Skip to main content
89

Dette jobopslag er udløbet

GUX-Aasiaat illunik nakkutilliinermi ataqatigiissaarisartumik sulisussarsiorpoq

Ilaquttannut piffissaqarnerusuppit? Taava aajuna suliffik ilaqutariinnut ataqatigiissitsinnaasoq.
Illunik nakkutilliinermi ataqatigiissaarisup atuarfiup kollegiai kiisalu atuarfiup sanaartukkanik aserfallatsaaliuisartuanik pedel qanimut suleqatsigalugit isumaginnittassaaq.
Kollegianut immikkoortortaqarfimmi ilaapput illut kollegiat 21-t inissiallu 16-it missaanniittut. 

Atorfik ingerlatsinermut aqutsisumut akisussaassuseqarfeqarpoq.
Illunik nakkutilliinermi ataqatigiissaarisutut atorfik nutaajuvoq, uagullu soorunami takorloorparput sunik tamanik suliaqarsinnaasumik atorfinitsitsinissarput.

Illunik nakkutilliinermi ataqatigiissaarisup pingaarnertut akisussaaffigisassai:

  • Kollegiat pillugit allaffissornermik ingerlatsinermut aamma aserfallatsaaliuisarnermut sullissinermut aqutsisoq peqatigalugu periutsinik pilersaarutinillu suliaqartarneq ineriartortitsinerlu
  • Atuarfiup illuutai pillugit sullissinermut aqutsisoq peqatigalugu periutsinik pilersaarutinillu suliaqartarneq ineriartortitsinerlu
  • Kollegiani aamma atuarfiup illuutaani allani isumannaallisaanermik qulakkeerinninnissaq, tassunga ilanngullugit ikuallattoortoqarnerani ilitsersuutit, upalungaarsimanermi pilersaarusiorneq aamma inunnik qimarngutitsinermut sungiusartitsinerit sullissinermut aqutsisoq suleqatigalugu isumagineqarnissaannut qulakkeerinneqataanissaq
  • Upalungaarsimanermut pilersaarummut AC-fuldmægtigi aamma SISU peqatigalugit akisussaaffiginera, kiisalu atuarfimmi aamma kollegiani upalungaarsimanermut sungiusartitsinernut akisussaasuuneq
  • Sullissinermut aqutsisumut allaffissornikkut tapersersuinissaq
  • IKIIIN-imi suliniutinut aqutsisup suliaanut annertuunut attaveqaqateqarneq
  • Sullissinermut aqutsisumut taartaasarneq
  • Namminersorlutik Oqartussanut atuarfimmik aamma kollegianik ingerlatsinermut aamma aserfallatsaaliuisarnermut attaveqaqateqartarnerup isumaginissaa
  • Pedelip suliassaanik ataqatigiissaarisarneq
  • Toqqorsivimmut ittujaagassanik pisiniartarneq
  • Missingersuusiorneq immikkoortortami
     

Piginnaasat kissaatigineqartut:

  • Kollegianik ingerlatsinermut missingersuusiortarnermut illunik nakkutilliinermi ataqatigiissaarisoq akisussaasuuvoq
  • Atuarfiup illuutaanik aserfallatsaaliuisarnermik ingerlatsineq
  • Sulisartutut ilinniagaqarneq aamma/immaqa misilittagaqarneq piginnaaneqarnerlu vvs-imik imaluunniit innaallagisserisutut suliaqarnermik
  • Aserfallatsaaliuisarnermik suliassanik isumagisaqartarneq
  • Attaveqaqatigiinnermut piginnaasanik pikkorissuuneq
  • Kollegianut aamma allanut soqutigisaqartunut aalajangersimasumik kiinnertarnissaq
  • Biilersinnaanermut allagartaqarneq.


Neqeroorutigaavut

  • Suleqatit pimoorussisut
  • Annertuumik akisussaaffeqarnissamut periarfissaqarneq aamma suliassat namminersuutissat
  • Ujakkaarnissamut, qajartornissamut aamma adventure raceqarnissamut asseqanngitsunik periarfissaqarneq
  • Sulisunut ajunngitsorsiassat, soorlu assersuutigalugu timersortarfimmut isersinnaaneq, qaannamik sisoraatinillu atorsinnaaneq.

Atorfik decemberip aallaqqaataani 2019-imi imaluunniit tamatuma kingornatigut piaarnerpaamik inuttalerneqarnissaa kissaatigineqarpoq. 

Atorfik pillugu paasissutissat Peter Frederik Gedionsen pfge@gux-aasiaat.gl +299 56 48 80-imut saaffiginninnikkut pissarsiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk