GUX Nuummut AC-fuldmægtigi erninermi taartaasussatut
GUX Nuummi erninermi taartaasussatut atorfik inuttaqanngitsoq inuttassarsiorparput ulloq 1. maajip 2023-mi aallartittussamik imaluunniit tamatuma kingunitsiannguani 2024-mi marsip missaata tungaanut. 

GUX Nuuk Kalaallit Nunaanni ilinniarnertuunngorniarfiit anginerpaartaraat ukiumilu atuarfiusumi nutaami 500-t missaannik atuartoqarluni ukiuni atuarfiusuni pingasuni ingerlaffiusuni assigiinngitsuni arfineq-pingasuusuni, ilinniartitsisunit 50-it missaanniittunit aamma 15-it missaanniittunit PAM-init atuartinneqartartunik. Uagut atuartuutivut ilinniakkatigut aamma inuttut atukkatigut assigiinngilluinnartunik atugaqartuupput, kisianni ilinniarnertuunngornissamut takorluugaq ataaseq ataatsimoorussaralugu. 

Atuarfimmut atasunik arlalinnik kollegieqarpoq, aamma atuartussarsiortarneq kangiani Tasiilamiit kitaata kujataani Paamiuni ingerlanneqartarpoq, atuartulli amerlanerpaartaat Nuummeersuullutik. Atuarfimmi sulisarpugut nammineq oqaaserinngisat pædagogik atorlugu aamma kulturi tunngavigalugu ilinniartitsineq atuartullu qitiutillugit atuarfik ingerlanneqarpoq.

AC-fuldmægtigissarsiorpugut sunik tamanik malinnaasinnaasumik aamma aallartitsisarsinnaasumik, namminersorsinnaasumik aamma aaqqissuussaasumik suliffeqarfitsinni suliassanik assigiinngitsorpassuarnik naammassisaqarsinnaasumik atuarfiullu aqutsisuinik sullissisinnaasumik. 

Naatsorsuutigaarput illit

• Kandidatitut ilinniagaqartuusutit
• Atuarfimmut attuumassuteqartunik ineriartortitsinermik suliaqarsinnaalluartuunissannut piareersimasutit
• Atuarfiup sulisuinik aamma aqutsisuinik qanimut suleqateqarnissamut ammasumillu attaveqaqatigiittarnisssamut piareersimasoq, ulluinnarni unamminartut erseqqissumik iliuuseqarfiginissaannut qitiutitsisuusugut
• Suliassanik assigiinngiiaartunik suliaqarsinnaasumik aamma assigiinngitsorpassuarnik sulianik ingerlataqarsinnaasumik
• Suliamut atatillugu aaqqiissuteqarnissamut piumassusilik aamma kinguneqarluartitsisinnaasoq aammattaaq inoqatinnut akuersaartuusoq, atuartuunersut imaluunniit suleqataanersut apeqqutaatinnagu.

Suliassat ilagaat:

• Soraarummeersitsinissamut atuarfiup pilersaarusiortarneranut aqutsineq aamma akisussaasuuneq
• Atuarnermut attuumassuteqartunik suliniutinik aamma ineriartortitsinermut sulianik kiisalu pilersaarusiornermut suliassanik suliaqartarneq aamma aqutsineq
• Atuarfiup atuartuutimik atuarunnaannginnissaannut sulissutiginninneranik aamma atualersussanik akuersisarnermi tapersersuineq
• Sulisoqarnermut tunngasunik atuarfiup suliaanik suliaqartarneq, tassunga ilanngullugit sulisunik nutaanik atorfinitsitsinermi aamma politikit atuarfimmut tulluartuusut nutarterneqartarnerini
• Aqutsisunik isumasioqatigiittarneq, tassunga ilanngullugit atuarfiup ukiumoortumik nalilersuisarneranik suliaqarneq aamma pitsaassutsimik qulakkeerinninneq.

Akissarsiat aamma atorfeqartitaanermit atugassarititaasut
Akissarsiat aamma atorfeqartitaanermi atugassarititaasut taakkununnga ilanngullugit atorfinitsinneqarnermi aamma suliunnaarnermi angalanermut akiliunneqarneq kiisalu pequtinik assartuineq, ingerlanneqassapput atorfinitsinneqarnerup nalaani Namminersorlutik Oqartussat aamma pineqartup kattuffiata isumaqatigiinniarsinnaatitaasup isumaqatigiissutaa/kattuffiup isumaqatigiissutaa atuuttoq naapertorlugu.   

Inissaqartitsineq
Atorfimmut atatillugu inissaqartitsisoqarsinnaavoq malittarisassat qaqugukkulluunniit atuuttut naapertorlugit. Ineqarnermut akiliut aamma qularnaveeqqut malittarisassat inimut innersuussamut atatillugu qaqugukkulluunniit atuuttut malillugit akilerneqassapput. Sulisunut inissiaq atorfinitsitsinermut atugassarititaasunut attuumassuteqartuuvoq, atorfeqartitaanerullu taamaatinnerani qimanneqassalluni.

Ineqarnermut akiliut aamma inip pitsaassusia nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Tooruk una GUX Nuuk pillugu annertunerusumik atuarniarlutit. Tooruk una illoqarfik Nuuk pillugu annertunerusumik atuarniarlutit aamma tamatuma eqqaani suni misigisaqarsinnaanerlutit.

Periuseq
Paasissutissat sukumiinerusut Ilinniartitaanermut Aqutsisoq Maureen Hendrikximut telefon + 299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.

Oqaloqatiginnittarnerit ingerlaavartumik pisarput.

Qinnuteqaatit nassiuguk CV-t aamma soraarummeernermut uppernarsaatit ilanngullugit portali aqqutigalugu kingusinnerpaamik tallimanngornermi marsip ulluisa 31-anni 2023 nal. 12.

 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk