Skip to main content
113

Dette jobopslag er udløbet

DcR-imi Naatsorsuuserisuni nakkutilliisoq

Naatsorsuuserisut pisortaqarfimmi naatsorsuuserinermik suliffimmi pissanganartumi nakkutilliisussarsiorput. Suliassat assigiinngisitaartut suliatigullu ineriartornissamik periarfissaq neqeroorutigaavut.
 
Naatsorsuuserisut nutaajukannerput Namminersorlutillu Oqartussani naatsorsuutinut tunngasunik sulianik assigiinngitsunik suliaqartarlutik. Nunatta Karsiata naatsorsuutai ilaatigut suliarisarpavut. 
Naatsorsuuserisut DcR-imi suliassat isumagisarpaat, aamma illit akiligassaleriffimmut, akiligassaqarfigisalerisarfimmut aningaasaqarnermullu tunngasuni naatsorsuuserinermi suliassat assigiinngitsorpassuit suleqatitaatit nutaat suleqatigalugit suliarisassavatit. Taamaattumik DcR-imi immikkoortortaqarfiit taamatuttaarlu naalakkersuisoqarfiit suliassaqarfiillu allat suliatigut paasisimasatit atorlugit ikorfartorumaakkatit qanimut suleqatigaavut.
 
Suliarisartagassatit:

  • DcR-ip susassaqarfiillu naatsorsuuserinermi suliassaannik ataqatigiissaarineq nakkutilliinerlu
  • Statuskontunik naligiissaarinerit malitseqartitsinerillu
  • Namminersorlutik Oqartussat akiligassaqarfiinik akiligassalinnillu naligiissaarinerit
  • Periutsit naleqqussarneqarnerannut/ineriartortinneqarnerannut suliassanut peqataaneq
  • Ineriartortitassanik tamanik piviusunngortitsineq
  • Sulinermi periutsinut najoqqutassanik pitsaasunik suliaqarneq
  • ERP systemip nutaap atuutilernissaanut atatillugu akiligassalinnut akiligassaqarfinnullu aqutsissutinik pisortat ataatsimoorussaannik ineriartortitsineq/naleqqussaaneq aserfallatsaaliuinerillu suliassaqarfiit allat suleqatigineratigut suliassavit ilagissavaat
  • Nukinginnartumik suliassat


Suliatigut piginnaasassatit
Suleqammik naatsorsuuserinermi sulianut piginnaasaqarluartumik, suliaqarnermi ilitsersuutinik siunnersuutinillu malinnissinnaasumik ujarlerpugut. Taakkua saniatigut erseqqissumik oqaloqateqarsinnaaneq kiisalu paasissutissanik ujartuisinnaaneq ingerlatitseqqissinnaanerlu pingaartuutippavut.

  • Ilinniakkamik naleqquttumik assersuutigalugu aningaasaqarnermik aamma pigisanik nalilinnik aqutsinermik qaffasinnerusumik ilisimatusarnermik imaluunniit naatsorsuuserinermut tunngasumik bacheloritut imaluunniit kandidatitut ilinniagaqarsimanissat kissaatigaarput
  • Naatsorsuuserinermut tunngasunik ilisimasaqarputit kisitsisinillu paasisimasaqarluarlutit
  • Akiligassalinnik – aamma akiligassaqarfinnut aqutsissutinik ilisimasaqarputit
  • Aqutsissutinik aamma/imaluunniit suliassanik ajornakusoortunik suliaqarneq naammassisaqartarnerlu misilittagaqarfigaatit
  • IT-mut IT-millu aqutsissutinut piginnaasaqarputit, Excelimik sungiussisimanerit ingammik pingaaruteqarpoq.
  • Namminersorlutik Oqartussat IT-mik aqutsissutaat ilisimasaqarfigigukku iluaqutaassaaq
  • Ilisimasanik suliamut tunngalluinnartunik suliamut ilisimasaqanngitsunut ingerlatitseqqillaqqipputit
  • Kalaallisut danskisullu allattariarsornikkut oqaatsitigullu pisinnaasaqarfigigukkit assut iluaqutaassaaq.


Inuttut piginnaasatit. 
Nakkutilliisutut sulinermi isumaliortaatsimut naleqquttumik aaqqissuulluakkamillu suleriaaseqarnissat pingaaruteqarpoq. Suliassanik eqqorluinnartumik suliarineqartariaqartunik naammassinninniarnermi suliassat nassuiaasersuutaat, malittarisassat periaatsillu naapertorlugit sulisinnaasariaqarputit.
 
Naatsorsuuserisut suliffiup iluani avataanilu amerlasuunik suleqatigiiffeqarput, matumani ilaatigut siunersiuisarlutalu ilitsersuisarpugut. Taamaattumik illit inuttut inussiarnersuunissat suleqativillu imaluunniit immikkoortortaqarfiup siunersiorneqarnissamik ilitsersuunneqarnissamillu pisariaqartitsineranni suliannik unitsitsiinnarsinnaanissat pisariaqarpoq. Taamatuttaaq ulluinnarmut assigiinngiiaartunik nammineq pingaarnersiugassannik suliassaqarfiusumut naleqqussarsinnaasariaqarputit.
Quiasaarneq nuannarigukku, sapiissuseqaruit aaqqiissuteqarusuttumillu periaaseqaruit immikkoortortaqarfitsinni angusaqarluassaatit.

Neqeroorutigaavut:
Suliassannut nutaanut aqutsissummillu atukkatsinnut ilinniartinneqarluarneq, taamaalillutit immikkoortortaqarfimmi pissanganartumi suleqatigiinnermik siunersiuinermillu pingaartitsisumi ulluinnarni sulinissannut piareersimaniassagavit.
Suliassat pissanganartut amerlasuut suliarisarpavut inuttullu qanoq ittuussutsit soqutigisatillu apeqqutaallutik suleqatitit pikkorissut kajumissusillillu peqatigalugit suliassatit sunniuteqaqataaffigisinnaavatit suliassanillu naammassinnittarnermut ineriartortitseqataasinnaallutit.
Aammattaaq immikkoortortaqarfimmi piginnaanernik ineriartortitsinissamut pingaartitsisumi suliatigut namminerlu inuttut ineriartornissamut periarfissaqassaaq.

Qitiusumik Naatsorsuuseriffik (DCR) pillugu
DcR Namminersorlutik Oqartussani Nunatta Karsiata naatsorsuutaanut qullersaalluni akisussaavoq. DcR 40-nik sulisoqarpoq pingasunillu allaffeqarluni siunnersuisarlutillu; Akiligassaqarfigisanik- aamma Akiligassalinnik Naatsorsuuseriffik, Aningaasaqarnermut Tunngasunik- aamma Immikkut Ittumik Naatsorsuuseriffik, Naatsorsuutinik ineriartortitsinermut allaffik Naatsorsuuserisullu
 
Ulloq sulilerfissaq: 1. september 2019-imi isumaqatigiissuteqarnikkulluunniit.
 
Paasissutissat sukumiinerusut:
Apeqqutissaqaruit naatsorsuuserinermut pisortaagallartumut attaveqarsinnaavutit Mathias Laurits Mathiasenimut oqarasuaammut uunga  34 58 64 imaluunniit mailersinnaavutit uunga mamm@nanoq.gl
 
Qinnuteqaat kingusinnerpaamik ulloq 25. aggusti 2019-mi DcR-ip tigoreersimassavaa. Qinnuteqaammut cv, siusinnerusukkut atorfigisimasanit uppernarsaatit soraarummeersimanermullu uppernarsaatit ilanngullugit nassiunneqassapput.
 
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA maannakkut 110-t missaannik sulisoqarpoq. ASA naatsorsuutinik saqqummiussinernut, pisiniartarnernut politikkimut, isumaqatigiissutinut tunngasunut, akissarsianik sulisunillu sullissisarnernut, sulisunik ineriartortitsinermut, IKT-mut periusissanut, nutserisoqarnermut/oqalutseqarnermut kiisalu illuutinik ingerlatsisarnernut ilaatigut akisussaasuuvoq. 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk