Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi erngup nukinganut neqeroortitsinermut, tamanut nukissiamik pilersuinermut, nunalerinermut silallu pissusaanut inatsisilerituutut atorfeqarallartussamik

Atorfik pillugu
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik immikkut siunnersortimik / Siunnersortit pisortaannik ataatsimik atorfeqarallartussamik sulisussarsiorpoq, Nunalerinermut, Nukissiuutinut Silallu pissusaanut immikkoortortaqarfimmiittussamik.

Tassani suliassaqarfimmi suleqatissatit peqatigalugit nunalerinerup ineriartortinneqarneranik mingutsitsinngitsumullu allanngoriartortitsinerup nukittorsarnissaanik suliaqarnermi ilaalissaatit.

Politikkikkut ineriartortitsinermut Naalakkersuisumillu sullissinermut tunngatillugu qitiusumi inissisimalissaatit. Suliassat tassaassapput nunalerinermut, nukissiuutit silallu pissusaata iluani ingerlaavartumik inatsisilerinikkut suliassat, ilanngullugit pingaartumik ataavartumik nukissiornerup aamma erngup nukinganik periarfissaqarfiusunik neqeroortitsinerup iluanni politikkit kiisalu silap pissusaanut suliassaqarfimmi misissueqqissaarnernut kiisalu suliniutissanut nunalerinermik ineriartortitsisussanut atatillugu ikiuunneq.

Suleqatissatit peqatigalugit Nukissiorfinnut ulluinnarni nukissiamik pilersuinermik pilersaarusiortartumut ingerlatsisumullu ataqatigiissitsisartunngussaatit.

Suliassatit naleqqussarneqassapput, taamaalillutit piginnaasaqarfernut naleqqunnerpaanik suliaqalissallutit:
 

• Politikerinik sullissineq
• Ataavartumik nukissiornermut, nunalerinermut silallu pissusaanut politikkikkut suliniutissanut atatillugu inatsisilerinikkut siunnersuinermik misissueqqissaarnernillu suliaqarneq
• Immikkoortortaqarfinnut oqartussanullu allanut, ilanngullugu Nukissiorfiit, suliassaqarfiit akimorlugit ataqatigiissaarisutut suliaqarnerit
• Paasissutissiisarnermik suliassat, soorlu assersuutigalugu tusagassiuutitigut nalunaarutinik, oqalugiaatissanik paasititsiniaanernullu ilassutissanik suliaqarneq
• Kalaallit Nunaanni erngup nukinganik periarfissaqarfinnik neqeroortitsinermut atorneqartussanik misissueqqissaarnerit
• Aningaasaqarnermik missingersuutinillu aqutsineq, suliassanik suliarinninneq kiisalu allattoqarfittut suliaqarnerit

Illit pillutit
Inatsisilerinikkut sulisussamik, politikkerit qanillugit ataavartumik nukissiuutinut silallu pissusaanut politikkimik suliaqarnissamik piumassuseqartumik sulisussarsiorpugut. Politikkikkut aaqqissuussaanermit aamma/imaluunniit namminersorlutik inuussutissarsiortunit misilittagaqaruit aammalu ataavartumik nukissiuutinut paasisimasaqarlutit, iluaqutaassaaq. Annertoorsuarmik sapiissuseqassaatit suliassallu inernissaat sioqqutsisumik ilisimanngisatta suliarinissaat nuannarissallugu.

Taamaattumik iluarissavarput, illit:

• Inatsisilerituutut ilinniagartuutut (cand.jur) assigisaanulluunniit suliassanut naleqquttunut ilinniagaqarsimaguit
• Suliassaqarfiit nunalerinerup, nukissiuutit silallu pissusaata iluanni inatsisilerinikkut misilittagaqaruit
• Ajornartorsiutit paasiuminaatsut ersarissumik attaveqaqatigiissutigillaqqikkitit aammalu allattariarsornikkut oqaluinnarnikkullu ersarissuuguit
• Namminersorlutit sulisinnaaguit, aaqqiissutissanik pingaartitsisuuguit aammalu suliniutinut annertunerusunut paasisimaarinnittaruit
• Aaqqissuussaanermit politikkikkut aqunneqartumit aamma/imaluunniit namminersorluni inuussutissarsiortunit misilittagaqaruit
• Suliassat allanngorartuusarnerat nuannarigukku
• Allanngorartitsisinnaaguit, peqqissaartuuguit aammalu ajornartorsiutit aaqqiiviginissaannut misissueqqissaarnermik periaaseqaruit
• Kalaallit Nunaannut ilisimasaqaruit iluaqutaassaaq
• Nukissiuutinut suliassaqarfik pillugu nalinginnaasumik ilisimasaqarneq iluaqutaassaaq

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillugu
Inuiaqatigiinnut kalaallinut suliassanik pingaarutilinnik kivitsisuuvugut aammalu ulluinnatsinni nuannersumik pissusilersortarneq malunnarpoq aammalu angusassanut nammineq inuttut sunniinissamut inissaqartitsisoqarluni. Ineriartortitsinermut pissanganartunik suliassarpassuaqarpugut, aammalu sullivimmi ineriartorsinnaallutit misigisimanissat pingaartipparput. Naalakkersuisoqarfimmi sulisut 40-t missaanniippugut. Tamatuma saniatigut ilaatigut Nukissiorfiit, Kalaallit Nunaanni nukissiamik pilersuisuusoq, Naalakkersuisoqarfiup ataani immikkoortortaavoq.

Aningaasarsiat atorfininnermullu tunngasut
Aningaasarsianut atorfininnermullu atugassarititaasut, ilanngullugit atorfininnermi soraarnermilu akiliunneqarluni angalasinnaatitaaneq pequtillu nuutinnissaat, atorfininnerup nalaani Namminersorlutik Oqartussat aammalu kattuffiup isumaqatiginninniarsinnaatitaasup pineqartup akornanni isumaqatigiissut/sulisartut isumaqatigiissutaat naapertorlugu pissapput.

Atorfininneq Immikkut siunnersortitut / Siunnersortit pisortaattut pisinnaavoq, aammalu immikkut siunnersorti / siunnersortit pisortaat qinnuteqartunut eqqortumik uppernarsarneqarsinnaasunik piginnaaneqartunut neqeroorutigineqarsinnaavoq.
Piffissaq suliffiusussaq aallaaviatigut sapaatip akunneranut nalunaaquttap akunneri 40-nik sivisussuseqarpoq.

Atorfininnissaq 1. oktobari 2023 imaluunniit tamatuma kingorna sapinngisamik piaarnerpaamik, piffissami sivikitsumi qaammatini pingasuni, sivisunerusumilluunniit sulilertussamik

Qinnuteqarnissamut killigitinneqarpoq 28. septembari 2023. Ingerlaavartumik atorfinitsitsinissamut oqaloqateqarnerit ingerlatissavagut.

Ineqarneq
Atorfimmut atatillugu sulisunut inissiamut innersuussisoqassanngilaq. Qinnuteqartoq Namminersorlutik Oqartussani atorfeqarnermini sulisunut inissiameereersimappat, sulisunut inissiamik innersuussisinnaatitaaneq attatiinnarneqassaaq. Sulisunut inissiaq atorfeqarnermut atatinneqarpoq, aammalu atorfeqarnerup unitsinneqarnerani qimanneqartussaalluni.

Paasissutissat annertunerusut
Atorfik pillugu annertunerusunik paasisaqarusukkuit imaluunniit Namminersorlutik Oqartussani sulineq qanorinnersoq apeqqutissaqaruit, immikkoortortaqarfimmi pisortaq Ane Wraae Nielsen, attaveqarfigisinnaavat oqarasuaammut: +299 34 56 59.

Qinnuteqaat, CV, ilinniarsimanermut pikkorissarsimanermullu uppernarsaatit, kiisalu allakkiat attuumassutillit allat nassiutikkit una toorlugu ”Qinnuteqaat nassiuguk”. Qinnuteqaatinik e-mailikkut tigusisanngilagut.

Qinnuteqaat nassiuguk