Skip to main content
106

Dette jobopslag er udløbet

CR-imi Konsulent-i

Pitsaaliuinermut Isumaginninnermullu Aqutsisoqarfik, Qitiusumik Siunnersuisarfimmut suliaqarnermik sulianillu ingerlatsinermik misilittagalimmik siunnersuiussarsiorpoq.
 
Qitiusumik Siunnersuisarfik tassaavoq aaqqissuussaanikkut Pitsaaliuinermut Isumaginninnermullu Aqutsisoqarfiup ataani immikkoortortatut inissisimasoq. Immikkoortortaq inatsisilerinermut isumaginninnermullu tunngatillugu kommunini allaffissornikkut ingerlatsivinni inerisaaneq ikorfartorniarlugu pilersinneqarpoq, pisortanullu meeqqanut inuusuttunullu sanngiiffilinnut sullissisunut saaffiginnilluni.
 
Qitiusumik Siunnersuisarfimmi, pisortaqarfimmi pitsaaliuinermilu immikkoortortami sullissisunut, siunnersortissinnaaneq ilitsersortissinnaanerlu kiisalu meeqqanut inuusuttunullu sanngiiffilinnut tunngatillugu ikorfartorneqarsinnaaneq/supervision neqeroorutaapput.
 
Siunnersuisoq makkununnga peqataassaaq:

  • Ilaqutariinnut højskolinut periusissanik inerisaaneq.
  • Ilaqutariinnut højskolini upalungaarsimasunik pilersitsineq.
  • Qimarnguinni piginnaasatigut annertusaaneq nakuusernermullu tunngatillugu inersisaaneq.
  • Qulaani suliassat suliaqartussat naapertuuttut suleqatigalugit suliarineqassapput.
  • Sulianik ingerlatanik aqutsineq ataqatigiissaarinerlu
  • Suliffeqarfiup iluani avataanilu ilinniakkat akimorlugit suleqatigiinnerni peqataaneq.
  • Sulianik ataqatigiissaarineq.
  • Isumaginninnermut tunngatillugu immikkoortoq suleqatigalugu ilisimasanik, periutsinik iliuutsinillu nutarteriuarneq.
  • Ilisimasanik katersineq ingerlatitseqqiinerlu.
  • Ikorfartuineq/supervision, pikkorissaanerit

 
Naatsorsuutigaarput qinnuteqartup:

  • Naapertuuttumik ilinniagaqarnissaa
  • Inerisaanermut atatillugu suliniutinik ingerlatsinermik misilittagaqartuunissaa
  • Ingerlanniakkanik ingerlatsinermik ukkassisuunissaa
  • Alapernaatsuunissaa, siusissukkut iliuuseqarsinnaanissaa suleqatigiinnissanullu pitsaasumik pissuseqarnissaa
  • Assigiinngissutsinut ataqqinninnermik takutitsisinnaanissaa attaveqarfinnillu pilersitsinermut pikkorissuunissaa
  • Sunniuteqarsinnaanissaa, tatiginnilersitsisinnaanissaa naalaarsinnaanissaalu
  • Sanngisuujunissaa imartuujunissaalu
  • Oqaatsitigut allattariarsukkatigullu attaveqatigiinnermi nukittuffeqarnissaa
  • Ilinniakkat akimorlugit avatangiisini ataatsimut isiginnilluni aaqqiissuteqarnernut, inuit ataasiakkaat suleqataaffigisaanni sulinissamut kajumissuseqarnissaa
  • Nammineersinnaassuseqarnissaa, aaqqisuussamik angusaqarusussuseqartumillu suleriaaseqarnissaa
  • Illugiinnik kalaallisut qallunaatullu oqaaseqarneq iluaqutaassaaq.

 
Suliffik ilinniagaqassutsikkut ineriartornissamut, suleqatinik iliuuseqartunillu meeqqanut inuusuttunullu sumiginnagaasimasunut iliuuseqarnerup nukittorsarnissaanik suliaqarfiusumi, amerlasuunik suleqateqarnissamut periarfissarpassualik neqeroorutigisinnaavarput.
 
Angalanermut tunngasoq
Atorfimmut atatillugu angalasarnissaq naatsorsuutigineqarsinnaavoq.
 
Sap. ak. nal. ak. suliffiusartut: 40  

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Paasissutissat allat
Atorfimmut tunngatillugu annertunerusunik paasissutissinneqarusukkuit, Qitiusumik Siunnersuisarfimmi aqutsisoq Arnajaraq Poulsen oqarasuaatikkut: +299 34 60 14 imal. e-mailikkut: apou@nanoq.gl attavigisinnaavat

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk