Skip to main content
105

Dette jobopslag er udløbet

Controlleri anguniagaqarusussusilik annertuumik piumassusilik misissueqqissaartartorlu Nuummi Peqqissutsimut Pitsaaliuinermullu Aqutsisoqarfimmut

Aningaasaqarnermut Pilersaarusiornermullu immikkoortortami ulapaarpugut illillu nunatsinni misigisaqarnissamut piareersimasoq amigaatigaatsigit.
 
Nunatsinni Peqqinnissaqarfik politikkikkut, aningaasaqarnikkut nakorsaanikkullu soqutigisanit ulluinnarni unammillerneqartuartoq uummaarissumik pissanganartumillu siunissaqarpoq.
Aningaasaqarnermut tunngasunik suliaqarnitsinni sulianik ingerlatseriaatsinik, aningaasartuutissanut missingersuusiornermik malittarinninnermillu il.il. pitsaanerulersitsinissaq ukkapparput.
 
Controllerimik suliumatuumik angusaqarusussusilimmik, suliffeqarfimmi aningaasartuutissanut missingersuusiornermi, suliniuteqarnermi politikkikkullu peqataanermi pitsaanerpaamik angusaqarnissaq qulakkeerniarlugu, suliffeqarfiit akimorlugit suliaqarfiusumi ilaalersussamik pissarsiorpugut.
 
Ataqatigiissaarineq, malitseqartitsineq nunap immikkoortuini sumiiffinni, ilinniagaqassutsikkut politikkikkullu killissat akimorlugit ingerlatitseqqiineq piginnaasaqarfigaatit. Illit inuttut nammineerlutit suleqatigiinnilu sulisinnaassuseqarnissat piumasaqaataapput. Soqutigisat piginnaasallu apeqqutaatillugit ataatsimut suliassavit pilersaarusiornissaannut isumaginissaannullu akisussaaqataassaatit. Naapertuuttumik tunuliaqutaqassaatit misilittagaqaruillu iluaqutaassaaq.
 
Ineriartornissamut periarfisagissaarlutit inissisimassaatit, ulluinnarnilu nammineq sulininnut akisussaasuussallutit. Immikkut tamatta suliatsinnut akisussaaffeqaraluarluta, ilisimasanik paarlaasseqatigiinneq annertuumik ukkassaraarput. Ulluinnarni ajornartorsiutit, suliassat suliarinissaat assigisaallu pillugit siunersioqatigiittuarpugut, tamatumunngalu peqataalluarnissat kissaatigaarput.
 
Kikkuuvugut?
Aningaasaqarnermut pilersaarusiornermullu immikkoortortaqarfik peqqinnissaqarfiup qullersaqarfiata ataani inissisimavoq. Immikkoortortaavugut Peqqinnissaqarfimmi sulisunut allanut annertuumik attaveqartut. Peqqinnissaqarfimmi tamakkiisumi 1300-illu missaannik sulisulimmi, aningaasanik aqutsineq tamatumunngalu atatillugu aningaasartuutinut tunngatillugu pilersaarusiorneq malinnaanerlu, suliassatta pingaarnersaraat. Tamatuma saniatigut suleriaatsinik pitsanngorsaaneq-, naatsorsueqqissaarneq-, tusarniaavigineqarnermi akissuteqaasiorneq politikerillu saaffiginnissutaat isumagisaraagut.  
 
 
Qinnuteqarfissaq kingulleq ulloq 15. april 2019: 
Atorfik pillugu annertunerusunik paasisaqarusukkuit Aqutsisoqarfimmi pisortaq Malene M Nielsen oqarasuaatikkut: (+299) 48 35 01 imal. mailikkut: mamn@peqqik.gl attavigisinnaavat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk