Igasunngorniat ilinniartitaanerannut fagimik ilinniartitsisumik pissarsiorpugut

Igasunngorniat ilinniartitaanerannut fagimik ilinniartitsuat pikkorissoq unammilligassaminik nutaanik ujarlerniarluni aalajangersimavoq. Tamanna pissutigalugu Inuili – Food College Greenland Igasunngorniat ilinniartitaanerannut fagimik ilinniartitsisumik nutaamik pikkorissumik pissarsiorpoq.

Illit pillutit

• Igasutut ilinniareerputit ukiunilu tallimani inuussutissarsiutigalugu misilittagaqarputit neriniartarfimmi – A la carte´ikkut aamma qaaqqusaaqatigiit
• Igasutut fagimut soqutigisaqarluinnarputit fagilu takutikkusullugu
• Nunatta igasuinik ilinniartitseqataaniarputit
• Suleqatiginnissinnaavutit aamma systemit malillugit sulisinnaavutit
• Sulininni namminersullaqqipputit aamma akisussaaffimmik tigusisinnaavutit
• Nuannaartuuvutit, nutaaliullaqqillutit aamma allat isumassarsiffigisinnaavaatsit.

Uagut pilluta

• Uagut tassaavugut Nunatta Food College´a ilinniartullu ilinniartitaanerni makkunani suliarisarpavut : FishTech – Industrioperatør, Iffiortoq, Inuussutissalerisutut ikiorti aamma assistent´i, Gastronomassistenti, igasoq, receptionist aamma saqisoq
• Tatiginninneq, ataqqinninneq aamma suleqatigiinneq pitsaasoq suliaraarput
• Naligiilluta naapittarpugut
• Sulinermik avatangiisit nuannersut toqqissisimanartullu pigivagut, tamattalu ajunnginnerpaamik tunniussinissarput naatsorsuutigivarput

Kissaatigaarput atorfinni aallartissasutit oktober 2023 imaluunniit isumaqatigiissuteqarnikkut. Qinnuteqartunik ingerlaavartumik oqaloqatiginnissaagut qinnuteqaatillu tigunissaa qilaanaarivarput. 

Atorfimmut apeqqutissaqaruit, tikilluaqquneqarputit Ilinniarfiup Pisortaanut Poul N. Christensen´mut allassallutit uunga: poch@inuili.gl Ilinniartitaanermut pisortamut Jacob Hansen jaze@inuili.glimaluunniit oqarasuaatikkut sianerlutit 661313-mut

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk