Skip to main content
158

Dette jobopslag er udløbet

GUX-S-imut immikkoortortami siunnersortit pisortaat

Ilinniartut immikkut pisariaqartitsisut ilinniarnertuunngorsinnaaqqullugit, periarfissanik pitsaanerpaanik pilersitsisoqarsinnaanngorlugu ataqatigiissaarisinnaassuseqarpit? Nuna Tamakkerlugu Ilitsersuisarfik GUX-S-imut immikkoortortami siunnersuisut pisortaannik pissarsiorpoq.

Atorfiniffissaq: juulip ulluisa aallaqqaataat imal. immikkut isumaqatigiissuteqarnikkut.

Atorfik
Immikkoortortami siunnersortit pisortaattut atorfik nutaaq, piffissami killilimmi atuuttussatut pilersinneqarpoq. Aaqqissuussaanikkut nalinginnaasumik Ilitsersuisarfiup pisortaata ataani inissisimassaatit tarnilli pissusaanut tunngasuni, tarnip pissusaanik immikkut ilisimasalittut pisortap ataani inissisimassallutit.
GUX-S suliniutaammat atorfik 2024-ip naanissaata tungaanut atuutissaaq. Atorfik Nuummi Nuna Tamakkerlugu Ilitsersuisarfimmiippoq. Ilinniarnertuunngorniarfiit sisamaasut tamarmik kiffartuunneqassammata, angalangaatsiartarnissaq naatsorsuutigineqassaaq.
Suliniut ilinniartut immikkut pisariaqartitsisut, soorlu autismimik assigissaannilluunniit nappaatillit ilinniarnertuunngorsinnaanissaannut tapersersuinissamik siunertaqartoq, Ilinniartitaanermut, kultureqarnermut, Timersornermut Ilageeqarnermullu Naalakkersuisoqarfiup Ilitsersuisarfimmut tunniuppaa. Taama ineriartorneq qulakkeerniarlugu, suliaq pingaarnertut ilinniarnertuunngorniarfinnik sisamanik allanillu naapertuuttunik qanimut suleqateqarluni, ataqatigiissaarisuuffiussaaq.

Akisussaaffiit pingaarnerit tassaassapput:

  • Pitsaassutsimik qulakkeeriuarneq naliliiuarnerlu ukkallugit, immikkoortortamik pilersitsineq inerisaanerlu
  • Aningaasartuutissatut missingersuutinik aqutseqataaneq ulluinnarnilu allaffissornikkut ingerlatsinermik qulakkeerineq
  • Ilinniartut innersuunneqarnissaannut, suleqatigisani naapertuuttuni ilisimasanik piginnaasanillu inerisaanissamik qulakkeereqataaneq
  • Ilinniarnertuunngorniarfinni taakkunani aqutsisut ilinniartitsisullu peqatigalugit ilinniarnertuunngornianik immikkut pisariaqartitsisunik ilinniartitsinermut tunngatillugu, ilinniagalittut, piginnaasanik nutaanik piukkunnartunillu inerisaasinnaaneq
  • Ilinniartitaanernut immikkut ittunut tunngatillugu ilinniarnertuunngorniarfinnik ikiorsiineq
  • Ilinniartut ataasiakkaat ilinnialersinnaanermut periarfissaat pitsaanerulersillugit, pisortaqarfiit, sullissiviit, ingerlatsiviit innuttaasullu assigiinngitsut akornanni suleqatigiissitsineq
  • GUX-S pillugu paasissutissiissutinik, ilitsersuutinik periusissianillu isumaginninneq
  • Ilinniartitaanermut atatillugu suliassat siunertamut aalajangersimasumut tunngasut

Atorfinittussaq makkunannga piginnaaneqaqqunarpoq:

  • Ilinniagaqassutsikkut naapertuuttumik qaffasissumik- ajornanngippat isumaginninnermut peqqinnissamulluunniit tunngasumik - ilinniagalik
  • Ajornanngippat immikkut ittumik atuartitsinermut tunngatillugu misilittagalik
  • Ilinniarnertuunngornianik ilinniartitaanernik nalinginnaasumillu ilinniartitaanernik  ilisimaarinnilluartoq
  • Inuiaqatigiinnik ilisimaarinnilluartoq
  • Inerisaanermik naliliisarnermillu misilittagalik
  • Namminersorluni sulisinnaassusilik
  • Aaqqisuussamik suleriaasilik
  • Ataqatigiissaarisinnaasoq ingerlatanilu paasilertoruminaatsuni inerisaasinnaasoq
  • Kalaallisut danskisullu oqaatsinik atuilluarsinnaasoq allassinnaasorlu

Paasissutissat sukumiinerusut
Atorfik pillugu annertunerusunik paasisaqarusukkuit, Ilitsersuisarfimmi pisortamut Christine Tønnesenimut, oqarasuaatikkut: +299 346880, imal. e-mailikkut: chto@aqqut.gl – imal. tarnip pissusaanik immikkut ilisimasalittut pisortamut Bjørn Noerimut, oqarasuaatikkut: +299 346865, e-mailikkut: bjno@aqqut.gl attaveqarnissamut tikilluaqqusaavutit.


Atorfininnermi atugassarititaasut
Tunngaviusumik isumaqatigiissutit malillugit atorfinititsisoqassaaq, qinnuteqartorli tjenestemanditut atorfeqariissappat tjenestemanditut atorfinititsisoqarsinnaavoq.
Atorfimmi piffissaq suliffiusussaq killiligaanngilaq, qaangiuttoornersisinnaanermut - sulinngiffissaraluillu annaasat akilerneqarnissaannik aalajangersakkat atuutinngillat, sap. ak. nal. ak. tunngaviusumik suliffiusussat 40 tiimiupput.
Akissarsianut atorfininnermullu atatillugu atugassarititaasunut tunngatillugu - angalanissaq pisattallu angallanneqarsinnaanerat ilanngullugit- atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut atuuttoq naapertorneqassaaq.

Ineqarneq
Atorfininnermut atatillugu inissamik innersuussisoqanngilaq. Qinnuteqartup Namminersorlutik Oqartussani suliffimminut atatillugu ineqareersup, inissamik tunineqarsinnaaneq attatiinnassavaa. Inigisaq atorfeqarnermut attuumassuteqarmat, suliffimmit soraarnermi qimanneqassaaq.

Qinnuteqaat

CV ilinniakkanut pikkorissarnernullu uppernarsaatit kiisalu allakkiat allat naapertuuttut ”Send ansøgning” toorlugu nassiutikkit. Qinnuteqaatinik E- mailikkut nassiussanik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk