Skip to main content
110

Dette jobopslag er udløbet

DcR-imi Aningaasaqarnermut naatsorsuuserisoqarfimmi allaffimmi fuldmægtigissarsiorneq

Namminersorlutik Oqartussat naatsorsuuserinermut immikkoortortaqarfiat, DcR, naatsorsuuserinermi sulisumik pikkorissumik atorfissaqartitsivoq.
Aningaasaqarnermut naatsorsuuserisoqarfik DcR-imi immikkoortortaavoq, taanna Namminersorlutik Oqartussani Aningaasaqarnermut Sulisoqarnermullu Aqutsisoqarfimmi inissisimavoq. Piffissap ilaani Aningaasaqarnermut naatsorsuuserisoqarfik ulapaarfiusarpoq, taamaattorli immikkoortortaqarfimmi suleqatigiit ikioqatigiilluartarput. Naatsorsuuserivimmi anginerusumi suleqatigiit ikittunnguuvugut.
Naatsorsuuserisoqarfimmi sulisut allat peqatigalugit suliassat pingaarnerit tassaassapput:

  • Namminersorlutik Oqartussat aningaasaateqarnikkut aqutsissutaanni  Prisme-mi IRIS-imilu aningaasaqarnikkut naatsorsuutinik nalunaarsuinerit
  • Akissarsianik ilinniagaqarnersiutinillu tunniussisarnerit
  • Naatsorsuutini akiligassanik naligiisitsineq
  • Namminersorlutik Oqartussat naatsorsuusiornermi atortagaannik IRIS-imik ilinniartitsineq ilitsersuinerluunniit
  • Aningaasaqarnermut naatsorsuuserisoqarfimmi ilinniartunik ilitsersuineq
  • Suliareqquneqartut nukinginnartut assigiinngitsut

Ilinnut naatsorsuutigisavut:

  • naatsorsuuserinermut tunngasutigut attuumassutilimmik ilinniagaqarsimasutit
  • naatsorsuuserinermi suliassanik misilittagaqartutit
  • naatsorsuuserinermut tunngatillugu inunnik allanik assigiinngitsunik suleqateqarusussuseqarlutillu ilitsersuerusussuseqartutit
  • suliassanik arlalinnik suliaqartarnerni tamakkiisumik isiginnissinnaassuseqartutit
  • Namminersorlutik Oqartussat naatsorsuuserinermi periusaannik ilisimasaqaruit iluaqutaassaaq, piumasaqaataanngilarli ilinniartitsineq ingerlanneqarumaarmat.

Neqeroorutigaavut:

  • suliffik pissanganartunik avatangiisilik
  • inuttut suliassallu tunngaasigut ineriartornerit
  • suliassarpassuit pissanganartut, illit iluarsinissaannut nammineq sunniuteqarsinnaasuullutit
  • suleqatit pikkorissut kajumissuseqartullu

Atorfiniffissaq: 1. september 2019-imi isumaqatigiissuteqarnikkulluunniit.
Atorfik pillugu paasisaqarnerorusukkuit immikkoortortaqarfimmi pisortamut Emilie NajâraK’ Brandt embr@nanoq.gl-imut imaluunniit oqarasuaat 34 64 54-mut attaveqarnissannut tikilluaqqusaavutit. Tamatuma kingorna allaffimmi pisortamut Looqi Svane-mut attaveqarnissannut tikilluaqqusaavutit < losv@nanoq.gl imaluunniit oqarasuaatikkut 34 58 30.

Qinnuteqarnissamut killissarititaq tassaavoq ulloq 25. aggusti 2019.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk