Skip to main content
122

Dette jobopslag er udløbet

GUX Nuuk inunnik isumaginninnermut suliaqartussamik sulisussarsiorpoq kollegie mi najugaqartunik sullissisussamik

Nuannaraajuk inuusuttunik sullissinissat – peqataarusuppillu inuusuttut amerlanerit ilinniarnertuunngornissaannut aqqutissiuussinissannut. Taava immaqa taannaavutit inunnik isumaginninermik suliaqartussaq.
 
Qeqqani Ilinniarnertuunngorniarfik Nuuk-mi 01. Marts 2019 imaluunnit taassuma kingorna, atorfiit inuttassarsiuunneqarput susassaqarfitta iluanni kollegieqarfimmi.
 
Kollegiat marlunnik illutaqarput nerisarfittalimmik, ilinniarnertuunngorniartullu 85-it missaannik amerlassuseqarput najugaqarput, kollegietta avataatigut illuinnarnik tallimanik attartugaqarpugut kollegietut atukkatsinnik ilinniarnertuunngorniallu 40-t missaanniittut illuni ineqarput. Naatsorsuutigaarput inunnik isumaginninnermik suliaqartup ullut tamaasa inunnut attaveqartassasoq aamma isumassuinermik assigiinngitsunik suliaqartassalluni, ineqartut amerlanerpaartaat 18-it inorlugit ukioqarput.
Uagutsinnut pingaaruteqarpoq ajunngitsumik susassaqaqatigiinnermik pilersitsinissaq ilinniartuutitsinnut.
 
Nuummi GUX ukiumi atuarfiusumi 2018-19-imi 475-it missaannik atuartoqassaaq klassinut 21-nut agguarsimasunik ilinniartitsisut allaffissornermilu/teknikimut tunngasunik suliallit 50-iullutik.
 
Ilinniarnermi uniinnartarneq pinaveersaartinniarlugu iliuuseqarnitsinnut atatillugu aammalu ilinniartut inuusuttut ataatsimoorfeqarluarnissaat pingaartillugu, kollegie mi sullissineq annertusiniarparput.
Kissaatigaarput suliassaqarfigut eqqumaffigineqarnerussasut, ilinniartullu tapersersorneqarnerussasut, ataqatigiinneq pitsaasoq avatangiisini toqqissisimarnartuni.
Inunnik isumaginnittut qanimut suleqatissavaat ilinnartunik oqaloqatiginnittartut, aqqutissiuisut, psykoterapeut atuarfimmi. Eqimattat ataatsimut suleqatiipput, eqqumaffigalugit ilinniartut, immikkut tapersersorneqartariaqartut ilinniarnertuunngorniarnerminni.
Suliarisassat tassaapput:

  • Ilinniartunngortussanut aamma ilinniartooreersunut kollegianiittunut ullut tamaasa attaveqartarneq aamma isumassuineq
  • Isumaqatigiissutit aamma maleruagassat kollegiamut tunngasut ilinniartut aamma kollegiarådi suleqatigalugit malinneqartarnissaat qulakkeerneqassaaq
  • Maannakkut isumaginninnermik suliaqartut aamma qullersanik ulluinnarni qanimut suleqateqarneq
  • Atuarfimmi sulisunik allanik qanimut suleqateqarsinnaaneq kantiinami sulisunik, pedelinik, driftsleder, ilinniartunik siunnersuisartuni, allaffissornikkut suliaqartunik kiisalu suliffeqarfiup avataani suleqatigisatsinnik
  • Ilinniartut inuttut ineriartornissaat peqataaffigissallugu aamma suliassat tamatumunnga attuumassuteqartut isumagissallugit
  • Kollegiet ineeraannik agguaassineq, ineeqqanillu piareersaaneq atuartunut nutaanut atuarfiup aallartinnerani/naanerani.

 
Uagut naatsorsuutigaarput, tassa:

  • Illit inunnik isumaginninnermut tunngasumik ilinniaqarsimanerit uppernarsarsinnaagit, soorlu isumaginninnermut siunnersortitut, perorsaasutut, inunnik isumaginninnermi assistentitut imaluunniit isumaginninnermi ikiortitut
  • Illit sillimaffigissavat atorfimmi piffissap suliffiusup nikerartuunera
  • Illit sillimaffigissavat kollegiani suliassanut allanut attuumassuteqartunut tunngatillugu sulisut allat aamma pisortaasut qanimut suleqatiginissaat, tassani qitiutippavut ulluinnarni unamminartunut eqqortumik iliuuseqartarneq
  • Illit inoqatinnut akuersaartumik ileqqoqartutit, tassa apeqqutaatinnagu ilinniartuunersut imaluunniit suleqataanersut
  • Illit inuusuttunut attuumassuteqarnermik pitsaasumik aamma tatigeqatigiinnermik pilersitsisinnaasutit
  • Iluaqutaalluassaaq kalaallisut oqalussinnaaneq, kisianni piumasaqaataanngilaq
  • Imminut takorloorsinnaassaatit piffissami sivisuumi tassani atorfeqarsinnaanissat.

 
Uagut neqeroorutigaavut:

  • Atuarfimmi avatangiisit ullormi suliffiusumi sulisut allat ilinniartullu susassareqatigiinnermik aamma pisussaaffeqarnermik malunnaateqartut
  • Annertuumik sunniuteqarsinnaaneq suliassanik ineriartortitsinermi atorfiup iluani.
  • Atuarfik suli ineriartortuartoq aamma kollegiani najugaqarnermik ineriartortitsinermik qitiutitsiffiusoq
  • Supervision atorfiup iluani avataanilu.
  • Naleqquttumik ilinniagaqaqqinnissamut periarfissaqarluarpoq

Qaammatini pingasuni misiligummik atorfinititsisoqassooq.
 
Atorfimmut attuumassuteqartunik arlaannik apeqqutissaqaruit nangaassuteqarnak ilinniartitaanermut aqutsisumut Mette Sonniks oqarasuaat: 36 33 91 imaluunniit mailikkut: mette.sonniks@attat.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk