Skip to main content
115

Dette jobopslag er udløbet

Chefpsykolog

Tarnip pissusaanik immikkut ilisimasalittut pisortaq

Nuna Tamakkerlugu Ilitsersuisarfimmi ilinniartunik siunnersuisarfik tarnip pissusaanik immikkut ilisimasalittut pisortassarsiorpoq.

Nuna tamakerlugu inuttut atukkatigut tarnillu pissusaatigut siunnersuisarfimmi – nalinginnaasumik ilinniartunik siunnersuisarfimmik taaneqartartumi Nuummiittumi sulisunut aqqaneq marlunnut  pisortanngorusuppit?
Ilinniartunut innuttaasunullu Majoriamiittunut siunnersuinermut- katsorsaanermullu  atatillugu neqeroorutinik inerisaanermi peqataarusuppit?

Nuna tamakkerlugu siunnersuisarfik Nuna tamakkerlugu Ilitsersuisarfimmi aaqqissuussaanikkut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataani inissisimasoq pisortanit neqeroorutaavoq. Siunnersuisarfiit tallimaasut illoqarfinni ilinniartoqarfinni annerni ukunaniipput. Qaqortoq, Nuuk, Sisimiut, Aasiaaat Ilulissallu. Ilinniartunut ataasiakkaanut eqimattanullu inuttut atukkatigut tarnillu pissusaatigut akeqanngitsumik siunnersuisarnissaq katsorsaasarnissarlu siunertaavoq.

Atorfiup sap. ak. nal. ak. 40-ni suliffiusussatut naatsorsuussaasup piaartumik imal. isumaqatigiissuteqarnikkut inuttalerneqarnissaa kissaataavoq.

Inummik ilinniagaqassutsikkut, aqutsinikkut inuttullu piginnaasaqarluartumik pissarsiorpugut.

Ineriartortitsinerup suliffeqarfimmi annertuumik sammineqarnissaa naatsorsuutigisariaqarpoq. Nuna tamakkerlugu ilinniartunik siunnersuisarfimmik ineriartortitsinermi pisortaq pingaarutilimmik inissisimavoq. Taamaammat pisortap katsorsaanermut-, ilinniartitaanermut-, isumaginninnermut –peqqissutsimullu tunngasut ilisimaarilluassavai.
Tarnip pissusaanik immikkut ilisimasalittut pisortap Nuna Tamakkerlugu Ilitsersuisarfiup pisortaa qullersarissavaa Ilitsersuisarfimmilu aqutsisoqatigiinnut ilaassalluni.

Suliat aqutsinermut tunngasut ilaatigut makkuupput:

  • Ilinniartunik siunnersuisarfimmi sulisunut akisussaasuuneq
  • Ilinniartunik siunnersuisarfimmi sulisut suliassaannik ilinniagaqassutsikkut inerisaaneq ataqatigiissaarinerlu
  • Ilinniartunik siunnersuisarfimmi sulisunut piginnaasanik ineriartortitsinissaq siunertaralugu oqaloqatigiittarnerit
  • Aqutseqatigiinni suliniutinik aalajangersakkanillu piviusunngortitseqataaneq
  • Siunnersortinnissamut periarfissanik nunalu tamakkeerlugu neqeroorutinik inerisaaneq.


ilaatigut qarasaasiakkut siunnersuinermik ineriartortitsineq.

Naatsorsuutigaarput:

  • Tarnip pissusaanik immikkut ilisimasalittut ilinniagaqarnissat taamatullu sulisinnaatitaanermut uppernarsaateqarnissat immaqalu immikkut ilisimasalittut ilinniaqqissimanissat- ajornanngippat tarnikkut nappaatinut tunngasunik ikorfartuinermillu misilittagaqarnissat.
  • Alisissumiit ilinniartitsinermik ajornanngippallu suliniutinik aqutsinermik misilittagaqarnissat
  • Katsorsartinnissamut neqeroorutinik inerisaanermik misilittagaqarnissat
  • Ataasiakkaanik eqimattanillu katsorsaanermik misilittagaqarnissat
  • Ilinniagaqassutsikkut inuttullu sullissininni sunniuteqarluarsinnaanissat
  • Pingaartumik ilinniakkat akimorlugit suleqatiginnissinnaalluarnissat
  • Isummat assigiinngitsut naapiffianni suliassat pisariaqartitallu assigiinngiiaartut akornanni kinguneqarluartumik iliuuseqarsinnaanissat.
  • Suliassat, pisariaqartitat isummallu assigiinngitsut naapiffianni kinguneqartussamik sulisinnaanissat.
  • Ilinniartitsinermik ilisimasaqarnissat, attaveqatigiinnermut ingerlatitseqqiinermullu piginnaasaqarluarnissat.


Neqeroorutigaagut:

  • Kalaallit Nunaanni ilinniartitaanerup siuarsarneqarneranut sunniuteqarsinnaaneq
  • Inuttut ilinniakkatigullu ineriartornissamut periarfissinneqarneq.
  • Ikorfartorneqarneq
  • Suliffik eqeersimaartoq
  • Suliffik sukkasuumik ineriartortoq
  • Suleqatit tunniusimasut pikkorissullu.


Akissarsianut atorfininnermullu atatillugu atugassarititaasunut tunngasut
Atorfik akissarsiat immikkoortitigaaneranni/LR 36-imiippoq, aningaasarsiat immikkoortui aalajangersimasut ilanngullugit apriilip aallaqqaataani 2019-imi aalajangersagaq naapertorlugu: qaammammut kr. 46.301/ukiumut kr. 555.617
Atorfinititsineq tunngaviusumik isumaqatigiissutit naapertorlugit pissaaq, qinnuteqartoq tjenestemanditut atorfimmeersuuppat tjenestemanditut atorfinititsisoqarsinnaavoq.

Atorfininnerup nalaani Namminersorlutik Oqartussat kattuffiullu illuatungiliuttup isumaqatigiissutaat atuuttoq naapertorlugu, akissarsiat atorfininnermilu atugassarititaasut tamatumunngalu ilanngullugu angalanermut pisattanillu assartuinermut akiliunneqarnissaq pissaaq.
Naalagaaffimmi tjenestemandit qaffasissumillu ilinniagallit (AC) isumaqatigiissutaat- ilaatigut DJØF-ip Finansministeriallu isumaqatigiissutaat naapertorlugu atorfinitsitat, Kalaallit Nunaanni Namminersorlutik Oqartussani atorfininnermut atatillugu akissarsiaqaratik sulinngiffeqarsinnaatitaapput.

Tunngaviusumik sap. ak. nal. ak. 40-it suliffiuvoq.


Ineqarneq
Inissamik neqeroortoqanngilaq.

Qinnuteqarneq kingusinnerpaamillu qinnuteqaammik tunniussinissaq
Qulaani pineqartut soqutiginnilersitsisimappata imal. atorfik pillugu paasisutissanik sukumiinerusunik pissarsinissaq kissaatigigukku Nuna Tamakkerlugu Ilitsersuisarfiup pisortaa Christine Tønnesen, oqarasuaatikkut: +299 383640, e-mailikkulluunniit: chto@aqqut.gl attavigisinnaavat.

2020-imi septembarip ulluisa 23-iat nallertinnagu qinnuteqaat Nuna Tamakkerlugu Ilitsersuisarfimmit tiguneqareersimassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk