Skip to main content
132

Dette jobopslag er udløbet

HR-mi Siunnersorti

HR-imi siunnersorti pitsaasumik atassuteqarnermut soqutigisaqartoq

  • Immikkoortumi soqutiginartumi piginnaasanik aaqqissuussaanermilu ineriartorfiusumi sulerusuppit?
  • Namminersorlutik Oqartussat Qitiusumik Allattoqarfianni, inuttut suliatigullu assigiinngitsorpassuarnik tunuliaqutaqartunik sulisunik pitsaasunik naapitserusuppit?
  • Siunissami sulisussatsinnik pikkorissunik ujaaseqataarusuppit aamma Kalaallit Nunaanni aqutsisussanik pilersitseqataarusuppit?

Qulaani taaneqartut suliarerusukkukkit, qinnuteqaativit tigunissaa qilanaaraarput.
Namminersorlutik Oqartussat Qitiusumik Allattoqarfia suliffiuvoq pissanganartoq assigiinngisitaartorlu. Suliffeqarfik naalakkersuisoqarfinnik kiisalu aqutsisoqarfinnik taakku ataanniittunik arlalinnik immikkut suliaqarfiusunik imaqarpoq.
HR Ineriartortitsineq aaqqissuussaanermi Aningaasaqarnermut Sulisoqarnermullu Aqutsisoqarfimmi inissisimavoq, Qitiusumillu Allattoqarfimmi tamarmi piginnaasanik ineriartortitsinermik, atorfinitsitsinermik atugarissaarnermillu suliaqarpugut. Nuummi suleqatitaatillu 6-it sulissaatit, tassani HRU-mi suleqatigiinnut ilaasutut immikkoortup HR-imi suliassaqarfimmi anguniagai pillugit suliaqassallutik, taamaasillutillu naalakkersuisoqarfiit aqutsisoqarfiillu assigiinngitsut suleqatigalugit Namminersorlutik Oqartussat anguniagai piviusunngortitseqataaffigissavatit.

Pingaarnertut suliassatit:

  • HR-imi najoqqutassianik ineriartortitsineq
  • HR-imi ineriartortitsinermik suliaqarnernik nittarsaassineq
  • Namminersorlutik Oqartussat Qitiusumik Allattoqarfianni piginnaasanik aaqqissuussaanermillu ineriartortitsinermi peqataaneq
  • Suliffimmi atatitsiinnarneq atorfinitsitsinerlu
  • Namminersorlutik Oqartussat Qitiusumik Allattoqarfianni ilinniartut pillugit suliaqarfimmi akisuussaasuuneq ineriartortitsinerlu
  • Kalaallit Nunaanni suliffinnik nittarsaassinermi suliniummi aqutsisoq


Piginnaasatit:

  • Ilinniagaq tulluartoq
  • HR-imi ineriartortitsinermik suliassanik aaqqissuulluakkamik suliaqarsinnaaneq
  • Immikkoortortami HR-mi ineriartortitsinermi misilittagaqarneq imaluunniit paasisimasaqarneq
  • Atorfinitsitsinermik atorfimmilu atatitsiinnarnissamik suliaqarnermik misilittagaqarneq
  • Allannikkut oqalunnikkullu paasissutissiilluarsinnaaneq
  • Siunissamut pilersaarusiorsinnaaneq aaqqissuulluakkamillu suliaqarsinnaaneq
  • IT-mi atortorissaarutinut nutaanut ilikkartikkuminartuuneq

Kalaallit kulturiannut oqaasiinullu, kiisalu Qitiusumik Allattoqarfimmi suliffimmi misilittagaqarneq iluaqutaassapput.

Inuttut piginnaasatit:

  • Aalaakkaasoq sullisserusuttorlu
  • inussiarnersoq
  • akisussaassuseqartoq
  • eqeersimaartoq
  • sungiussiasooq ataatsimullu isiginnissinnaasoq
  • sunniuteqarluartumik suleqataasinnaasoq


Atorfininnissaq
HR-imi siunnersortit 1. juni 2019-imi imaluunniit isumaqatigiissuteqarnikkut atorfinitsinneqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfimmut qinnuteqaammi piginnaasat uppernarsarneqarsinnaappata, atorfik Immikkut ittumik siunnersortitut neqeroorutigineqarsinnaavoq

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarnissamut killigititaq
Qinnuteqaat CV-mik kiisalu ilinniarsimanermut uppernarsaatinik ilaqartoq ataani linki atorlugu kingusinnerpaamik 24. april 2019 nal. 12.00 nassiunneqassapput. E-mailikkut qinnuteqaatit tiguneq ajorpagut. E-mailikkut qinnuteqaatinik tigusineq ajorpugut.

Sapaatip akunnera 17-imi atorfininnissamut oqaloqatigiinnerit ingerlanneqassapput. Qinnuteqartut toqqarneqartut atorfininnissamut oqaloqatigiinnissaq sioqqullugu, misiliutaasumik misissorneqassapput.

Apeqqutit qinnuteqarnerlu
Atorfik pillugu apeqqutissaqaruit, allaffimmi pisortaq attaviginissaanut tikilluaqqusaavutit: Malene Jensen mailimut maje@nanoq.gl imaluunniit tlf. +299 345000.

Aningaasaqarnermut Sulisoqarnermullu Aqutsisoqarfik pillugu 
Aningaasaqarnermut Sulisoqarnermullu Aqutsisoqarfik, ulluinnarni ASA-mik taaneqartartoq, Namminersorlutik Oqartussanut ataatsimut sullissiviuvoq. ASA ilaatigut Namminersorlutik Oqartussat naatsorsuutaannut, pisiortortarnerannut, isumaqatigiissusiortarnerannut, akissarsiatigut sulisoqarnikkullu pissutsinut, HR-imi ineriartortitsinermut, nutserisoqarnermut kiisalu illuutinik ingerlatsinermut aserfallatsaaliinermullu akisussaasuuvoq.

ASA-p tunngavigaa “ASA pisortani oqartussaasuuvoq tatiginartoq ersarissorlu. Immikkoortortat, suliffeqarfiit innuttaasullu suleqatigineranni ineriartortitsinermik ASA suliaqarpoq.” Tamanna isumaqarpoq qitiusumik suliassanut tamanut ASA ersarissunik anguniagaqartoq, ASA-p piginnaasanik ineriartortitsineq pingaarnerutikkaa kiisalu ASA-p pisortani ingerlataqarfimmi pisariillisaasuusoq.

ASA-p pingaartitai 3-t tassaapput:

  • Akisussaassuseq – Iliuutsigut, suliagut sullitagullu akisussaaffeqarfigaagut
  • Suleqatigiinneq – Suleqatigut peqatigialugit pitsaasumik suleqatigiippugut
  • Isumassuineq – Ikioqatigiilluartarpugut immitsinnullu paaraluta

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk