Skip to main content
116

Dette jobopslag er udløbet

Gertrud Rask Minde Sisimiuniittoq pisortassarsiorpoq

Suliatigut misilittagaqarluartuuit aamma aqutsinermik misilittagaqarpit – taava una atorfik illit pilerigissavat?
 
Pitsaaliuinermik aamma Isumaginninnermut Aqutsisoqarfiup Ulloq- unnuarlu kiisalu inuttassarsiuussinermut Immikkoortortaqarfia, Gertrud Rask Minde Sisimiuniittoq pisortassarsiorpoq.

Gertrud Rask Minde ulloq unnuarlu angerlarsimaffiuvoq meeqqanut innarluuteqartunut 4-18 ukiulinnut.

Meeqqanut immikkoortortat marluupput. Meeqqanut immikkoortortaq taaneqartartoq Nanuaqqat meeqqanut timimikkut annertuumik innarluuteqartunut arfinilinnut inissaqarpoq taavalu meeqqanut immikkoortortap aappaa taaneqartartoq Akulliit meeqqanut arfineq pingasunut ADHD-mik Autismespektrum innarluutlinnut, tusilartunut/ tusaaniarnermillu ajornartorsiuteqartunut ineriartornermikkullu ajornartorsiuteqartunut angerlarsimaffiuvoq.
Ulloq unnuarlu angerlarsimaffik 40 missaannik katillugit sulisoqarpoq.
 
Neqeroorutigaagut:

  • Assigiinngiiaartunik piginnaasaqarluartunik aqutsisunik suleqateqarnissamut periarfissaqarneq
  • Suleriaatsinik nutaanik sunniuteqarluarsinnaaneq kiisalu ullup ingerlanissaanik
  • Suliffeqarfik ineriartornermik ilinniartitaanermillu pingaartitsisoq
  • Perorsaanikkut- aqutsinermilu unammillernartunik suliaqarneq ineriartornerlu
  • Ulloq unnuarlu - kiisalu inuttassarsiuussisarnermik Immikkoortortaqarfik aqutsisuusoq peqatigalugu isummanik siunnersuutinik il.il. avitseqatigiinneq
  • Sulianut tunngatillugu avitseqatigiinneq kiisalu pisortaqatinik allanik peqateqarluni tapersersoqatigiinneq
  • Pisortat forstanderit ataatsimeeersuarnerini ukiumoortumik ingerlanneqarnerani peqataaneq

 
Kissaatigaarput illit:

  • Perorsaasutut ilinniagaqarsimanissat imaluunniit isumaginninnermut tunngasumik ilinniagaqarsimanissat
  • Sullitanut tunngasunik ilisimasaqarnissat misilittagaqarnissallu 
  • Inatsisinik ilisimasaqarnissat 
  • Allaffissornikkut aningaasatigullu aqutsinermik misilittagaqarnissat ilisimasaqarnissallu
  • Pitsaasumik inuunermik isiginnittaaseqarnissat kiisalu ineriartuutaasumik pitsaasunik  attaveqalersitsisinnaasoq
  • Anguniagaqarusullutit takorluugaqarlutillu suliaqarusussuseqarnissat
  • Aqutsinermik misilittagqarnissaq suliassanillu agguaasinnaasoq
  • Namminersorlutik oqartussat ulloq unnuarlu angerlarsimaffiutaani allanik suleqateqarusussuseqarsinnaasoq
  • Ulloq unnuarlu- kiisalu inuttassarsiuussinermut Immikkoortortaq qanimut suleqatigalugu pitsaasumik ineriartuutaasumik suleqateqarusussuseqarnissat 


Meeqqat inuusuttuaqqallu ulloq unnuarlu angerlarsimaffiini sulinermik misilittagaqarnissat  
 
Taamatuttaarlu kissaatigaarput danskisut kalaallisullu oqaaseqartuunissat kiisalu kalaallit kulturiannik inuiaqatigiinnillu paasinninnilluartuunissat.
 
Paasissutissat allat
Sapaatip akunneranut nalunaaquttap akunnerini 40-ni sulinissaq.
Atorfimmut tunngasunik paasisaqarnerorusukkuit ulloq- unnuarlu kiisalu inuttassarsiuussinermik Immikkoortortaqarfimmi pisortamut tullersortaasoq Karina Ivalo Kleist attavigissallugu tikilluaqqusaavutit, E-mail: kaik@nanoq.gl oqarasuaat.: +299 34 69 54.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaat
Atorfimmut qinnuteqaat ilinniagaqarsimanermut uppernarsaatinik, pinerlussimannginnermut uppernarsaammik kiisalu siusinnerusukkut ulloq unnuarlu- kiisalu Inuttassarsiuussisarnermut Immikkoortortaqarfimmit sulilersinnaanermik uppernarsaatinik pissarsiniarsinnaatitaanera. Taamatuttaarlu meeqqanik pinerluuteqarsimannginnermut allagartamik nassiussisoqassaaq.
Ulloq qinnuteqarfissaq kingulleq 15. Oktober 2020.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk