Skip to main content
85

Dette jobopslag er udløbet

GUX Nuuk timersornermut sammiveqartumik atuartitsinermi ataqatigiissaarisartussarsiorpoq

GUX Nuuk Kalaallit Nunaanni ilinniarnertuunngorniarfiit annersaraat ukiumilu nutaami atuarfiulersussami ukiunut pingasunut atuaqatigiinni sammivinni arfineq-pingasuni immikkoortuni 500 miss. ilinniarnertuunngorniartunik atuartoqartussaalluni, ilinniartitsisunit 50-it miss. aamma 15 PAM-init atuartinneqartussat. Ilinniarnertuunngorniartuvut ilinniakkatigut aamma inuttut assigiinngilluinnartunik atugaqartuupput, kisianni ilinniarnertuunngorusunnermik ataatsimut takorluugaqartuullutik.

Atuarfimmut attuumassuteqartunik arlaqartunik kollegiaqarpoq, aamma atuartussarsiortarneq Tunumi Tasiilamiit kujammut kitaani Paamiunut isorartussuseqartarluni, atuartulli amerlanerit Nuummeersuullutik. Atuarfimmi sulisarpugut oqaatsit allat atorlugit pædagogik ingerlanneratigut, kulturi tunngavigalugu atuartitsisarluta aamma atuartut atuarfiup ingerlanneqarnerani qitiutillugit.

2015-imi GUX Nuuk Kalaallit Nunaanni Timersortartut Kattuffiat (GIF) aamma Elitesport Greenland (ESG) peqatigalugit atuartitsinermi timersornermut sammivik aallartippaat, tassaasoq inuusuttunut timersornermik pikkorilluinnartunut tunngatinneqartoq, timersuutiminnik ingerlatsinerminnut ilutigitillugu ilinniarnertuunngorlutik soraarummeertartuusunut. Atuartitsinermi timersornermut  sammivik tamanna Kalaallit Nunaanni kisiartatuaavoq, tassaalluni ineriartortikkiartuaarnerani ukiunik sisamanik sivisussuseqartuusoq.

Atuartut timersornikkut aamma atuakkatigut ineriartortinneqarnerat pitsaanerulersinniarlugu timersornermut sammiveqartumik atuartitsinermi piffissami tamakkiisumi sulisartussamik timersornermut sammiveqartumik ataqatigiissaarisumik sulisussarsiorpugut makkuninnga suliaqartartussamik: 

  • Atuartut atuakkatigut aamma timersornikkut anguniagaannik ilisimasaqarneq. Ataqatigiissaarisup atuartut unamminartorsiutaannik kiisalu atuarnerminni qanoq iluarisimaarinnitsiginerannik pingaarnernik ilisimasaqassaaq ataasiakkaarlugit oqaloqatigisarnerisigut, taamaaliornikkullu atuartut inuttut aamma timersornikkut atuarnikkullu unamminartitaat ilisimassallugit. 
  • Atuartut qaqugu ataatsimoortarnissaannut, GM-eqarneranut assingusunillu unammisarnerit qaqugu pisarnissaannik atuartut malinnaatinneqarnissaasa ataqatigiissaarlugillu malinnaatinneqarnissaasa qulakkeernissaat.
  • Atuartut ingerlatassaat atuarfik peqatigalugu ataqatigiissaartarnissaat aamma pisariaqartitsineq naapertorlugu ESG-mik GIF-imillu ataatsimeeqateqarnissat ataqatigiissaartarnissaat.
  • Timersornermut, atuarnermik qanoq iluarisimaarinninneq aamma ilinniakkatigut anguniakkat pillugit atuartumik oqaloqatiginninnissamut aggersaasarnerit.
  • Sungiusartarnissat/atuartarnissat piareersartarnissaat/ataqatigiissartarnissaat atuarfik, ESG aamma GIF kiisalu taakkununnga attuumassuteqartut sungiusaasartut peqatigineqarsinnaapput ukioq naallugu pilersaarusiornissaq eqqarsaatigalugu. Soorlu assersuutigalugu: Arpalluni sungiusarneq, nalunneq, misileraanerit, nerisaqarneq, ajoqusernissaq pinngitsoortinniarlugu sungiusarneq, naleqquttunik saqqummiussisussanik, sungiusarneq, sianissutsikkut inuuneqarnermut sungiusarneq aamma nukittorsarluni sungiusarneq.  
  • Ullunut atuaqatigiit suleqatigiissinnaaneranut (teambuilding) atorneqartussat ilinniakkap sammivianut tunngassuteqartumut pilersaarusiornermi peqataaneq.
  • Pisariaqartitsineq naapertorlugu klubimi sungiusarnerup isiginnaarnissaa.
  • Suliassat allat takkuttut atuarfik, GIF aamma ESG isumaqatigiissuteqarfigalugit suliarisarnissaat.


Naatsorsuutigaarput:

  • Illit timersornermi kandidatiusutit imaluunniit tamatumunnga assingusumik ilinniagaqartuusutit. Qinnuteqartut atorfimmit assingusumit misilittagaqartuusut imaluunniit suliaqarsimasut aammattaaq soqutiginartinneqarsinnaapput
  • Timersornermut sammiveqartumik atuartitsinerup ineriartortinneqarnissaanut illit piareersimasuusutit
  • Atuarfimmi atorfillit aamma GIF-imi ESG-milu atorfillit qanimut suleqatiginissaannut ammasumillu oqaloqatigineqartarnissaannut illit piareersimasuusutit, tassani ulluinnarni unamminartut qitiutissallugit iliuuseqarfigisarlugillu
  • Inoqatinnut illit akuersaarpaluttumik pissuseqartuunerit, atuartut imaluunniit suleqatigisartakkatit eqqarsaatigalugit
  • Atuartut timersornermik sammisaqartut kajumissuseqarnissaanut, sammisaqarnerulersinnissaannut, assigiinngiiaartuunissaannut aamma peqataatitsinerulersitsinissamut illit suliaqarnissannut piareersimasutit.


Paasissutissat suli amerlanerusut rektorimut Mikael Enggaardimut telefon 00299 547121 sianerluni pissarsiarineqarsinnaapput.
Qinnuteqaatit internet aqqutigalugu nassiuguk CV aamma soraarummeernermut allagartat ilanngullugit kingusinnerpaamik pingasunngorneq aggustip 5-ani 2020 nalunaaqutaq 12.00.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk