Skip to main content
159

Dette jobopslag er udløbet

Digitaliseriinermut Aqutsisoqarfimmut aqutsisoqarfimmi pisortaq

Nunatsinni Digitaliseriinikkut periusissamik naammassinninnissamik qulakkeerinninnissamut piginnaaneqarlutillu aqutsinermi piginnaatitaaffeqarpit, peqatigisaanillu Nunatsinni Namminersorlutik Oqartussat IT-kkut ingerlatsinernik tapersersuisarnernillu tatiginaartumik aqutsisinnaaneq niuernikkullu sammisaqarneq qulakkeersinnaallugu? Taava immaqa aqutsisoqarfimmi pisortarilersinnaavatsigit!

Nunatsinni pisortaqarfinni ataatsimoorussamik qarasaasialerineq aamma digitalinngorsaaneq sukkasoorujussuarmik ineriartorpoq. Aqutsisoqarfimmi pisortassarsiorpugut, taassumalu maannakkut periaatsit naammassineqarnissaat qulakkiissavaa. Aqutsisoqarfimmi pisortaq pilersaarusiornermut tunngasutigut qaffasissusilimmik sulisinnaassuseqassaaq, soqutigisaqaqatigiinnillu assigiinngitsunit tapersersorneqarluarnissaq qulakkeerniassallugu attaveqaqateqartarnikkut annertuumik piginnaaneqassalluni, kiisalu suliamik ilisimasaqarluartut immikkullu piginnaanilinnik aqutsinissamut piginnaasaqassaaq.

Digitaliseriinermut Aqutsisoqarfik suliffeqarfiuvoq aallarterlaaq akisussaaffigai Namminersorlutik Oqartussat Qitiusumik allattoqarfiani, IT-t, isumaqatigiissutinik- aammalu akuersissutinik aqutsinerit, atortunik piginnittuunerit, Telemut paasissutissanullu attaveqaatit, digitaliseriinikkut suliniutit, IT-mik ineriartortitsinerit piviusunngortitsinerit, isumannaallisaanermut digitaliseeriinermullu periusissat kiisalu IT-p digitaliseeriinerullu iluani nuna tamakkerlugu aalajangersimasunik malinneqartartussanik aalajangersakkanik ineriartortitsinerit. Pingaaruteqarpoq, Aqutsisoqarfimmi pisortap digitaliseriinermut aqutsisoqarfiup nammineq suliassaqarfigisami aqutsiffiusup saniatigut periuusissianut attuumassutillit tapersersuinissamik qulakkeerinnittarnernik misilittagaqarneq.
Aqutsisoqarfik pingasunik immikkoortortaqarfeqarpoq tamarmik immikkut immikkoortortaqarfimmut pisortaqarlutik. Immikkoortortaqarfiit taakku pingasut katillugu 27-nik sulisoqarput.

Naatsorsuutigaarput, makkuninnga piginnaasaqartutit: 
Pisinnaasat
Aaqqissuussaassuseqarfimmi politikkikkut aqunneqartumi aqutsinermik misilittagaqarneq.
Atituumik suleqatigiisitsinermik ataatsimullu isiginnissinnaanermik misilittagalik.
Suliassaqarfiit ataani ataatsimi arlalinniluunniit sammisat iluini aqutsinikkut misilittagaqaruit Iluaqutaassaqaaq, kisiannili piumasaqaataanngilaq:

  • Digitaliseriineq, taakkununnga ilaallutik periaatsinik ineriartortitsinerit piviusunngortitsinerillu
  • Qarasaasiatigut attaveqarnikkut suliassanik ingerlatsisarnikkut atortutigut periutsit
  • Niuernikkut- aammalu IT-kkut atortunik ilusilersuisarnertigut ineriartortitsisarnerit

 
Aqutsisarnertigut piginnaasat

  • Minnerpaamik ukiuni pingasuni aqutsisutut misilittagaqarneq
  • Pingaarnertigut anguniagassat periusissallu naammassinissaannut tunngatillugu anguniakkanik pilersitsisinnaanernut uppernarsaatilimmik misilittagaqarneq.
  • Aaqqissugaanermi sutigut tamatigut anguniakkatigut iliuusissaatigullu attaveqaqatigiittarnernut tunngatillugu sakkortuumik sunniisinnaassuseqarnermik misilittagaqarneq.
  • Pisortat tullii aqqutsigalugit inernernik pilersitsisarnernik misilittagaqarneq
  • Inerniliilluarsinnaanerup ineriartortitsisinnaanerup aalajaatsumillu ingerlatsisinnaanerup akornanni oqimaaqatigiisitsisinnaanermik nassaarsinnaanermik piginnaasaqarnerup saniatigut suliffeqarfimmi qaffasissumik atugarissaarnermik qulakkeerinnissinnaasuutit.
  • Aningaasaqarnikkut sinaakkutinik missingersuutinillu aqutsisarnernik misilittagaqarneq.

Inuttut piginnaasat

  • Inuttut ajunngitsuuvutit, iliuuseqarsinnaassuseqartuuvutit suleriaatsimillu isumaliortaatsimut naleqquttumik angusaqarniartartuuvutit.
  • Suliffeqarfiup iluanit avataanillu pitsaasumik attavissarsiullaqqissuuvutit, taakkununnga ilaallutik sulisunik siunnerfimmut ataatsimut ingerlalertitsinissamut peqataatitsilersinnaanermut kajumissaarisinnaanermullu piginnaasaqartuuvutit.
  • Pitsaasumik politikkikkut ilisimasaqarluartuuvutit
  • Kalaallit oqaasiinik kulturianillu ilisimasaqarluartuuvutit.

 
Pissusissatigut piginnaasat

  • Ilisimatusarnermut attuumassutilimmik ilinniagalik
  • Aqutsisutut ilinniagaqarsimanermik tapertalik

Neqeroorutigaavut.

  • Atorfik pissanganartoq, tassanilu illit nammineq inuiaqatigiit kalaallit digitalitigut ineriartortinneqarnerat toqqaannartumik sunniuteqarfigissavat
  • Namminersorlutik Oqartussani digitatale-mut  aalajangiisarnernik sunniuteqarnissamut annertuumik periarfissaqarpoq.
  • Suleqatigiit suliatigut pikkorissuseqarluarlutillu peqataalluartunik sulisulik.

 

 

Aningaasarsiaqartitaanermi atorfeqartitaanermilu atugassarititaasut: 
Atorfik akissaateqarfimmi LR 39/40-mi maanna inissisimavoq.
1. april 2017 LR 39-mi akissarsiat imak isumaqagitiissutigineqarnikuupput qaamammut  Kr. 64.245 ukiumullu Kr. 770.944, tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk