Immikkoortumi soqutiginartumi suliassaqarfiit akimorlugit aqutsinernik, piginnaasanik aaqqissuussaanermilu ineriartorfiusumi sulerusuppit?
Namminersorlutik Oqartussat Qitiusumik Allattoqarfianni, inuttut suliatigullu assigiinngitsorpassuarnik tunuliaqutaqartunik sulisunik pikkorissunik naapitserusuppit? Sulisunik pikkorissaaneq sulisunullu sammisunik suliaqarneq soqutigisaraajuk? Taamaappat qilanaaraarput qinnuteqaativit tigunissaa.
Sulisunik Ineriartortitsivik HR Naalakkersuisut Siulittaasuata Naalakkersuisoqarfia-ta ataani inissisimavoq. Maani piginnaasanik qaffassaaneq, ilinniartut, sulisussarsiorneq aammalu Namminersorlutik Oqartussat iluani suliffimmik suliffigissaaneq suliarisarpagut. Sulinitsinni inerisaaneq suliatta pingaarnerit ilagaat. Allaffeqarfimmi suleqatit arfineq pingasut peqatigalugit immikkoortortap anguniagai suliarisassavatit.
Atorfinni akisussaaffiit aaliangersimasut suliarisassavatit tamassumallu saniatigut immikkoortortaqarfiup suleqatai naalakkersuisoqarfiit aqutsisoqarfiillu ilisimasatigut ikorfartortassavatit.

Pingaarnertut suliassatit:

• Pilersaarusiorneq, ataqatigiissaarineq aammalu ingerlatsineq sulianik sulisunik ataavartitsiniarnermi aammalu suliffigissaanermi
• Naalakkersuisoqarfinni aammalu Aqutsisoqarfinni HR-piginnaanngorsaanermi Siunnersortitut
• Sulisoqarnermi ineriartortitsineq ingerlatsinerlu, suliaqarfiit akimorlugit aqutsisunik aammalu sulisoqarnermut politikkinik pilersaarusiorneq/inerisaaneq
• Sulisoqarnermut ineriartortitsinermi suliaqartut suleqatigisarnissaat

Piginnaasatit:

• Ilinniagaq tulluartoq
• HR-imik suliaqarnermi siunniussaqarluartumik suliaqarsinnaalluarputit
• Sulisussarsiornermi sulisunillu sulisoriinnarnissaannik suliaqarnermi misilittagaqarputit
• Allattariarsornikkut oqalunnikkullu piginnaasaqarluarputit
• Suliat pitsaassusaannik aammalu amerlassussaannik naliliinermik suliaqarnissamut ilisimasaqarneq

Inuttut piginnaasat

• Suleqateqatigiinnissamik/attaveqaqatigiinnissamik pilersitsinermik pikkoriffeqarputit
• Aalajaapputit aammalu naapikkuminartuullutit
• Akisussaaffiit naammassilluartarpat
• Suliat ingerlanissaannik siumoortumik aqqutissarsiorneq pikkoriffigaat
• Suleqatigiilluarneq pikkoriffigaat
• Suliat pitsaasumik naammassinissaannik pingaartitaqartuuvutit

Piumasaqaataanngilaq kisianni iluaqutaassaaq

• Kalaallit kulturiannut oqaasiinullu, kiisalu Qitiusumik Allattoqarfimmi suliffimi misilittagaqarneq
• Kalaallisut qallunaatullu oqaluttariarsornikkut allattariarsornikkullu piginnaasaqarneq

Atorfininnissaq
Qinnuteqarfissaq kingulleq 09. Juni 2023
Qinnuteqartunik oqaloqateqarneq sapaatip akunnera 24-imi pissaaq.
HR-imi ineriartornermi siunnersorti 01. august 2023 aallartinnissaaa kissaataavoq.

Apeqquteqarfissaq qinnuteqarfissarlu:
Suliffimmut apeqquteqarusukkuit Jørgen Juel Jessen, HR Sulisunik Inerisaavik-mut saaffiginninnissarnut  tikilluaqqusaavutit uunga: jjje@nanoq.gl tlf. +299 345222 imal. Mobil +299531511.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Naalakkersuisut
Sulinerni unammillernartumik inissikkusukkuit aammalu atorfilittatut siunissaq ineriartortitseqataaffigerusukku, taava Namminersorlutik Oqartussat suliffittut ilinnut tulluartuuvoq. Akisussaaffeqarneq piginnaasatigullu qaffasissumik inissisimaneq, sulianillu qulaajaalluarsinnaaneq suliffimmullu tulluarsartuarsinnaaneq suliffeqarfittut uagut naatsorsuutigaarput atorfilittatsinnut. Tamassuma saniatigut suliatit tulleriiissaarluartarnissaat minnerunngitsumillu tamakkiisumillu isinnilluarsinnaanerit pingaaruteqarpoq.

Namminersorlutik Oqartussat Qitiusumik Allaffeqarfiuvoq 650-it sinnerlugit sulisoqartoq, naalakkersuisoqarfinnut aqutsisoqarfinut aammalu immikkoortortaqarfinnut allaniittunut agguataarsimasut. Tamatta katilluta inuit 2500 sinnerlugit Namminersorlutik Oqartussat-ni sulisuuvugut. Qitiusumik Allaffeqarfiup suliassaraa Naalakkersuisut isummernissaannut tunngavissanik pitsaasunik tunniussinissaq tamassumalu saniatigut politikkikkut aaliangikkat piviusunngortinnissaat.
 

Qinnuteqaat nassiuguk