Find job
Dette jobopslag er udløbet
Campus Kujalleq Kontorassistentimik pissarsiorpoq
Campus Kujalleq Kontorassistentimik pissarsiorpoq
1.april 2023 aallarnerfigalugu imaluunniit isumaqatigiissuteqarnikkut atorfinittussamik. EDB-imut piginnaaneqarluaruit, nammineersinnaallutit torersumillu sulisarlutit suliassallu assigiinngitsut suleqatinut ilinniartunullu qungujulaarnertalimmik naammassiisinnaaguit illerpiavik atorfissaqartippatsigit. Campus Kujallermi sulisut allat qanimut suleqatigineqarput.
Allaffissornermi suliassat makkuusut suliarisinnaasariaqarpatit:
- Oqarasuaammik paarsineq / CAK Mailia isumagalugu / allakkat anisut, isertut isumagalugit
- Ilinniartut, sulisut avataaniillu saaffiginnittut sullillugit
- Nutarterineq / Toqqorsivimmut inaalittiterineq (telefonliste, skaavimmik atornermi matuersaammik tunniussineq)
- Allaffissornermi suliassat allat (nutserineq)
Naatsorsuutingaarput:
- Officemut ilisimasaqartutit (Word aamma Excel)
- Suleqatigiuminartuusutit piumassuseqarlutillu
- Ataavartumik suliffimmik paarsisinnaasutit
- Sulianut allanngorartunut naammassiisinnaaneq
Atorfik pillugu sukumiinerusumik paasisaqarusukkuit allaffiup ningiua: Tulla P. Motzfeldt mail: tp@cak.gl imaluunniit attaveqarfigisinnaavat oqarasuaat 64 78 54.
Qinnuteqaat ilinniagaqarsimanermut uppernarsaatit, suliffigisimasamullu paasissutissiissutitalik oqaaseqaatillu nassiunneqassapput, ilanngullugu Børneattest, Straffeattest-lu ilanngunneqassapput ataani allassimasumut. Qinnuteqaatit tigoreersimassavarput kingusinnerpaamik 21. marts 2023.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job