Skip to main content
153

Dette jobopslag er udløbet

GUX Aasiaat kantiinami ikiortimik pissarsiorpoq

Avannaani Ilinniarnertuunngorniarfik
Nordgrønlands Gymnasiale Uddannelse
Postboks 225  · 3950  Aasiaat
Telefon: (+299) 89 49 00
Mailadresse: gux-aasiaat@gux-aasiaat.gl
Hjemmeside: www.gux-aasiaat.gl


GUX Aasiaat kantiinami ikiortimik pissarsiorpoq
Avannaani ilinniarnertuunngorniarfia kantiinami ineriartortumi sulerusuttumik aalajangersimasumik sulisussamik sulisussarsiorpoq.
GUX kantiinami ullormut ataasiarluni nerisassiortoqarnerusarpoq, ullaakkorsiutinik aamma ullup qeqqasiutinik. Tamatuma saniatigut allanik akornatigut nerisassiortoqartarpoq iffiukkanik, kaaginik aamma snacksinik. Ullormut neqeroorutit saniatigut aammattaaq atorfillit ataatsimiinnissaannut nerisassaqartitsisoqarnissat, kiisalu GUX-imi immikkut aaqqissuussinernut nerisassaqartitsinissaq kantiinamit isumagineqartarput.
Nunatta avannaani ilinniarnertuunngorniarfik Kalaallit Nunaata avannaanit tamaneersunik 300-t missaanniittunik ilinniartoqarpoq. Nunap immikkoortortarput qaasuitsup kujammut killeqarfianiit Kalaallit Nunaata avannaarpiarsuanut Qaanaami inuiaqatigiinnut isorartussuseqarpoq. Tamatuma kinguneraa ilinniartuutitta amerlanerpaartaasa atuarfiup kollegiaani najugaqartuunerat, ilinniartullu 18-it inorlugit ukiullit ilinniarnertuunngorniarfiup kantiinaani nerisassatik tamaasa nerisarpaat.  
Aammattaaq GUX 60-it pallillugit atorfilittaqarpoq, ullut tamaasa kantiinamik ullup qeqqasiornermikkut aamma akornatigut nerisaqartarnermikkut atuisuusut.
GUX-ip kantiinaani anguniagaasoq tassa: ilinniarnertuunngorniartunut aamma atorfilinnut inuussutissaqarluartunik mamassutsimikkut pitsaalluinnartunik neqeroortarnissaq. Taamaaliornikkut taamaattumik sapinngisamik naqqaniit nerisassiortarpugut, kiisalu NNR-imit aamma kalaallit nerisaqarnermut innersuussutaat malittarlugit.
Takorloorparput illit nerisassanut soqutigisaqarluartuusutit, aamma illit ullormut nerisassat peqqinnartuunissaannut, inuussutissaqarluartuunissaannut minnerunngitsumillu mamartuunissaannut soqutigisaqartuullutit.

Kantina-mi ikiortitut ataani eqqaaneqartut suliassarissavai

  • Igaffimmi sulisimanermit misilittagaqartuunissat aamma/imaluunniit ilinniagaqartuunissat
  • Inuppassuarnut nerisassiortarnermik misilittagaqartuusutit aamma ulluinnarni suleriaatsimi erruisarneq eqqiaasarneq akulerutsittarsinnaassagitit
  • Naqqaniit nerisassiorneq nuannarisarigit aamma peqqissunik nerisassanik soqutiginnittuusutit
  • Suliassanut takkuteriaasaartunut tamanut aaqqiissuteqarnissamut pitsaasumik isumaqartuusutit
  • Suliartortarnissamut aalajaatsuusutit, nammineersinnaassuseqarlutit allanngortitsisoqarneranullu  sungiussiasuullutit
  • Suleqatigiissinnaassuseqartuusutit, sullisserusussuseqartuusutit isumassarsillaqqissuusutillu
  • Ilinniarnertuunngorniartunik suleqatinnillu pingaartitsinissamut piginnaaneqarlutillu kissaateqartuusutit
  • Isumagissuusutit aamma ulluinnarni ulapaarfiusumi suliffimmi ”quianartussarsiorusussuseqartuusutit”.

Atorfimmi sap. akunneranut piffissaq suliffiusoq nal. akunneri 40-pput, ataasinngornermiit tallimanngornermut Nal. akunnerisa aalajangersimasut suliffiusut avataatigut sulisoqarsinnaasarpoq immikkut ulapaarfiusoqartillugu, soorlu soraarummeertoqartillugu.    
Naatsorsuutigaarput 1.Februar 2022-imi aallartinnissat, imaluunniit tamatuma kingornatigut sapinngisamik piaarnerpaamik.
Kingusinnerpaamik qinnuteqarfissaq tassaavoq ulloq 28. Januaru 2022.

Attavissaq
Atorfimmut atatillgu sukumiinerusut pissarsiarineqarsinnaapput uunga saaffiginninnikkut: Kantiinami aqutsisoq Mina Lundblad milu@gux-aasiaat.gl imaluunniit   +299  89 49 14. Qilanaaraarput ilinnit tusagaqarnissarput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk