Skip to main content
79

Dette jobopslag er udløbet

Erninermi sulinngiffeqarnermut atatillugu kalaallisuuliornermik ilinniarfik overassistent-issarsiorpoq

Kalaallisuuliornermik Ilinniarfimmi Overassistenti
Overassistent-ip akisussaaffigaa Kalaallisuuliornermik ilinniarfimmi allaffissornerit assigiinngitsut. Soorlu: aningaasarsiassanut nalunaarsuineq, Namminersorlutik oqartussat IRIS/XAL-systemiat atorlugu bogføriinerit, afstemninginut malittarinninneq, angalanissamut inniminniissussinerit, angalareernermi naatsorsuutinik suliaqarneq. Ilinniartut ilinniariarnerannut sullissineq, pikkorissartussaqartillugu allaffissuussinerit, ukiumut aningaasaqarnermut missingersuutinut malittarinninneq. Isertitanik naatsorsuinerit. Pigisanik nioqqutinik malinnaaviginninnerit. Allaffissornermullu tunngasut allat.

Naatsorsuutigaarput:

  • EVU/HK imaluunniit allaffissornikkut ilinniagaqarsimanissat
  • Qulaani taakkartorneqartunut assingusumik misilittagaqarnissat
  • Qarasaasiarsornermut misilittagaqarluarnissat
  • Suleqatiginnissinnaalluartuunissat, Akisussaaffimmik tigusilluarsinnaasoq,
  • Sullissilluarusuttuunissat
  • Kalaallisut Qallunaatut Tuluttullu paasisinnaanissat


Ilinniarfik pillugu
Kalaallisuuliornermik Ilinniarfik Ilinniartitaanermut, Kultureqarnermut, Ilageeqarnermullu Naalakkersuisoqarfiup ataani immikkoortortaqarfiuvoq Sisimiuni inissisimasoq. Arfinilinnik sulisoqarpoq, pisortaq, allaffimmioq, ilinniartitsisut pingasut saniatigullu ikiorti. Nunatsinnilu kisiartaalluni kalaallisuut pillugit ilinniarfiulluni.

Atorfik pineqartoq pillugu sukumiinerusumik paasisaqarusukkuit Kalaallisuuliornermik Ilinniarfiup pisortaa attavigineqarsinnaavoq.
Kirstine Berthelsen Mail: kirstine@kalilin.gl imaluunniit kalilin@kalilin.gl Tlf: 86 69 09.

Atorfiniffissamut ulluliussaq:
01. Maj 2021 atorfinittoqassaaq, Imaluunniit isumaqatigiinnikkut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk