Skip to main content
62

Dette jobopslag er udløbet

GUX-isi sulisut ingerlatsinermi suliassanik annertusaanermi aaqqissuillaqqissumik suleqatissarsiorput (erninermut atatillugu sulinngiffeqartumut taartaasussaq)

Nunatta inuusuttaanut pitsaanerusumik ilinniarnertuunngorniarfimmik pilersitseqataarusuppit? Ilinniartitaanermut, Kultureqarnermut Ilageeqarnermullu Naalakkersuisoqarfik suleqatitta ilaat erninermi kingorna sulinngiffeqarmat erninermi sulinngiffeqartumut taartaasussamik pisariaqartitsivoq. 
 
Ulloq atorfiniffissaq tassaavoq 1. december imaluunniit tuaviornerpaamik tamatuma kingorna.
 
Atorfik pillugu
 
Ilinniarnertuunngorniarneq (GUX) ingerlaavartumikk ineriartorpoq. Ilinniarnertuunngorniarnerup sukutsitaa tamaat ingerlaavartumik pitsanngorsarneqarlunilu ineriartortinneqarpoq, taamaasillutik ilinniarnertuunngorniartut, ilinniartitsisut atuarfiullu angusaat periarfissaallu annertuneruleqqullugit. Naalakkersuisoqarfimmi ilinniarnertuunngorniarnermik suliaqartut ilinniarnertuunngorniarfiit sisamat suleqatillu allat attuumassuteqartut ineriartornerup tamatuma qulakkeerneqarnissaa siunertaralugu qanimut suleqatigiipput.
 
Suleqatitta ilaat januaarimi erninerminut atatillugu sulinngiffeqartussaammat Naalakkersuisoqarfik suliassaqarfiup ingerlanneqarneranik qulakkeerisussamik ammalu suleriutsinik aaqqissuussanillu ilinniarnertuunngorniarnermut suleqatigisanullu attuumassuteqartunut ineriartortitsinermik pilersitsisussamik siumut isigisumik erninermut atatillugu taartaasussarsiorpoq. Erninermi taartaaneq sivitsorneqarsinnaalluni qaammatinik qulinik sivisussuseqassaaq.
 
Suliassat pingaarnerit tassaassapput:

  • Ilinniarnernut tunngasunik ulluinnarni allaffissornikkut ingerlatsinikkullu suliaqarneq
  • Soraarummeernermut ilinniartunillu tigusinernut atatillugu suliat ingerlariaasiinik periutsinillu ineriartortitsineq, ingerlatsineq annertusaanerlu
  • Ilinniarnertuunngorniarfinnut qitiusumik ilinniaqqinnerni sammisanik aaqqissuussineq ataqatigiissaarinerlu
  • Ilinniakkamik suleriutsinillu ingerlaavartumik nalilersuinermi peqataaneq
  • Suliassaqarfimmi siunnersortinik suleqateqarneq
  • UWC-mut – United World Colleges - scholarshipsinut tunngatillugu Naalakkersuisoqarfiup ataqatigiissaarineranik qulakkeerineq
  • Avammut ilinniarnertuunngorniarneq pillugu paasissutissanik, siunnersuinernik suleriaatsinillu suliaqarneq
  • Naalakkersuisunut/Inatsisartunut tunngatillugu suliaqarnerup qulakkeereqataaffiginera
  • Ilinniarnertuunngorniarnermut tunngatillugu suliassanik takkussuuttunik suliaqarneq

 
Naatsorsuutigaarput:

  • Attuumassuteqartumik ilinniagaqartutit, qaffasissumik ingerlaqqiffiusumiusinnaavoq
  • Ilinniarnertuunngorniarfinnik aamma ilinniartitaanermik ataatsimut isigalugu ilisimasaqartutit
  • Inuiaqatigiinnik ilisimasaqartutit
  • Ataatsimut isiginnissinnaasutit ulapiffimmilu sulisinnaasunik
  • Nammineerlutit sulisinnaasutit
  • Torersumik aaqqissuussaasumillu sulisinnaasutit
  • Paasissutissanik attuumassuteqartunik pissarsisinnaallutillu nalilersuisinnaasutit
  • Suliani ajornakusoortunik ataatsimut paasissutissanik katersisinnaasutit
  • Oqaluttariarsornermi allattariarsornermilu piginnaasaqarluartutit

 
Aningaasarsiat aamma atorfinitsitaanermi atugassarititaasut
Aningaasarsiat aamma atorfinitsitaanermik atugassarititaasut, taakkununnga ilanngullugit atorfinitsitaanermi soraanermilu angalanermi akiliunneqarneq aamma pisattat nuunnerat, pissaaq Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut sukkulluunniit tunngavigalugu.
 
Piffissa suliffissaq  sapaatip akunneranut nalunaaquttap akunnerinik 40-nik sivisussuseqarpoq.
 
Ini
Atorfimmut inimik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnerminut atatillugu ineqareersimaguni atorfimmut atatillugu inimik innersuunneqarsinnaanermik pisinnaatitaaffik attatiinnarneqassaaq. Atorfimmut atatillugu ini atorfinitsitaanermut attuumassuteqarpoq atorfinitsitaanerullu  naanerani qimanneqassalluni.
 
Paasissutissat allat
Atorfik pillugu paasisaqarnerorusukkuit Ilinniartitaanermik nakutilliisup Lotte Kjærip, oq. +299 345732, e-mail lokj@nanoq.gl, attaviginissaanut tikilluaqqusaavutit.
 
Kalaallit Nunaat aamma Namminersorlutik Oqartussat pillugu paasisaqarnerorusukkuit uani atuarnerusinnaavutit: www.nanoq.gl, Suliffiit ataanni.
 
Qinnuteqaat
Qinnuteqarnissamut ulloq killissarititaasoq tassaavoq 24/10 - 2018, nal. 12.00.


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk