Cyber aamma paasissutissanik sillimaniarnermik suliaqarusuppit innuttaasunullu, suliffeqarfinnullu aammalu pisortaqarfinnullu allanngueqataallutit? Taava soqutigisinnaasannik pissanganartumik atorfimmik inuttassarsiuunneqarpugut.

Cyberimi paasissutissanilu sillimaniarnermik immikkoortortaqarfimmi AC-fuldmægtifimik assigiinngitsumik suliaqarsinnaasumik, sammisaq pillugu ineriartortitseqataasinnaasumik aammalu sillimaniarneq pillugu politikkinik suleriuutsinillu atuutsitsilersinnaasumik pissarsiorpugut.

Suliassat:
Immikkoortortaqarfimmi nutaami sulilissaatit, tassanilu Kalaallit Nunaanni Cyberimi paasissutissanilu sillimaniarneq pillugu ilisimasassanik siammarterisoqarniarpoq. Immikkoortortaqarfimmi aqutsisoq ilanngullugu sulisut sisamaassapput, illillu suliniummut immikkoortortaqarfik qanimut suleqatigalugu ISO-27001 atuutilersissallugu. AC-fuldmægtigisut suliassatit assigiinngiiaassapput. Cyberimi paasissutissanilu sillimaniarneq pillugu suliassani ineriartortitassani assigiinngitsuni suliaqassaatit.

Cyberimi paasissutissanilu sillimaniarneq pillugu immikkoortortaqarfimmi tunngaviusutut akisussaaffik tassaavoq Kalaallit Nunaanni pisortaqarfinnut, suliffeqarfinnut innuttaasunullu internetimi paasissutissanilu sillimaniarneq pillugu siunnersuineq ilitsersuinerlu. Uani pingaaruteqarpoq attaveqariaatsit, suliassaqarfiit akimorlugit suleqatigiissinnaaneq soqutigisalinnullu suliavit paasinartumik saqqummiunneqarsinnaanissaat.

Paasissuitssanik sillimanianeq pillugu aqutsuisoqarfimmi pilersaarusiortuussaatit, ataqatigiissaarisuullutit ingerlatsisuullutillu, sillimaniarnermullu pitsaassutsip ISO 27001-ip qitiusumik allattoqarfimmi atuutilersinneqarnissaanut aamma suliaqartuussussaallutit.

Taakkua saniatigut suliassat soqutiginartut tassaapput:

• Paasititsiniaanermut suliaqarnissanut periusissanillu inerisaanermut suleqataaneq
• Politikkinik, periutsinik, ilitsersuutinik assigisaanillu suliaqarneq ingerlaavartumillu pitsanngorsaaneq
• ISO 27001ip atuutilersinnissaanut ataqatigiissaarineq kinguneqartitsinerlu
• Nuna tamakkerlugu digitalinngortitsinermut periusissiamit suliniutinik ineriartortitsineq
• Suliassanik suussusileeqataaneq
• Qitiusumik allattoqarfimmi pikkorissartoqarnissaanik saqqummiinissanillu pilersaarusiorneq ingerlatsinerlu
• Paasissutissanik sillimaniarnernut tunngatillugu akisussaasut attaveqaataanni ataatsimiinnissanik ataqatigiissaarineq

Naatsorsuutigaarput:

• Iliuuseqarsinnaassuseqarnissat, aammalu paasissutissanik sillimaniarnerup iluani ineriartortitsillutillu ingerlatsisinnaanissat
• Suleqatikkuminartuunissat, aammalu suliassaqarfiup iluani suleqatissanut attaveqalersinnaasutit ingerlaavartitsisinnaanissallu
• Naammassisaqarusuttuunissat aammalu killigititanik aningaasaliissutinillu naammassinnissinnaanissat
• Pisortatigoortumik ulluinnarnilu suleqatinnut soqutigisalinnullu attaveqarluarsinnaanissat
• Periusissianik suliassanillu pilersaarusiornissamut ingerlatsinissanullu akisussaassuseqarlutit sulisinnaanissat
• Suliassat, paasissutissat, piffissaq atortussallu ataqatiisilluarsinnaagitit pingaarnersiorsinnaassasutillu
• Suliassaqarfiit suliassaqarfiullu tamakkiisumik suliassaat pillugit paasinnissinnaanissat kiisalu nutaanik ilikkarusuttuunissat

Piginnaatinit:

• Naapertuuttumik ingerlariaqqiffiusumik ilinniarsimanissat, allaffissornerup, inatsisilerinerup, inuiaqatigiinni paasissutissanullu tunngasunik ilinniarsimanissaq taakkunanngaluunniit piginnaasaqalersitsisumik allamik ilinniarsimanissaq
• ITqarneq digitaliseeriinerlu pillugit misilittagaqarneq iluaqutaasinnaavoq
• Paasissutissat pillugit sillimaniarneq illersuinerlu pillugit ilisimasaqarneq iluaqutaasinnaavoq
• Suliffeqarfinni politikkimik aqunneqartuni sulinermik misilittagaqarneq
• Kalaallisut, qallunaatut tuluttullu oqalussinnaaneq allassinnaanerlu

Atorfininnermut atatillugu ilinniartitsisoqassaaq. Atorfininnermi piginnaasat aallaavigallugit ilinniartitsinissaq ataqatigiissarneqassaaq.

Atorfininnermut atugassarititaasut
Atorfininnissamut naatsorsuutaavoq sillimaniarneq pillugu akuerineqarnissat atorfeqarnerillu tamakkerlugu sillimanierneq pillugu akuersissutip attanneqarnissaa.

Digitalinngortitsinermik Aqutsisoqarfik pillugu
Digitalinngortitsinermut Aqutsisoqarfimmi siunissami digitalimik atuineq qularnaatsoq anguniarneqarpoq, aqutsioqarfimmiillu inuiaqatigiit digitalimik aaqqissuussanik qularnaatsunik assigiissakkanillu atuisinnaanissaat qulakkeerniarneqarluni.
Digitalinngortitsinermik Aqutsisoqarfimmi Kalaallit Nunaanni aammalu Namminersorlutik Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsioqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik. Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinnississaq ukataralutigu.
Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk