Find job
Dette jobopslag er udløbet
Ernisimanermut atatillugu paarlattaasussamik nutserisumik / konsulent-imik
Nutserisutut ilinniagaqarpit, imaluunniit oqaatsinut tunngasunik nuannarisaqarluarpit suliaqarnissamut?
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik siunnersortimik erninermut atatillugu paarlattaasussamik pissarsiorpoq
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik nutaamik erninermut atatillugu paarlattaasussamik suleqatissarsiorpoq, naalakkersuisoqarfik tamarmi akimorlugu nutsereqataanissamut pitsaassutsimillu qulakkeerinninnissamut suleqataasussamik.
Naalakkersuisoqarfik 40-t missaannik sulisoqarpoq, immikkoortortat sisamaasunut agguataarneqarput (Sullissinermut, Aningaasaqarnermut Sulisoqarnermullu Immikkoortortaqarfik, Pinngortitamut Immikkoortortaqarfik, Silap pissusianut Immikkoortortaqarfik, Nunalerinermut, Imminut Pilersornermut aammalu Nukissiutinut Immikkoortortaqarfik,
Avatangiisinut- Upalungaarsimanermullu Immikkoortortaqarfik kiisalu Aatsitassanik suliassaqarfinnut Avatangiisinut Aqutsisoqarfik. Aammattaaq naalakkersuisoqarfiup ataaniipput Pinngortitaleriffik kiisalu Asiaq.
Ineriartorneq ukkataraarput kiisalu naalakkersuisoqarfiup aaqqissuussaanikkut- sulisullu ineriartornissaat. Ulluinnarni ataatsimoorussamik naleqartitatut toqqammaveqarluni sulisarpugut, ukuuppullu:
- Qaffasittumik sulianik ilisimasaqassuseq
- Suleqatigiinneq
- Ilakkuminartuunissaq sullisserusussuseqarnerlu
- Suliassanut pikkorissuseq
Ulloq sulilerfissaq: 15. maj isumaqatigiissuteqarnikkulluunniit.
Suliassatit
Sullissinermut, Aningaasaqarnermut Sulisoqarnermullu immikkoortortamut ilaatinneqassaatit, kisianni naalakkersuisoqarfiup sulisuinit tamanit suleqatitut qujarunneqassaatit. Nutsereqataasassaatit allaatigisallu pitsaassusissaannik qulakkeerinnittassallutit, taamaattumillu aqutsisut qanimut suleqatigissavatit aammalu immikkoortortani allani suleqatitit suleqatigisassavatit.
Naalakkersuisoqarfiup suliaanik paasitinneqalertussaatit, politikkikkut suleriiatsinik kiisalu qanimut politikkikkut ingerlatsineq. Kalaallisuumiit danskisut nutserinermut pikkorittuussaatit, allaatigisallu oqaasertai paasiuminartumik – oqaatsit marluk atorlugit paasiuminartumik nutserisassallutit.
Naatsorsuutigissavat suliassatit pingaarnerit tassaammata:
Nutsikkanik pitsaassusaannik qulakkeerinninnissaq
- Danskisuumiit kalaallisut nutserineq paarlattuanillu
- Naalakkersuisumit, Naalakkersuisunit kiisalu Inatsisartunit suliassanik nutserineq
- Inatsisissatut siunnersuutinik nutserineq, nalunaarusianik annertuunik allakkanillu nutserineq
- Sullissinermut, Aningaasaqarnermut Sulisoqarnermullu immikkoortortami suliassat allat
Piginnaasassat
Taamatuttaaq naatsorsuutigaarput, illit:
- Nutserisutut ilinniarsimasuunissat imaluunniit oqaatsinik kukkunersiuilluarsinnaanissat
- Ullormut suliassanik assigiinngiiaartunik ulluinnarni ulapaarfiusumi sulilluarnissat/ingerlalluarnissat
- Suleqatikkuminartuunissat
- Aaqqissuulluakkamik, peqqissaartumik piffissaliunneqarsimasunillu eqquutitsinissamut qulakkeerinnissinnaaneq
- Namminerisamik sulisinnaaneq pilertortumillu allassinnaanissaq
- Inunnik assigiinngitsorpassuarnik suliaqartunik suleqateqarsinnaaneq
- Qiimasuuneq suleqatinillu pitsaasunik peqateqarluni sulilluarsinnaaneq
Paasisaqarnerorusuppit?
Atorfimmut tunngasumik paasissutissanik amerlanerusunik paasiniaasoqarsinnaavoq, immikkoortortami pisortamut Paninnguaq Kristiansen-imut saaffiginninnikkut, oqarasuaat. +299 345416, e-mail: pcni@nanoq.gl.
Qinnuteqarfissamut killigititaq
Qinnuteqaat CV ilanngullugu, soraarummeernermullu uppernarsaatit assilineqarneri ilanngullugit ataani attavissatut allassimasumut nassiunneqassapput kingusinnerpaamik ulloq 21. Maj 2023. Ataavartumik qinnuteqartunik oqaloqateqartoqartarsinnaasassooq.
e-mail aqqutigalugu qinnuteqaatit tiguneq ajorpagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job