsisoqarfimmiittumi suleqatitaassarput.

Suligasuartartup suliassaat pingaarnerit tassaapput sanileralugu ilitsersuussineq, aamma meeqqat inuusutullu pillugit suliaqarfimmi sulianut aalajangersimasunut tunngatillugu aqqutissiuussineq.
Kommunini sanileralugu ilitsersorneqarnissaq pinasuartumik pisariaqartinneqalersillugu ikiuuttartussamik aamma inatsisit naapertorneqarniassammata meeqqap ilaqutaasalu piginnaatitaaffii nukittorserneqarniassammata meeqqanik sakkortuumik sumiginnaasoqartillugu suliat pitsaanerusumik suliarineqartarnissaat siunertaralugu aqqutissiuussisartussamik suleqatissarsiorpugut
Suligasuartartut kommunip sulisui sanileralugit sulianik ingerlatsineranni tapersersortartussaavaat, aamma oqartussanut ilitsersuutip, nalunaarsuiviit paasissutissanullu immersugassat qanoq atorneqartarneri pillugit sulianik ilisimasalittut ilitsersuussisartussaallutik.
Isumaginninnermut Aqutsisoqarfiup nuna tamakkerlugu sanileralugu ilitsersuussinissaq neqeroorutigaa taamaattumillu angalangaatsiartarnissaq naatsorsuutigineqassaaq. Angalanissat sapinngisamik siusinaartumik pilersaarusiorneqartarput, pisulli ilaanni angalanissat sivikitsumik piffissaliilluni nalunaarutigineqartarnissaat pisariaqartinneqartassaaq.
Systemip nutaap ESDH-ip atuutilersinneqarnerani Isumaginninnermut Aqutsisoqarfiup isumaginnittoqarfinni sulisut tapersersortussaavai, ilutigalugu siunissami kommunit systemi atorlugu sulianik suliarinnittalertussaapput, taamaattumik systemi Suligasuartartut suliaqarfiisa iluaniilertussaavoq. Taamaattumik illit IT-imik atuisinnaalluarnerit iluaqutaassaaq, aamma Get Organizedimik ilisimasaqaruit iluaqutaassaaq, taamaanngippat soorunami peqqissaarussamik ilinniartinneqarumaarputit.

Ilinnut tunngasut
Inuk sulianut pikkorissoq, meeqqat inuusuttullu suliassartaannik suliaqarnermik annertuumik misilittagalik pissarsiariniarsaraarput, aamma immaqa misilittagarisimasaminik ilitsersuussinermik misilittagaqareersoq, assersuutigalugu sulisusnik nutaanik ilitsersuussinermut atatillugu.
Taakkua saniatigut atuisutut IT-imik atuilluarsinnaanerit pingaartinneqassaaq.
Takorloorparput tassaasutit inuk ammasoq, eqinnaatsumik suliassanik assigiinngiiaartorpassuarnik suliarinnissinnaasoq, namminersorluni sulisinnaasoq, suliat immikkuualuttortaannut tappissoq, aammattaaq pingaartipparput suleqatinnut avitseqatigissinnaanissat, aamma suliffimmi pinasuartumik ikiorneqarnissamik pisariaqartitsiffiulertartumi sulisinnaanissat.

Suliassatit ilaatigut makkuussapput:

• meeqqanik inuusuttunillu sumiginnagaasimasunut aamma/imaluunniit kinguaassiuutitigut atornerlunneqarsimasunut sullissisunut attuumassutilinnut kommuninullu tunngatillugu suliani aalajangersimasuni siunnersuisarnissaq ilitsersuisarnissarlu
• sanileralugit ilitsersuussisarnissaq sulianillu suliarinnittartunik ikiuisarnissaq
• Isumaginninnermut Aqutsisoqarfimmi suliffiup iluani avataanilu suliassaqarfinni assigiinngitsuni suliaqarnernut peqataasarnissaq
• immikkoortortaq suleqatigalugu isumaginninnermi sulianut tunngasutigut ilisimasanik, periutsinik suliniutinillu ataavartumik ingerlatitseqqiisoqartarnissaanik nutarterisarnissaq qulakkeerinnittarnissarlu
• suliareqquneqartut nukinginnartut, assersuutigalugu ajornartoornermi upalungaarsimasunut peqataaneq, ineriartortitsinermi suliniutinut atatillugu suleqatigiissitami peqataaneq

Naatsorsuutigaarput illit tassaasutit:

• isumaginninnermi siunnersortitut ilinniarsimasoq
• meeqqanik inuusuttunillu sulissinermik misilittagalik; matumani isumaginninnermi sulianik misissuinermik aamma iliuusissatut pilersaarusiornermik misilittagalik
• IT-imik atuilluarsinnaasoq
• meeqqanik tapersersuinermut inatsimmik ilisimasaqarluartoq paasinnilluarsimasorlu
• suliassaqarfiit assigiinngitsut suleqatigiinneriniit misilittagaqarluartoq
• suleqatikkuminartoq ataqatigiissaarillaqqissorlu
• inoqatinnut akuersaartumik nukissallu qitiutillugit isummersuisinnaasoq
• atassuteqartarnernik pilersitsinissamut pitsaasunik piginnaasalik
• aaqqissuulluakkamik ilusilersugaasumillu sulisartoq aaqqiissutissarsiortartorlu
• Ilinniartitsillaqqissoq
• marluinnik kalaallisut danskisullu oqaasilik

Uagut neqeroorutigaavut:

• aqutsisoqarfimmi kommuninilu tamatigoortunik pissanganartorpassuarnik assigiinngisitaartunik suliaqarfiusumi illit piginnaasatit pingaartippavut atorfissaqartillugillu
• meeqqanut inuusuttunullu suliniummik nukittorsaanissamut periarfissaq
• suliassaqarfiup qanimut malinnaavigineqaqisup kivitseqataaviginissaanut sunniuteqarsinnaaneq
• suliffeqarfik ilisimasaqarluartunik, oqaloqatigiilluni isumasioqatigiinnermik pingaartitaqarfigisarput pitsanngoriartuinnavinnissarpullu anguniarlugu immitsinnut ikioqatigiittarpugut
• aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq
• Suleqatit pitsaasut suleqatigiilluarnissamik pingaartitsisut - aamma ulapaarfimmi
• persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq,
• sulillutit angalanissamut periarfissaq aamma nunarput tamakkerlugu misigisaqarfigissallugu periarfissaq

Uagut pilluta

Suligasuartitat Isumaginninnermut Aqutsisoqarfimmi Sullissisunut Siunnersuisarfimmut ilaapput. Sullissisunut Siunnersuisarfik Kalaallit Nunaanni kommunini meeqqat inuusuttullu suliasartaannik suliaqartartut tapersersorneqarnissaannik suliaqartartuupput. Neqeroorutigaavut piginnaasanik inerisaanerit, pikkorissaanerit aamma sanileralugu ilitsersuinerit, kiisalu kommunini suliani aalajangersimasuni siunnersuineq ilitsersuussinerlu.
Immikkoortortaqarfik makkunannga immikkoortortaqarpoq, Suligasuartitat, Sullissisunik siunnersuisarfik, AC-it/suliniutit kiisalu sulianik aqutsisoq aamma immikkoortortaqarfimmi aqutsisoq.

Meeqqanut, Inuusuttunut Ilaqutariinnullu naalakkersuisoqarfiup ataani Isumaginninnermut Aqutsisoqarfik arfineq-pingasunik makkunannga immikkoortortaqarpoq: Paarisa, Aningaasaqarnermut immikkoortortaq, Meeqqanik inuusuttunillu ulloq unnuarlu paaqqinniffiit aamma inissititerinermut immikkoortortaq, Innarluutilinnik sullissivik, Sullissisunut siunnersuisarfik, Innuttaasunut immikkoortortaqarfik, Meeqqat Ineriartornerannut Immikkoortortaqarfik aamma Allattoqarfik, atorfik allattoqarfimmut atasuulluni.

Ulloq atorfiniffissaq 1. juli 2023 imaluunniit
isumaqatigiissuteqarnikkut atorfinittussamik pissarsiorpugut.

Qinnuteqarnissamut killigititaq 26. Juuni 2023 kl. 12.00.
Atorfinitsitsiniarnermi oqaloqatiginninnerit tamatuma kinguninngua pissasut ilimagineqarpoq.
 

Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalanissamut aamma pisattat nuunnerinut akiliunneqarnissamut piginnaatitaaneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Aallaavittut sapaatip akunneranut akunnerni 40-ni sulisarnissaq.

Inissiaq
Atorfimmut tunngatillugu sulisunut inissiamik innersuussisoqarsinnaavoq. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussanilluunniit pigineqartunik ineqartut inissaannik innersuussisoqarsinnaanngilaq.
Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Sulisunut inissiaq atorfimmut atatinneqartoq, Namminersorlutik Oqartussat nalinginnaasumik inissiaataannut ilaatinneqanngilaq aamma atorfimmit soraarnermi kingusinnerpaamillu atorfeqarnerup naanerani ini qimanneqassaaq.

Paasissutissat sukumiinerusut
Atorfik pillugu paasissutissat sukumiinerusut pisariaqartikkukkit Immikkoortortaqarfimmi pisortaq Stina Sværd attaveqarfigisinnaavat oqarasuaammut uunga: +299 34 60 70 imaluunniit mailikkut stin@nanoq.gl-ikkut imaluunniit  Isumaginninnermut siunnersortit aqutsisuat, Nukannguaq Reimer Storch oqarasuaat 34 60 13 imaluunniit e-mailikkut  nurs@nanoq.gl attaveqarfigisinnaavatit.

Qinnuteqaatit, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat "qinnuteqaat nassiuguk" toorlugu nassiutikkit.
Mail aqqutigalugu qinnuteqaatinik tigusineq ajorpugut.

Naalakkersuisut pillugit
Unammilligassarsiorpit sulinerillui aqqutigalugu ulluinnarisaq sunniuteqarfigerusuppiuk siunissarlu ilusilersueqataaffigalugu, taava Kalaallit Nunaanni Namminersorlutik Oqartussani suliffittaarnissaq ilinnut tulluartuuvoq.
Sulisut annertuumik akisussaaffeqarlutik sulisarnissaat naatsorsuutigaarput, sulinikkut piginnaasat pingaartillutigit, peqqinnartumillu misissueqqissaartarnissaat naleqqussarsinnaanissaallu pingaartillutigit. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-rujut sinneqartugut Namminersorlutik Oqartussanut attuumassuteqartuuvugut. Naalakkersuisut aalajangernissaannut tutsuiginartumik tunngavissinnissaat qulakkiissallugu kiisalu politikkikkut aalajangikkat piviusunngortinnissaat Qitiusumik Allattoqarfiup suliassaraa.

Qinnuteqaat nassiuguk