Skip to main content
159

Dette jobopslag er udløbet

EUD/TNI Ilinniagarnermut pisortassarsiorpoq

Campus Kujalleq Qaqortumi EUD/TNI ilinniagaqarnermut pisortassarsiorpoq decemberip 1-anit 2022 tamatumaluunniit kinguninnguatigut sulilersussamik

EUD/TNI-ilinniagaqarnermut pisortaq, atuarfimmi inuussutissarsiornermik ilinniakkanut akisussaasuuvoq, ilinniartitsisullu 10 missaaniipput, TNI-mik ilinniakkanut assigiinngitsunut agguataarsimasut ulluinnarni aqutaralugit.
Campus Kujalleq, Niuernermik Ilinniarfik Qaqortoq aammalu Kujataani Ilinniarnertuunngorniarfiup kattunneratigut pilersinneqarpoq, katillugillu 50 missaannik amerlatigisunik atuartitsisoqarluni, sulisullu allat 30 missaannik amerlassusillit, aammalu ukiumut 300 missaannik ilinniartoqartarluni.
Atuarfissuup pitsaasup, naqimaatsup aammalu inerikkiartortup, ineriartortinnera peqataaffigissavat.
Pingaaruteqarpoq:

  • Pisortaq peqatigilluinnarlugu atuarfiup nalinginnaasumik ulluinnarnilu ingerlanneqarnera, suleqataaffigissagit
  • Ilinniagaqarnermik sammisanut, inuussutissarsiornikkullu pissutsinut, soqutinnginnittuunissat
  • Ilinniakkat ilusilersornerannik imarisaannillu, ilisimasaqarluassasutit
  • Aqutsinermik misilittagaqarnisssat
  • Ammasuunissat, naalaarsinnaasutit, suleqativillu sulinerminnik atugaannut, soqutiginnillutit
  • Akisussaassuseqartutit, takorluuisinnaassuseqarlutit, taamaakkaluartorlu aamma ullut assigiinngissitaarsinaasut sulinermi peqataaffigissagitit

Atorfik akissaateqarfimmi LR 36-mi maanna inissisimavoq.
LR 36-mi akissarsiat imak isumaqatigiissutigineqarnikuupput qaammammut tunngaviusumik aningaasarsiarititaasoq kr. 34.654,69 + tapiliussaq kr. 15.636,58 = katillugit kr. 50.291,27 ukiumullu kr. 603.496 tunngaviusumik aningaassarsiarititaasoq tapillu aalajangersimasut ilanngulugit.
Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.
Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimmisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.
Aallaaviusumik sapaatip akunnerani suliffiuvoq akunneri 40-t, atorfimmi qaanngiuttornermusiaqarsinnaavoq ukiumoortumut akunnerit 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaanni ajunngitorsiassaqarfiunngilaq.
Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput. Atorfik allaffissornermi aqutsinermik atorfiuvoq saniatigullu ilinniartitsissagaluarpat ajunngitsorsiaqaataanavianngilaq piffissamik aningaasanilluunniit.

Najugaq
Atorfimmut atatillugu, immikkut pequsersorneqanngitsumik, maleruagassat sukkulluunniit atuuttut naapertorlugit, inimik innersuussisoqarsinnaavoq. Inimut, inillu qularnaviikkuserneranut akiligassat maleruagassat sukkulluunniit atuuttut naapertorlugit, inimut innersuussamut akilerneqartassapput. Ini innersuussaq atorfimmut atatinneqarmat, atorfiup pigiunnaarnerani qimanneqartussaassaaq.
Ineqarnermut akiliut, aammalu inip pitsaassusaa nikerarsinnaapput, inip pisoqaassusaa piginnittuilu, allallu pissutsit apeqqutaallutik. Alajangersimasumik ineqalersinnaaneq utaqqinarsinnaasarpoq, taamaattumillu utaqqiisiigallartumik inissiisoqarsinnaalluni, najugaqarfinni minnerusuni imaluunniit hotelitut inissiani, akileraarfiusussani.
Atorfininnermut atatillugu - sivikinnerpaamillu ukiut pingasut atorfeqareernerup kingorna, akiliunneqarluni angalasoqarsinnaavoq, maleruagassat atuuttuusut malillugit.

Paasissutissat sukumiinerusut pineqarsinnaapput forstander Stinus Silassen, e-mail si@cak.gl saaffigineratigut. Atuarfik pillugu paasissutissanik sukumiiinerusunik uunga saaffiginnissinnaavutit www.cak.gl.
Qinnuteqaat ilanngutanik imalik ugguuna uploaderneqarsinnaavoq http://naalakkersuisut.gl/da/Naalakkersuisut/Job/Ledige-stillinger kingusinnerpaamik 3. oktober 2022, uagutsinnit atuarneqarsinnaanngorlugu.
 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk