Skip to main content
66

Dette jobopslag er udløbet

GUX Nuuk ilinniartitsisunik pissarsiorpoq

Nuummi Qeqqani Ilinniarnertuunngorniarfimmi 1. augusti 2020 aallarnerfigalugu atorfik piffissaq tamakkerlugu suliffiusussat ilinniarnertuunngorniarfimmi inuttassarsiorneqarput fagini ukunani:
 

  • Kalaallisut
  • Tuluttut
  • Qallunaatut
  • Timersorneq
  • Matematikki


GUX Nuuk Kalaallit Nunaanni GU – t  annersaraat atuarfiusumilu nutaami  500-t miss. atuartoqassalluni, toqqagassani arfineq pingasuni, ukiuni pingasuni ingerlasartuni, ilinniartitsisut 50 it missaanni amerlassuseqarput, taassumalu sanianigut atorfillit 15 missaanniitut. Ilinniartugut assigiinngilluinnartunik tunuliaqutaqarput, anguniagarli ataasiinnaalluni tamanut, tassalu ilinniarnertuunngornissaq.

Atuarfimmut atasumik atuartunut inissiaqarpoq, atuisullu Tasiilamiit kitaanut Pamiut ilanngullugu GUX-Nuuk – mut atuariartarput, amerlanerilli Nuumminngaanneersut ilinniartuusarlutik. Atuarfimmi periuseq atorparput, kulturi tunngavigalugu ilinniartitsineq, allattariarsorneq, ilinniartullu qitiutillugit ingerlatsineq.

Ilinniartitsisussarsiorpugut, tunniusimasunik, ataqatigiissaarilluarsinnaasunillu, qiimaneq aammalu nutaaliorneq ulluinnarni atoraanni iluaqutaalluarsinnaallutik.

Uagut naatsorsuutigaarput:

  • Tassa illit kandidatitut imaluunniit assingusumik ilinniagaqartuusutit
  • Tassa illit piviusumik pædagogikimut aamma atuarfimmut tunngasumik ineriartortitsinissamut peqataanissaq piareersimaffigigit
  • Tassa illit suleqativit aamma aqutsisut qanimut suleqatiginissaat piareersimaffigigit, tassani qitiutippavut ulluinnarni unamminartut tunngavigalugit iliuuseqartarnissaq
  • Tassa illit inoqatinnut akuersaartuullutit ileqqoqartuusutit, ilinniagaqartut imaluunniit suleqatitit pineqarnersut apeqqutaatinnagu
  • Tassa illit ilinniartitsinerit ilinniagaqartunut ilikkagaqarusulersitsissasoq, assigiinngiiaartuussasoq peqataalersitsissallunilu
  • Iluaqutaassaaq ilinniartitsinermik misilittagaqartuunerit, kisianni tamanna pinngitsoornani piumasaqaataanngilaq. Ilinniartitsisunut ilinniartitsinermik misilittagaqariinngitsunut tunngaviusumik didaktikimik atuarnerup aallartinnerani pikkorissaanermik ingerlatsissaagut. 


Uagut neqeroorutigaavut:

  • Atuarfimmi avatangiisit ullormi suliffiusumi ilinniagaqartullu susassareqatigiinnermik, assigiinngiiaartuunermik inissaqartitsineq aamma pisussaaffeqarnermik malunnaateqartut
  • Suliatigut avatangiisit misiliisarnernut nutarterinernullu inissaqartitsisuusut
  • Pikkorissaanermi aqutsisunit ilitsersuisunillu pikkorissunit ilitsersorneqarnikkut siunissami pædagogikumimik ingerlataqarnissamut periarfissaqarneq
  • Atuarfik suli ineriartortuartoq aamma pitsaasumik ataatsimoorfiusoq
  • Suliatigut avatangiisit kikkut tamarmik suliffeqarnissaannut inissaqartitsiffiusoq, suleqatinit aamma aqutsisunit siunnersorneqarnissamut, isumasioqatigiinnissamut aamma ilitsersorneqarnissamut periarfissaqarluartoq.


Aningaasarsiatigut atorfeqartitaanermilu atugassarititaasut
Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Atorfiit ataasiakkaat piffissaritinneqarfii killeqartinneqarsinnaapput.

Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Periusissaq
Paasissutissanik sukumiinerusunik paasisaqarusukkuit rektori Mikael Enggaard saaffigissavat telefon: 00299-547121.
Atorfininnissamut tunngatillugu oqaloqateqarnerit ingerlanneqassapput uge 15 aamma 16.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk