Skip to main content
111

Dette jobopslag er udløbet

GUX-imi sulisut suleqammik ineriartortitsinissamik ilisimasaqarluartumik suleqatissarsiorput

Nunatsinni inuusuttunut ilinniarnertuunngorniarfinnik pitsaanerusunik pilersitseqataarusuppit? Taava maanna periarfissaqarputit, tassami Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik GUX-immut suleqammik eqeersimaartumik pissarsiorpoq.
 
Ulloq atorfiniffissaq tassaavoq 1. september imaluunniit kingusinnerusukkut piaarnerpaamik.
 
Atorfik pillugu
 
Ilinniarnertuunngorniarfik (GUX) ingerlaavartumik ineriartorpoq. Ilinniartut, ilinniartitsisut atuarfiillu angusarissaarnerutinniarlugit periarfissarissaartinniarlugillu ilinniarfeqarfimmi sutigut tamatigut pitsanngorsaanissaq ineriartortitsinissarlu ingerlaavartumik sulissutigineqarpoq. Naalakkersuisoqarfimmi Ilinniarnertuunngorniarfimmi sulisut ineriartortitsineq tamanna qulakkeerniarlugu ilinniarnertuunngorniarfinnik sisamanik attuumassutilinnillu allanik qanimut suleqateqarput.
Ilinniarnertuunngorniarfinni ilinniartitaanernik ineriartortitsinernik ingerlatsisarnernillu suliaqarlutik suleqatigiinnut aammalu Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmik politikkikkut sullissisunut ilanngutissaatit. Suliassatit ingerlatsinikkut suliassat ineriartortitsinerit aammalu suliniutaasartut akornanni allanngorsassapput kiisalu suleqatigisat allat suleqatillu suleqatigalugit inatsisilerisarnernik atulersitsinernik qulakkeerinninnerit.
 
 
Pingaarnertut suliassatut akisussaaffigisassat ukuupput:

  • Ilinniarfeqarfinni ulluinnarni allaffissorneq ingerlatsinerlu
  • Soraarummeernernik   suliarinnittaarnernut ilinnialernissamullu akuerineqarnermut atatillugu suleriaatsinik periutsinillu pitsanngorsaanernut ineriartortitsinernut ingerlatsisarnernullu peqataasarneeq
  • Ilinniarnertuungorniarfinnut qitiusumik ilinniartitseqqitsisarnertigut suliniutinik ataqatigiissaarisarnerit piareersaasarnerillu
  • Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut peqataaneq
  • Ilinniarnertuunngorniarfinni paasissutissanik qarasaasiamiittunik pilersitsinermut, ineriartortitsinermut ingerlatsinerlumullu peqataaneq
  • Ilinniarfiit pillugit avammut paasissutissaliornissaq, ilitsersuusiornissaq periusissiornissarlu
  • Naalakkersuisunik kiffartuussinermut tunngatillugu sulianik qulakkeerinneqataaneq
  • Ilinniarnermut atatillugu Ad hoc-imi suliassat

 
Kissaatigaarput, illit:

  • suliamut tunngassutilinnik assingusunik misilittagaqartutit, ajornanngippat ingerlaqqiffiusumik qaffasinnerusumik ilinniagaqartutit
  • ilinniarnertuunngorniarfinni ilinniartitsinertut qaffasitsigisumik misilittagaqarneq
  • Ilinniarnertuunngorniarfinnik ilinniartitaanermullu tunngasut tamaasa ataatsimut isigalugit ilisimasaqarneq
  • inuiaqatigiinnut tunngasunik ilisimasaqarluartutit
  • aningaasaqarnermik- naatsorsueqqissaarisarnernik suliaqartarnermik ilisimasaqarluartutit
  • paasisimasaqarluartuusutit ulapaarfimmilu sulisinnaassuseqartutit
  • Nammineerlutit sulisinnaassuseqarputit aammalu  ataqatigiissumik aaqqissuulluagaasumik paasissutissanik attuumassutilinnik nalilersuisinnaallutillu pissarsiniallaqqissuusutit
  • Sulianik ilungersunartunik ataqatigiissitsisinnaasoq
  • Kalaallisut danskisut tuluttullu oqaluttariarsornikkut allattariarsornikkullu oqaaseqatigiiliorluarsinnaaneq

 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Paasissutissat allat
Atorfik pillugu annertunerusumik paasisaqarusukkuit, tikilluaqquneqarputit attavigissallugu Ilinniartitsinermi inspektøri Lotte Kjær, oqa. +299 345723, e-mail lokj@nanoq.gl
 
Kalaallit Nunaat aamma Namminersorlutik Oqartussat pillugit annertunerusumik paasisaqarnerorusukkuit  www.nanoq.gl aqqutigalugu Atorfiit ataanni paasisaqarnerusinnaavutit.
 
Qinnuteqaat
Qinnuteqarnissamut killissaritinneqarpoq ulloq 12/8 - 2019

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk